EXODUS 22:9 - Lai (Hakha) Common Language Bible 2006

⁹ “Thilri cuhnak kong ah, an i cuhmi cu cawtum siseh, laa siseh, tuu siseh, hnipuan siseh, zei thil a tlaumi paoh zong a si ah, an bia cu Pathian hmaiah chuahpi a si lai. Pathian nih sual a phawtmi nih khan a dang pa kha a let in a rulh lai.

EXODUS 22:9 ပူးပေါင်းရင်းမြစ်များ

GENESIS 31:39

Sa nih tuu pakhat khat a seh tikah, keimah palh ruangah a si lo, tiin a ruak cu na hmuh awkah na sinah ka ratpi bal lo, keimah nih ka liam ko. Chun i firmi siseh zan i firmi siseh na liam hna lai na ka ti.

1 SIANGPAHRANG 8:31

“Mi pakhatkhat nih a innpa cungah a sual i chiat serter a si i a chiatsernak cu hi inn chung na biakṭheng hmaiah hin chimter a si ahcun,

2 CHANRELNAK 19:10

khuazei khuami hmanh, thisen chuahnak kong ah siseh, phungbia le nawlbia kong ah siseh, an bia nan sin a phak tikah, annih nih Bawipa hmaiah mawhnak an ton nakhnga lo le nan cung le nan unau hna cungah thinhunnak a tlun nakhnga lo, nannih nih annih cu nan rak cawnpiak hna lai. Cu bantuk cun nan tuah lai i mawhnak nan tong lai lo.

EXODUS 22:10

Mi pakhatkhat nih laa siseh, cawtum siseh, tuu siseh, saṭil dang pakhatkhat siseh, mi dang pakhat kha rak ka zohkhenhpiak hna tiah a fial i saṭil cu a thih ahcun, asiloah hma a in ahcun, a si lo ah ral nih an tlaih ahcun, tehte a um lo ahcun

EXODUS 22:28

“Pathian cu nan thangchiat lai lo, nan mi hna hruaitu a simi kha chiat nan serh lai lo.

LEVITIKAS 6:5

ding loin chiat a serhnawhmi zei thil paoh siseh a rulh lai; tling tein a rulh lai i a cheu nga cheu khat a chap lai i a phungbuar thawinak ni ah a ngeitu sinah khan a pek ṭhan lai.

MATTHAI 18:15

“Na unau pakhatkhat nih na cungah sualnak a tuah ahcun, amah sinah cun va kal law a sualnak cu va chim. Sihmanhsehlaw, a thli tein nanmah pahnih lawng theih in na va tuah lai. Na bia a ngaih ahcun, na unau ah na lak khawh ṭhan a si.

MATTHAI 18:35

“Nannih nih nan u nan nau kha nan lungchung taktak in nan ngaihthiam hna lo ahcun cu bantuk cun vancung khua i a ummi ka Pa nih nannih zong cu an tuah ve hna lai,” tiah a ti hna.

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,