EXODUS 26:30 - Lai (Hakha) Common Language Bible 2006

³⁰ Cuticun tlang cungah na hmuhmi pungsan ning khan puan biakinn cu na sak lai.

EXODUS 26:30 ပူးပေါင်းရင်းမြစ်များ

1 CHANRELNAK 28:19

Cun David nih aa thawh i, “Bawipa hrimhrim nih na tuah lai, tiah a ka fialmi tuahnak ding caah a ṭial in ṭialmi timhtuahnak chungah hi thil vialte hi an um dih,” tiah a ti.

EXODUS 25:40

Tlang cung i kan hmuhsakmi pungsan ningte khan ser naa zuam lai.

EXODUS 25:9

Ka umnak le a chung thilri vialte hna cu kan hmuhsak laimi pungsan ning in na ser hna lai.

EXODUS 26:29

Vampang cu sui in na hut hna lai i a tlang hrolhnak ding caah khan sui kual na thlaih hna lai; vampang tlang zong cu sui hutmi an si lai.

EXODUS 27:8

Biakṭheng cu a chung a kua in na ser lai, thing in na ser lai. Tlang cungah hmuhsak na simi pungsan ning khan na ser lai.

EXODUS 40:2

“Thla khatnak thla ni khatnak ni ah Pathian umnak thlam pumhnak thlam cu na dirter lai.

NAMBAR 10:21

Cun Kohath mi cu an i thawh i thil thiang kha an zawnh i an phanh hlanah puan biakinn kha an rak dirter cang.

NAMBAR 8:4

Cun mah hihi meiinn tung an serning kha a si, denmi sui i sermi cu; a hram in a pangpar tiang a den in denmi a si; Bawipa nih Moses a hmuhsakmi sawisam ning khan, cu bang cun meiinn tung cu a ser.

LAMKALTU 7:44

“Kan pupa hna nih khan, Pathian kan sinah a um ti hngalhnak thlam kha thetse ram ah khan an rak i ngeih ko. Pathian nih Moses a chimh bantuk khan sermi a si i Moses nih a hmuhmi pungsan ning khan tuah a si.

HEBRU 8:2

Hmun Thiang Bik chungah khan Tlangbawi Ngan rian kha a ṭuan i cu a ṭuannak cu minung sakmi si loin Pathian sakmi biaknak thlam taktak chungah khan a si.

HEBRU 8:5

Asinain cu tlangbawi hna nih rian an ṭuannak biakinn cu vancung i a ummi biakinn a mui le a thlam sawhsawh men a si. Puan biakinn kha Moses nih a ser lai tikah Pathian nih, “Tlang cung i a muisam kan hmuhsakmi bantukte khan zeizong vialte na tuah dih lai,” tiah a chimhmi bia nih khan a sawhmi cu hihi a si.

HEBRU 9:23

Atu i kan chimmi thil, vancung thil mui le thlam a simi hna nih hi bantukin thianhnak an herh ahcun, vancung thil hrimhrim, a taktak le a ngaingai a simi hna zong nih khan raithawinak a ṭha deuhmi an herh ve ko.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.