EXODUS 24:12 - Lai (Hakha) Common Language Bible 2006

¹² Bawipa nih Moses cu a thawh i, “Ka sinah tlang cungah hung kai law hung um. Ka mi hna cawnpiaknak caah ka timi ka nawlbia le ka phunglam ka ṭialnak lungtlap hna kha kan pek lai,” a ti.

EXODUS 24:12 ပူးပေါင်းရင်းမြစ်များ

1 SIANGPAHRANG 19:11

Cun anih nih a thawh i, “Chuak tuah, Pathian hmaiah tlang cungah va dir tuah,” tiah a ti. Cun Bawipa cu a lan i a thlichia a hrang ciammam i tlang cu a cheu i Bawipa hmaiah cun lung hna cu a khuai cikcek hna, sihmanhsehlaw Bawipa cu thli chungah cun a um lo; cun thli a hran dih cun li a hnin, sihmanhsehlaw Bawipa cu lihnin chung zongah cun a um lo;

EZRA 7:10

Ezra nih Bawipa phungbia kha cawn awk le tuah awk le a nawlbia hna le a phunglam hna kha Israel mi cawnpiak awk kha a lung in aa sehchih.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

NEHEMIAH 9:14

annih cu a thiangmi na sabbath kha na hngalhter hna i nawlbia le phung le phungbia kha na sal Moses sinin na pek hna.

SALM 19:12

Ahohmanh amah sualnak aa hmu khomi an um lo; a thli tein ka tuahmi ka sualnak chungin ka thianh tuah.

EXODUS 19:3

Moses cu tlang cungah khan Pathian ton awkah a hung kal. Tlang cung cun Bawipa nih khan a vun auh i,

EXODUS 24:15

Moses cu tlang cungah cun a hung kal i minmei nih khan tlang cu a rak zelh.

EXODUS 24:18

Moses cu minmei chungah khan a lut i tlang cungah cun a kai. Cuka ah cun ni sawm li le zan sawm li a um.

EXODUS 24:2

Moses lawnglawng ka pawngah cun na ra lai; a dang kha cu lamnai ah an ra lai lo i mi zapi kha na sinah cun an ra lai lo,” tiah a ti.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 32:1

Moses cu tlang cungah khan saupi a um i a rung ṭum ti lo tikah khan, Israel mi nih cun Aaron kha an pumhhnawh i, “Izipt ram in a kan chuahpitu Moses kha zei a can kan hngal ti lo, cucaah cun a kan hruaitu dingah pathian kan serpiak tuah,” an ti.

EXODUS 34:1

Bawipa nih Moses cu a thawh i, “Lungtlap pahnih, hmasa i bantuk, na khuaimi bantuk kha ser ṭhan hna. An cungah cun hmasa lungtlap cung i a ummi bia kha ka ṭial ṭhan hna lai.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

MATTHAI 5:19

Cucaah cun ahohmanh nih nawlbia lak i a hme bik te hmanh kha zul loin a um i midang zong kha cu bantukin a cawnpiak hna ahcun, cu pa cu Vancung Pennak chungah a hme bik a si lai. Cun Nawlbia kha a zul i midang zong kha, cu bantukin zulh awk, tiah a cawnpiakmi hna cu, Vancung Pennak ah mi ngan a si lai.

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

2 KORIN 3:7

Nawlbia cu lungtlap cungah khan cafang in ṭial a rak si i cu nawlbia cu annih kha pek a si lioah khan Pathian sunparnak cu a lang. Moses hmai i a rak ummi ceunak cu a lang. Moses hmai i a rak ummi ceunak cu a ziam zau ko nain cu ceunak cu a rak ṭhawn tuk caah khan Israel mi nih Moses kha dengteo in an rak zoh ngam lo. Thihnak tluntertu a simi Nawlbia hmanh, cu bantuk sunparnak he a rat a si ahcun,

DEUTERONOMI 4:14

Cun khi caan ah khan Bawipa nih nannih cu nawlbia le phunglam hna kha cawnpiak awkah nawl a ka pek, nannih nih co awkah nan va kalhnawhmi ram chung i nan va tuah awk a simi hna cu.

DEUTERONOMI 5:22

“Mah bia hna hi Bawipa nih nan bu ning in tlang ah khan mei chung le a chahmi khuadawm chungin aw fakpi in an chimh hna i a chap ti lo. Lung tlap pahnih cungah a ṭial hna i keimah kha a ka pek hna.

DEUTERONOMI 5:31

Sihmanhsehlaw nang cu, hika ah ka pawngah dir law, nawlbia vialte le phungbia le phunglam na cawnpiak laimi hna cu kan chimh lai, co awkah ka pekmi hna ram chungah an tuah hna lai, tiah a ti.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.