EXODUS 22:29 - Lai (Hakha) Common Language Bible 2006

²⁹ “Rawl nan hmuhmi chungin siseh, chiti le mitsur hang nan hmuhmi chungin siseh, keimah ca thawhlawm pek kha duh loin um hlah u. “Nan fapa nan hrin hmasa bikmi hna kha nan ka pek lai.

EXODUS 22:29 ပူးပေါင်းရင်းမြစ်များ

2 SIANGPAHRANG 4:42

Baal-shalisha in mipa pakhat a ra i Pathian mi cu thlai thar, barli changreu tlang kul le rawl thar a sawngkhoi in a rak put. Cun Elisha nih, “Mi kha pe hna, ei hna seh,” tiah a ti.

2 CHANRELNAK 31:5

Nawlbia cu ka kip ah an thanh tikah Israel mi nih tampi in rawl thar hmasa hna le mitsur hang le chiti le khuaihliti le lo in a chuakmi vialte kha an thawh i zeizong kip cheu hra cheu khat kha tam piin an rak put.

EXODUS 13:12

Kha nan hrin hmasa bik fapa paohpaoh kha nan pek lai; nan saṭil nih a hrin hmasa bik fa a pa paohpaoh cu Bawipa ta an si.

EXODUS 13:2

“Fater, pa vialte cu keimah sinah nan ka pekchanh hna lai. Israel mi fater paohpaoh cu, minung an si ah, saram an si ah, keimah ta an si,” a ti.

EXODUS 23:15

Thilnu Phulh Lo Changreu puai kha nan tuah lai; kan chimh cang hna bantuk khan, Abib thla chung i ni khiahmi ni sarih chung kha thilnu phulh lo changreu nan ei lai, zeicahtiah cu thla cu Izipt ram in nan chuah thla kha a si. Ahohmanh ka hmaiah kut put ngei loin nan chuak lai lo.

EXODUS 23:16

Rawl Ṭuan Puai timi kha nan tuah fawn lai; cu puai cu nan lo chung i nan cinthlakmi rawl a theipar hmasa bik an zat caan ah khan a si lai. Kum dongh ah Thingthei Lawh Puai kha nan tuah lai, cu puai cu nan mitsur dum le nan thingthei dum in thingthei nan lawh hna caan ah khan a si lai.

EXODUS 23:19

“Rawl nan ṭuan hmasa bikmi chung i a ṭha bikbik kha Bawipa nan Pathian inn chungah nan rak put lai. “Tuufa kha a nu hnuk in nan chuang lai lo.

EXODUS 34:19

“Hrin hmasa bikmi fapa hna le saṭil zong nih an hrin hmasa bikmi hna cu keimah ta an si: fapa hrin hmasa bikmi hna paohpaoh le nan caw le nan saṭil run nih an hrin hmasa bikmi hna paohpaoh cu keimah ta an si.

EXODUS 34:20

Asinain hrin hmasa bik laa paohpaoh cu tuu in nan tlanh hna lai; nan tlanh hna lo ahcun an hngawng nan khiah hna lai. Hrin hmasa bik fapa paohpaoh kha nan tlanh hna lai. Ka hmaiah ahohmanh pekchanhmi thil um loin nan chuak lai lo.

EZEKIEL 20:40

Sihmanhsehlaw ka tlang thiang cungah, Israel tlang sang cungah, khika ah Israel mi hna nih ram chungah an dihlak in ka rian an ṭuan lai, tiah Bawipa Pathian nih a ti. Khika ah khan ka cohlan hna lai i khika ah khan nan laksawng le nan pekchanhmi thil chung i a ṭha bikbik hna le a thiangmi nan thawhlawm vialte he khan ka pe u, tiah kan hal hna lai.

LEVITIKAS 22:27

“Cawtum siseh, tuu siseh, meheh siseh, a chuah tikah a pi sinah ni sarih a um lai; cun a ni riat ni thawk cun Bawipa sin i mei in pekchanh awk caah cohlan a si lai.

MIKAH 7:1

Aize! Theikung cungah thei zeihmanh a hmu ti lomi le Mitsur ruang ah a thei zeihmanh a hmu ti lomi rawlṭammi bantuk ka si ai cang. Mitsur thei vialte le theipi a thaw ngaingaimi cu an lawh dih ai cang hna.

NAMBAR 18:13

An lo chung i theitlai a hmin hmasa bik, Bawipa sin i an rak putmi hna cu, na ta an si lai; na inn chung i a thiangmi paoh nih an ei khawh lai.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

DEUTERONOMI 15:19

“Nan cawrun chung le nan tuurun chung i fater a pa vialte hna cu Bawipa nan Pathian sinah nan pekchanh hna lai; nan cawrun chung i fater a pa hna cu rian ṭuannak ah nan hmang hna lai lo, nan tuurun chung i fater hna zong an hmul nan met hna lai lo.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.