EXODUS 23:1 - Lai (Hakha) Common Language Bible 2006

¹ “Ahmaan lomi thawngpang kha mi sinah nan chim chin lai lo. A sualmipa kha ahmaan lomi tehte sinak in va bawm hlah.

EXODUS 23:1 ပူးပေါင်းရင်းမြစ်များ

GENESIS 39:17

Cun a chim hmasa bantuk ṭhiamṭhiam khan a chimh ve i, “Khi Hebru sal kan sin i na ratpimi nih khin ka thangchiat a ka duh caah ka khaan chungah a ka luhhnawh.

2 SAMUEL 16:3

Cun siangpahrang nih cun a thawh i, “Na bawipa fapa kha tah khuazei ah dah a si?” tiah a ti. Ziba nih siangpahrang sinah cun, “Zohhmanh, Jerusalem ah a um ko, zeicahtiah, “Nihin ah hin Israel chung hna nih ka pa pennak kha an ka pek ṭhan lai,’ a ti,” tiah a ti.

2 SAMUEL 19:27

Cun na sal cu siangpahrang sinah a ka thangchiat cang. Sihmanhsehlaw siangpahrang ka bawipa cu Pathian vancungmi bantuk a si ko; cucaah nangmah nih a ṭha na timi paoh tuah ko.

SALM 101:5

Mi congoih a hmangmi kha daihter kaa zuam hna lai i miporhlaw hna le miruamkai hna he cabuai i ṭhut ṭi cu ka hrial lai.

SALM 120:3

Nannih milihchim hna, nan cungah Pathian nih zeidah a tuah lai? Zeitindah dan an tat hna lai?

SALM 15:3

mi congoih a hmang lo i hawikom cungah ṭhat lonak a tuah lo i a innpa a congoih lo i

SALM 27:12

Lih le hro in a ka tlerh lengmangmi ka ral hna lakah hin ka chia ta hlah.

SALM 35:11

Miṭhalo nih sual an ka phawt i ka hngalh hrimhrim lomi sualnak kha an ka puh.

EXODUS 20:16

“Nan minung hawi cungah tehte dinglo nan si lai lo.

EXODUS 23:7

Ahmaan loin sual i phawtnak kha hrial ko u. A sual lomi kha thih dan pe hlah u, zeicahtiah cu bantuk thil ṭhalo a tuahmi cu keimah nih sual ka phawt hna lai.

PHUNGTHLÛKBIA 10:18

Huatnak a paw chungah a thupmi nih a hmur in lih a chim, hawi thangchiatnak a chimmi cu mihrut an si.

PHUNGTHLÛKBIA 12:17

Biatak a chimmi nih cun ding tein tehte a khan, sihmanhsehlaw tehte ding lo cu hlennak bia in a khat.

PHUNGTHLÛKBIA 14:5

Zumh awk tlakmi tehte nih cun lih kha a chim lo, sihmanhsehlaw tehte dinglo nih cun lih kha a thaw ah aa chuahchih.

PHUNGTHLÛKBIA 17:4

Mihrokhrawl cu hrokhrawl bia lawng kha a thlingthla, lihchim hmang nih cun thangchiatnak bia lawng kha a ngai.

PHUNGTHLÛKBIA 19:28

Tehte ṭhalo nih biading kha zei ah a rel lo, miṭhalo mi hna bia nih ṭhat lonak kha a chuahter.

PHUNGTHLÛKBIA 19:5

A dinglo tehte cu dantat loin a luat lai lo, Lih a chimtu cu a luat ve lai lo.

PHUNGTHLÛKBIA 19:9

A dinglo tehte cu dantat loin a luat lai lo, Lih lawng a chim lengmangmi cu a rawk lai.

PHUNGTHLÛKBIA 21:28

Tehte deu cu a rawk lai, Sihmanhsehlaw thil ṭha tein a ruat dildelmi pa bia cu cohlanpiak a si lai.

PHUNGTHLÛKBIA 24:28

Zei ruang setsai lo ah na innpa cungah tehte va si hlah, Amah kong ah thil a ping i a kalter khotu ding bia zong va chim hlah.

PHUNGTHLÛKBIA 25:18

A hawikom cungah a hmaan lomi tehte a simi cu thingtan le vainam le a harmi cantiang bantuk a si.

PHUNGTHLÛKBIA 25:23

Chaklei thli nih ruah a ratpi, congoihnak nih thinhunnak a chuahpi.

PHUNGTHLÛKBIA 6:19

Lih a chim lengmangmi tehte le U le nau karlak i rem lonak thlaici a tuhtu.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

LEVITIKAS 19:11

“Nan fir lai lo; hlennak in thil nan ti fawn lai lo, pakhat le pakhat lih nan i chim fawn lai lo.

LEVITIKAS 19:16

Na mi hna lakah mi kongthang ceih in vak len ko hlah, na innpa nunnak hrawh awkah dir hlah: keimah hi Bawipa cu ka si.

MATTHAI 19:18

Tlangvalpa nih cun, “Zei nawlbia hna dah?” tiah a ti. Jesuh nih, “Lai va nawng hlah; nu le pa sualnak va tuah hlah; fir hlah; lih chim hlah;

LUKA 19:8

Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.

LUKA 3:14

Ralkap zong kha an ra i, “Kannih tah zeitin? Zeidah kan tuah awk cu a si ve lai?” an ti. Annih cu a thawh hna i, “Ahohmanh hramhram in tangka va chut hna hlah u; va tlerhkhonh fawn hna hlah u. Nan lahkhah ah khan nan lung va tling ko u,” tiah a ti hna.

JOHAN 7:51

“Kan phungning ah cun, ahohmanh a bia kan theih hlan le a tuahmi kan hmuh hlanah cun sual kan phaw kho hna lo,” tiah a ti. Nikodemu cu voi khat Jesuh a va lengtu kha a si.

ROM 3:8

“Ṭhatnak a chuah nakhnga ṭhat lonak kha tuah u sih,” tiah zeicaah kan ti ko kun lo? Cu hrimhrim cu a chimmi a si, tiin mi cheukhat nih an ka thangchiat. Cu bantuk mi pawl cu sualphawt awk tlak an si bantukin sualphawt an si ko lai.

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

DEUTERONOMI 5:20

“ ‘Na innpa cungah a ding lo biahngaltu sinak na tuah lai lo.

2TIMOTE 3:3

zaangfahnak an ngei lai lo, mi zawnruahnak an ngei lai lo, mi thangchiat duhmi an si lai, ruru-hranghrang in khua a sami an si lai i ṭih a nungmi an si lai; ṭhatnak kha an huat lai;

1 PETER 3:16

Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.