EXODUS 26:1 - Lai (Hakha) Common Language Bible 2006

¹ “Puan biakinn kha, khumlahrual a hmang a ṭhiami le tuuhmul a mui a dum, maimaw le a sen a simi in tahmi puan zun hra in na ser lai. Cun hi puan cungah cun cherubim kha dawh tein nan suai hna lai.

EXODUS 26:1 ပူးပေါင်းရင်းမြစ်များ

2 SAMUEL 7:2

siangpahrang nih profet Nathan cu a thawh i, “Zohhmanh, kei cu sidar thing inn chungah ka um i sihmanhsehlaw Pathian kuang cu puan thlam chungah a um ko,” tiah a ti.

1 SIANGPAHRANG 6:29

Inn vampang vialte cu a velchum in cherubim muisam le tumkung le pangpar mui in a chunglei khaan he a lenglei khaan he a ṭial dih hna.

1 CHANRELNAK 17:1

Cun David cu a inn ah khan a um i cu tikah, David nih cun profet Nathan cu a thawh i, “Zohhmanh, kei vial sidar thing inn chungah ka um i Bawipa biakamnak kuang tu cu puan thlam tangah a um,” tiah a ti.

1 CHANRELNAK 21:29

Zeitintiah ramlak ah Moses nih a sermi Bawipa puan biakinn le khangh thawinak biakṭheng hna cu khi caan ah khan Gibeon i khuahrum bo ah khan an um ko;

EXODUS 25:18

A chin a par veve caah cun a den in denmi sui in cherubim pahnih na ser hna lai i

EXODUS 25:4

tuuhmul a sen, a eng, a dum, la hmangṭhia, meheh hmul in sermi puan,

EXODUS 25:8

Biakinn pakhat an ka serpiak lai i cuticun an lakah ka um lai.

EXODUS 26:2

Puan cu dong kul le dong riat cio an sau lai i dong li cio an kau lai, an dihlak in an i ngaw dih lai.

EXODUS 26:31

“Tuuhmul a dum, a sen, senduk le khum la hrual hmang ṭhia in puanzar na tah hna lai. Ṭha tein na ṭamh hna lai i vancungmi mui na cuanter hna lai.

EXODUS 26:36

Thlam luhnak innka ca zongah tuuhmul a sen, a dum, senduk le khumla hrual hmang ṭhia in innka zar na ser hna lai i ṭha tein na ṭamh hna lai.

EXODUS 31:7

Cu ser awk tiah kan chimhmi cu, pumhnak thlam, biakamnak kuang, cu kuang a cung chin, pumhnak thlam chung thilri hman awk vialte,

EXODUS 35:11

puan biakinn le a cung khuh, a pehnak sio hna le tung hna, a hrenhnak thingthluan hna, a pulan le an dirnak kedanh hna,

EXODUS 35:35

Lung ṭialtu hna le pungsan suai thiammi hna le tuuhmul a dum, a sendung, a sen le khumla hmang ṭhia tah a thiammi hna le puantah thiammi hna zungthiamnak kha, thil a phunphun an tuah khawh nakhnga a pek hna. Thil a phunphun kha an tuah khawh i pungsan suai thiam ngaingaimi an si.

EXODUS 35:6

tuuhmul a dum, a sendung, a sen; khumla a hmang a ṭhiami, meheh hmul in tahmi puan,

EXODUS 36:35

Puanzar cu tuuhmul a dum, sendung le a senmi le khumla hrual hmangṭhia in an ser hna i a cungah cherubim hmanthlak kha dawh tein an suai hna.

EXODUS 39:3

Sui tlap kha pan tein an den i an riam hnuah tuuhmul a dum, sendung le a senmi le khumla hrual hmang ṭhia in tahmi puan ah khan an tah chih hna i thawi in dawh tein an ṭamh.

EXODUS 40:2

“Thla khatnak thla ni khatnak ni ah Pathian umnak thlam pumhnak thlam cu na dirter lai.

NAMBAR 3:25

Cun Gershon fapa hna nih tonnak thlam chungah an zohkhenh awk hnga cu puan biakinn cu a si lai, a thlam he, a khuhnak he, tonnak thlam innka zar,

NAMBAR 4:25

puan biakinn puanzar le tonnak thlam a khuh he, cun a cung i a ummi tuu phaw in sermi khuhnak, cun tonnak thlam innka zar,

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 2:21

Sihmanhsehlaw Jesuh nih biakinn a timi cu amah a pum kha a si.

HEBRU 8:2

Hmun Thiang Bik chungah khan Tlangbawi Ngan rian kha a ṭuan i cu a ṭuannak cu minung sakmi si loin Pathian sakmi biaknak thlam taktak chungah khan a si.

HEBRU 9:2

Biaknak puan thlam kha an ser, a lenglei cu Hmun Thiang ti a si. Cu chungah cun meiinn, cabuai le Pathian sin hunhmi changreu kha an um.

HEBRU 9:9

Hi tahchunhnak hi atu kan caan i a ummi thil kong ah a si. Pathian sin i pekchanhmi laksawng le saram raithawinak nih khan Pathian a biatu lungthin kha tling lakin a ṭhatter kho lo.

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.