EXODUS 27:3 - Lai (Hakha) Common Language Bible 2006

³ Biakṭheng caah cun hihi na ser hna lai: sathau nih a tlakhnawhmi vutcam ruhnak le laknak ah um le cawhlek le kheng le thirzum le meiṭil ruhnak kheng an si lai. Biakṭheng ca thilthuam vialte cu dar in na ser hna lai.

EXODUS 27:3 ပူးပေါင်းရင်းမြစ်များ

1 SIANGPAHRANG 7:40

Hiram nih um hna le cawhlek hna le khengkuar hna zong kha a ser hna. Cuticun Hiram nih Bawipa inn ca i Siangpahrang Solomon a tuahpiakmi rian vialte kha a lim dih:

1 SIANGPAHRANG 7:45

Cun um hna le cawhlek hna le khengkuar hna, hi umkheng Bawipa inn chung i a ummi vialte, Hiram nih Siangpahrang Solomon a serpiakmi hi dar tleu in sermi an si.

1 SIANGPAHRANG 7:50

hrai hna, mei hmihnak hna, kheng kuar hna, zihmui ca kheng tete hna, mei zawhnak hna, sui thiang in sermi hna kha; cun innchung chungchin thiang bik hmun innka ca i sui kapza hna le biakinn ṭuangpi innka hna i sui kapza hna.

2 SIANGPAHRANG 25:14

Cun um hna le cawhlek hna le mei hmihnak hna le zihmui kheng hna le, dar umkheng vialte hna, biakinn chung rianṭuannak i hmanmi vialte kha an lak hna,

2 SIANGPAHRANG 25:15

meizahnak le khengkuar hna zong kha an lak hna. Ralvengtu haotu nih khan sui a simi thil paoh cu a sui kha a lak i ngun a simi thil paoh cu a ngun kha a lak.

1 CHANRELNAK 28:17

keuṭe ca le hmaihum ca le hrai ca i a herhmi sui thiang; sui khengkuar hna le an rihning cio,

2 CHANRELNAK 4:11

Huram nih um hna le cawhlek hna le khengkuar hna kha a ser hna. Cuticun Huram nih Bawipa inn ca i Siangpahrang Solomon a tuahpiakmi rian kha a lim:

2 CHANRELNAK 4:16

Um hna le cawhlek hna le keuṭe hna le hi hna ca i thilri vialte cu Huram-abi nih khan Siangpahrang Solomon caah Bawipa inn caah khan dar tleu in a ser hna.

EXODUS 24:6

Cawtum thi a hnarcheu kha Moses nih kheng chungah a chiah i a hnarcheu bak kha biakṭheng cungah a theh.

EXODUS 27:19

Puan biakinn chungah hmanmi thilri vialte cu, zei ca i hmanmi an si zongah, dar in sermi an si lai; cun puan biakinn hrennak ca fung vialte le tual ca fung vialte zong cu dar in sermi an si dih lai.

EXODUS 27:2

A kil pali ah khan a fong na ser hna lai. Biakṭheng he khan an i peh dih lai i an ningpi cun dar in na tuam hna lai.

EXODUS 27:4

Biakṭheng caah cun dar kharvar pakhat in na ser lai. Cu kharvar putnak ah cun a kil cio ah khan dar kual pali na thlaih hna lai i

EXODUS 38:3

Biakṭheng ca thilri, um, cawhlek, khengkuar, sio le mei zawhnak pakan kha a ser hna. A thilri vialte cu an dihlak in dar in a ser hna.

LEVITIKAS 16:12

Cun Bawipa hmai i a ummi biakṭheng cung meiṭil in a khatmi mei-laknak-kheng cu a lak lai i rimhmui dip tein denmi zapei hnih he puanzar chungah a luhpi lai i

NAMBAR 4:14

cun a cungah biakṭheng thilthuam vialte mah ka rianṭuannak i hmanmi, meilaknak kheng hna le thir zum hna le cawhlek hna le khengkuar hna le, biakṭheng thilthuam vialte hna cu an chiah lai; cun a cungah meheh phaw in sermi khuhnak an phah lai i a laang cu an hrolh hna lai.