EXODUS 27:9 - Lai (Hakha) Common Language Bible 2006

⁹ “Puan biakinn caah tual na ser lai. Thlanglei kam ca puanzar kha khumla hrual hmang ṭhia in sermi a si lai i pe za le sawm nga a sau lai, kam khat ca a si lai.

EXODUS 27:9 ပူးပေါင်းရင်းမြစ်များ

1 SIANGPAHRANG 6:36

Cun a chung deuh tual cu remhmi lung thap thum le sidar thingphel thap khat in a ser.

1 SIANGPAHRANG 8:64

Cu ni ṭhiamṭhiam ah cun siangpahrang nih Bawipa inn hmai i a ummi tual a laifang kha a thianter; zeicahtiah Bawipa hmai i a ummi dar biakṭheng kha, khangh thawinak le changvut thawinak le daihnak thawinak i a thau hna tlum awk caah a hme tuk i cucaah khika ah khan khangh thawinak le changvut thawinak le daihnak thawinak i a thau hna kha a pekchanh hna.

2 CHANRELNAK 33:5

Cun Bawipa inn tual pahnih chungah khan vancung thil vialte caah khin biakṭheng a ser hna.

2 CHANRELNAK 4:9

Tlangbawi hna tual le tual ngan le tual ca i innkhar kha a ser hna i an innkhar hna cu dar in a hut hna;

SALM 100:4

A kutka chungah cun lawmhnak he lut tuah u, a tual ah cun thangṭhatnak hla he lut tuah u; amah cu lawm u law thangṭhat tuah u.

SALM 84:10

Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.

SALM 92:13

Annih cu Bawipa inn chungah cinmi thing bantuk, Bawipa biakinn chungah hninghno ngaiin a um i

EXODUS 27:10

Cu puanzar cu dar tung pakul ah bah a si lai i cu dar tung pakul cu dar kedanh pakhat cio an ngei lai. Cun tung ah cun bahnak pakhat cio an um lai i ngun in sermi fung pakhat cio an ngei lai.

EXODUS 35:17

tual kulhnak ca puanzar le a tung le a kedanh hna, tual luhnak kutka ca puanzar,

EXODUS 36:17

Bu khatnak puan hmanung bik ah khan a hnam sawm nga an sih hna i a dang bu zongah khan cu bantuk ṭhiamṭhiam cun sawm nga an sih ve hna.

EXODUS 39:40

tual ca puanzar, tung, an kedanh, tual luhnak kutka ca puanzar, a hri le a thlam khenhnak fung, Pathian umnak thlam pumhnak thlam chung i rian ṭuannak ca i a herhmi thil vialte,

EXODUS 40:33

Thlam le biakṭheng kulhtu tual kulhnak puanzar kha a zar hna. Cuticun Moses nih rian vialte kha a lim.

EXODUS 40:8

A kulhtu tual kulhnak puanzar kha na zar hna lai i tual luhnak kutka puanzar kha na zar hna lai.

EZEKIEL 40:14

Innleng cu a tah i khattelei kam in khattelei kam tiangah dong kul a si, kutka innleng cu a tah dih hnuah lenglei tual kha a tah,

EZEKIEL 40:17

Lenglei tual ah khan a ka chuahpi i cu tual ah cun a velchum in a khaan hna le a dot a dot in remhmi lungrual kha ka hmuh hna.

EZEKIEL 40:20

Chaklei ah a hun ka merpi i chaklei a hoihmi kutka lam kha ka hmuh, cucu a leng deuh tual ta kha a si, cun a saulei le a kauhlei kha a tah.

EZEKIEL 40:23

Cun chaklei kam kutka he hmaitonh in a ummi tual ah cun nichuahlei kam i a ummi kutka in va luh a si; kutka pakhat cun kutka pakhat tiang cu a tah i dong za khat a si.

EZEKIEL 40:28

Chungchin tual ah cun thlanglei kam kutka khan a ka luhpi i a tah i a hawidang bantuk ṭhiamṭhiam kha a si.

EZEKIEL 40:32

Cun chungchin tual, nichuahlei kam i a ummi ah cun, a ka luhpi i a kutka cu a tah i a hawidang bantuk ṭhiamṭhiam kha a hmetngan ah a si.

EZEKIEL 40:44

Cun chungchin tual chungah khan a ka luhpi i a chungah cun khaan pahnih ka hmuh hna, pakhat cu chaklei kutka kil ah khan a si i thlanglei a hoih, pakhat cu thlanglei kutka kil ah khan a si i chaklei a hoih.

EZEKIEL 42:3

Chunglei tual ta a simi hmun dong kul chungah khan lenglei tual ta a simi lungrual he hmaitonh in inn khaan dot thum in an um.

NAMBAR 3:26

tual kulhnak puanzar, tual innkazar puan biakinn le biakṭheng velchum i a ummi cu le a hri hna; hi hna he aa tlaimi rian vialte.

NAMBAR 4:26

tual kulhnak puanzar, cun puan biakinn le biakṭheng velchum i a ummi tual kutka luhnak puanzar, cun an hri le an rianṭuannak ca i thilthuam vialte; cun cu hna he aa pehtlai in a herhmi vialte cu an tuah lai.

NAMBAR 4:32

cun tual velchum i a ummi tung hna, an hram hna he an khenhteo hna he an hri hna he, an thilthuam vialte le an thilri vialte he tiah; cun annih kha phorh awk fialmi thil hna cu an min in na thiah hna lai.