EXODUS 24:6 - Lai (Hakha) Common Language Bible 2006

⁶ Cawtum thi a hnarcheu kha Moses nih kheng chungah a chiah i a hnarcheu bak kha biakṭheng cungah a theh.

EXODUS 24:6 ပူးပေါင်းရင်းမြစ်များ

2 SIANGPAHRANG 17:15

Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna.

SALM 99:6

Moses le Aaron cu a tlangbawi an si, Samuel cu a sinah thla a rak cammi pakhat a si; Bawipa cu an auh i a leh hna.

EXODUS 12:22

Hissop nge kha i khiah hna u law nan innleng i a ummi sathi ah khan nok hna u law nan innka tung le nan innkaba ah khan nalh hna u. Zinglei tiang, ahohmanh nan inn chungin nan chuak hrimhrim lai lo.

EXODUS 12:7

Cun an thi kha tlawmpal in nan lak lai i nan innka tung le nan innkaba ah khan nan nalh hna lai i inn chungah khan sa cu nan ei lai.

EXODUS 24:8

Cun Moses nih kheng chung thi kha aa lak i mi zapi cu a theh hna. Aa thawh i, “Bawipa nih hi nawlbia vialte hi an pek hna tikah nanmah he a sermi biakamnak a fehtertu cu hi thisen hi a si,” a ti.

EXODUS 29:16

Nan thah lai i a thi cu biakṭheng velchum ah khan na thlet lai.

EXODUS 29:20

Na thah lai i a thi tlawmpal in na lak lai i Aaron le a fapa hna an orhlei hna cungah khan na neh hna lai, cun an orhlei kutpi le an orhlei kepi zongah khan na neh fawn hna lai. A taangmi thi cu biakṭheng velchum ah khan na thlet lai.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

LEVITIKAS 1:11

cun Bawipa hmaiah a ummi biakṭheng chaklei kamah a thah lai i Aaron fapa hna tlangbawi hna nih khan a thi cu biakṭheng kha a velchum in an theh lai.

LEVITIKAS 1:5

Cun Bawipa hmaiah cawtum kha a thah lai i Aaron fapa hna, tlangbawi hna nih khan, sa thi cu an pek lai i, tonnak thlam innka i a ummi biakṭheng kha a velchum in an theh lai.

LEVITIKAS 3:2

Cun a pekchanhmi lu cungah a kut a chuan lai i tonnak thlam innka ah a thah lai i Aaron fapa hna, tlangbawi hna nih khan, a thi cun biakṭheng kha a velchum in an theh lai.

LEVITIKAS 3:8

A laksawng lu cungah cun a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

LEVITIKAS 4:6

thi chungah cun tlangbawi nih a kutdong a hnim lai i hmunthiang puanzar hmai Bawipa hmaika ah cun thi cu tlawmpal in voi sarih a theh lai.

1 KORIN 11:25

Cu bantuk ṭhiamṭhiam in zanriah ei dih in hrai kha aa lak i, “Hi hrai hi Pathian biakamnak thar, ka thi in ka fehtermi a si. Hi hrai nan din fate keimah philh lonak caah ding u,” a ti.

KOLOSE 1:20

Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

HEBRU 8:9

Izipt ram chungin an pupa hna cu chuahpi awkah an kut in ka rak hruai hna ni i an sin i ka tuahmi biakamnak bantuk kha cu, a si lai lo. Anmah he ka tuahmi biakamnak kha zei ah an rel lo caah annih cu zei ah ka rel ve hna lo,’ tiah Bawipa nih a ti.

HEBRU 9:18

Cu ruangah cun pei biakamnak hmasa u hmanh kha thisen hman lawnglawng in ser khawh a rak si cu.

HEBRU 9:19

A hmasa bik ah Nawlbia nih a ti bantukin, Moses nih mizapi kha nawlbia vialte cu a relpiak hna. Cun cawfa thi kha aa lak i ti he a cawh hnuah, Nawlbia cauk le mizapi kha, hisop le tuuhmul sen in a theh hna i

HEBRU 9:21

Cu bantuk ṭhiamṭhiam in biaknak thlam le biaknak i hmanmi thilri vialte kha Moses nih cun a theh ve hna.

1 PETER 1:19

nanmah luatnak man cu a sungmi thi, dotlak lonak zeihmanh a ngei lomi tuufa thi bantuk, Khrih thi kha a si.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.