EXODUS 27:21 - Lai (Hakha) Common Language Bible 2006

²¹ Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

EXODUS 27:21 ပူးပေါင်းရင်းမြစ်များ

GENESIS 1:5

ceunak cu “Chun” tiah min a sak i muihnak cu “Zan” tiah a ti. Zanlei cu a hung dih i zinglei kha a hung um — cucu ni khatnak ni cu a si.

GENESIS 1:8

van kuai cu a min ah “Van” a sak. Zanlei cu a hung dih i zinglei kha a hung um, cucu ni hnihnak ni cu a si.

2 CHANRELNAK 13:11

Kannih nih cun Bawipa kan Pathian nawlbia kha kan zulh caah Bawipa sinah zinglei fate le zanlei fate khangh thawinak le rim thawmi zihmui kha an pekchanh i sui thiang cabuai cungah khan hun camcinmi changreu kha an hun i zanlei fate sui meivannak tung cu a meiinn kha an alh naklai an zohkhenh; Bawipa nih a kan fialmi kha kan tuah; sihmanhsehlaw nannih nih cun amah cu nan hlawt.

SALM 134:1

Bawipa sal vialte hna, ra u law Bawipa cu thangṭhat u sih, zan i a biakinn chung i rian a ṭuanmi vialte hna, amah cu thangṭhat u sih.

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 16:34

Bawipa nih Moses a fial bang khan, him tein a um khawh nakhnga, biakamnak kuang hmaiah khan a chiah.

EXODUS 25:16

Kuang chungah cun kan pek laimi lungtlap pahnih, biakamnak hngalhter ṭhantu, kha na chiah hna lai.

EXODUS 28:43

Aaron le a fapa hna nih khan pumhnak thlam chung i an luh fate le hmunthiang chung i tlangbawi rian ṭuan awkah biakṭheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.

EXODUS 29:28

Zungzal a hmunmi ka nawlbia in hi sakhua hi Aaron le a fapa hna nih Israel mi hna sinin an hmuhmi a si lai. Israel mi nih hawikomhnak thawinak timi chungin an pekmi, tlangbawi hna sakhua i chiahpiakmi cu hihi a si; cu an pekchanhmi cu Bawipa sin i an pekmi an laksawng a si.

EXODUS 29:42

Hi khangh thawinak hi a zungzal in, nan tefa hna chan vialte tiangin pumhnak thlam innka ah, Bawipa ka hmaika ah, nan tuah zungzal awk a si lai. Hika hmun hi ka mi ka ton hnanak hmun le nan sinah bia ka chimnak hmun a si lai.

EXODUS 29:44

Pumhnak thlam le biakṭheng kha thil zarh ah ka ser hna lai i Aaron le a fapa hna cu ka tlangbawi rian ṭuan awkah ka thianter hna lai.

EXODUS 30:21

An thih sual nakhnga lo an kut le an ke kha an i ṭawl awk a si lai. Hi phung hi anmah le an tefa hna nih zungzal in an zulh awk hnga phung a si,” a ti.

EXODUS 30:36

A cheu cu dip tein na rial lai, cun a cheu cu pumhnak thlam chung ummi biakamnak kuang hmaiah khan na chiah lai, cuka hmun cu nangmah kan ton lainak hmun a si lai. Hi zihmui cu a zarh hringhranmi zihmui ah na ruah lai.

EXODUS 30:8

Cun zanlei i meiinn a van hna zongah khan a khangh fawn lai. Hi zihmui khangh thawinak hi nan tefa chan vialte tiangin ngol loin nan tuah zungzal lai.

EXODUS 40:3

Biakamnak hngalhter ṭhantu lungtlap hna umnak kuang kha a chungah na chiah lai i puanzar na khuh lai.

LEVITIKAS 10:9

“Nangmah nih siseh, na fapale hna nih siseh, tonnak thlam chungah nan luh tikah mitsur hang siseh zu siseh nan ding lai lo, nan thih sual nakhnga lo; mah cucu a zungzal in nan tefa hna chan tiangin nawlbia a si lai.

LEVITIKAS 16:34

Cun mah hihi nannih caah zungzal phung a si lai, Israel mi hna caah an sualnak vialte ruangah kum khat ah voi khat remnak ser a si lai.” Cun Moses nih Bawipa nih nawl a pek bangin a tuah.

LEVITIKAS 17:7

Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.

LEVITIKAS 23:14

Cun nan Pathian sin i pekchanhnak nan tuah hlantiang, cu ni theng tiang cu, changreu siseh, fangvoi a reu in siseh, a hring in siseh, nan ei lai lo; mah hihi nan techin fapar tiangin nan umnak kip ah zungzal ca nawlbia a si.

LEVITIKAS 23:21

Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 24:2

“Israel mi hna cu, oliv chiti a fimmite, van awk i ṭhuatmi cu, meiinn kha alh camcinternak caah, nangmah sin i rak put awkah nawl pe hna.

LEVITIKAS 24:3

Tonnak thlam chung biakamnak puanzar lengah khan Aaron nih a ningcang tein zanlei in zinglei tiang Bawipa hmaiah a chiah camcin lai; mah hihi nan techin fapar tiangin nawlbia a si lai.

LEVITIKAS 24:9

Cun mah cucu Aaron le a fapa hna caah a si lai i hmunthiang chungah khan an ei lai, zeitintiah Bawipa sinah mei in pekchanhmi lakah khan a caah a thiang bik, a hmuh camcin awk vo cu a si,” tiah a ti.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

LEVITIKAS 3:8

A laksawng lu cungah cun a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

LEVITIKAS 6:15

Cun pakhat nih changvut thawinak changvut dip cu pei khat in a lak lai, changvut thawinak cung i a ummi chiti le frankinsen vialte he, cun mah hihi hngalh camcinnak caah Bawipa ca i rimthaw ah biakṭheng cungah a khangh lai.

LEVITIKAS 7:36

chiti thuh an si ni ah Israel mi nih mah hihi an pek hna awk cu Bawipa nawlpekmi a si; an tefa chin tiangin a zungzal in an hmuh awk cu a si.”

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

NAMBAR 18:23

Sihmanhsehlaw Levi mi nih tonnak thlam rian cu an ṭuan lai i palhnak a um ahcun anmah nih an in lai; nan tefa chin tiangin mah hihi nawlbia a si camcin lai; Israel mi hna lakah ro cu an ngei lai lo.

NAMBAR 18:5

Cun nannih nih hmunthiang rian le biakṭheng rian cu nan bultawl lai, Israel mi cungah thinhunnak a um ti nakhnga lo.

NAMBAR 19:21

Cun mah hihi annih caah nawlbia a si camcin lai. Tlenghnak ti a thehtu nih khan a hnipuan a suk lai; cun tlenghnak ti a tawngmi kha zanlei tiang thianglo a si lai.

NAMBAR 35:29

“Cun mah thil hna hi nan caah nan tefa chin tiangin nan umnak kip ah nawlbia le phunglam an si lai.

NAMBAR 8:9

Cun Levi mi cu tonnak thlam hmaiah khan na chuahpi hna lai i Israel mibu an ningpi in na pumh hna lai.

MATTHAI 4:16

Muihnak chung i a ummi hna nih khan ceunak nganpi an hmuh lai. Thihnak ram mui chung i a ummi hna cungah ceunak a tlung lai,” a rak timi kha tlinter awk caah a si.

LUKA 12:35

“Zei thil paoh tlung ai kun, tiin nan taisawm kha fek tein i sawmh le nan meiinn kha i van in ralring tein um u;

JOHAN 5:35

Johan cu meiinn bantuk a si; a alh i a ceu i caan khatte cu a ceunak nih cun nan tha an nuamter hna.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.

BIAPHUAN 2:1

“Efesa khua i a ummi Khrihfabu vancungmi sinah hitihin va ṭial tuah: A orhlei kut in arfi pasarih aa put i sui mei vannak pasarih hna lakah aa chawkmi bia cu hihi a si:

1 SAMUEL 3:3

Pathian meiinn cu a mit rih lo i Pathian kuang a umnak Bawipa biakinn chungah khan Samuel cu a it.

1 SAMUEL 30:25

Cun cu ni thawk in nihin ni tiang Israel mi hna caah mah cucu nawlbia le phunglam ah a ser i nihin tiang a hmun.