EXODUS 22:25 - Lai (Hakha) Common Language Bible 2006

²⁵ “Nan lakah khua a sami misifak ka mi hna kha ahohmanh tangka nan cawih hna tikah tangka cawihtu nih an tuah tawn bantukin a karh nan la hna lai lo.

EXODUS 22:25 ပူးပေါင်းရင်းမြစ်များ

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

2 SIANGPAHRANG 4:7

A ra i Pathian mi kha a chimh i anih nih, “Va kal law, chiti kha va zuar law na leiba kha va cham, cun a tang rihmi khan nangmah le na fapa hna cu khua va sa u,” tiah a rak ti.

NEHEMIAH 5:7

Keimah le keimah kha ṭha tein kaa ruat ciammam i tuavon pawl le bawi pawl kha ka mawhchiat hna i, “Nannih nih a miak nan ei, nan unau hna sin khan nan ei cio ko,” tiah ka ti hna. Cun annih cu pumhnak nganpi ka serpi hna i

SALM 15:5

a karh la loin mi tangka a cawih i a sual lomi hna sual phawt awkah ziknawh pek khawh lomi cu an si. Hi thil a tuahmi hna cu an i hnin bal lai lo.

PHUNGTHLÛKBIA 28:8

A miak le a karh in a rumnak a chap chintu nih, misifak hna cung i zaangfahnak a ngeimi pa caah khan a khon a si.

JEREMIAH 15:10

Aize, aize, ka nu, zeicahhen na rak ka hrin ngelcel! Hnahnawhnak chung i a um ding le vawlei pumpi he aa ralchanh dingmi minung pei ka rak si ko hi. Aho sin hmanh in tangka ka cawi hna lo i Ahohmanh zong ka cawih fawn hna lo, Sihmanhsehlaw mi kip nih an ka thangchiat.

EZEKIEL 18:13

a miak le a karh in lei a cawihmi, hi bantuk mi cu a nung lai lo. Hi thil fihnung vialte hi a tuah hna caah a thi lai i a thisen kha a lu cungah a tla ko lai.

EZEKIEL 18:17

Biadinglo kha a hrial i a karh in siseh, dongtanh in siseh phaisa a cawih bal hna lo. Ka phungbia kha a zulh hna i ka nawlbia kha a tuah hna. Cu bantuk mi cu a pa sualnak ruangah khan a thi lai lo; a nung ko lai.

EZEKIEL 18:7

Ahohmanh a hrem bal hna lo i leibatu nih biakamnak ca i thil an pekmi kha a khirh zungzal hna, zeitikhmanh ah mi a ramh bal lo. Rawl a ṭammi kha rawl a pek hna i hnipuan a ngei lomi kha hnipuan a pek hna.

EZEKIEL 18:8

A miak lak in siseh, a karh in siseh, tangka a cawih bal hna lo.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

AMOS 2:8

Biahrennak ca i an lakmi puan cungah khan biakṭheng pawng kip ah an it i An Pathian inn chungah khan dantatnak in an lakmi zureu kha an din.

MATTHAI 25:27

Cu ti na hngalh ṭung ahcun ka tangka cu beng ah pei na rak chiah awk a si cu, ka ra kir tikah hin ka tangka he a karh he ka hmu hnga lo maw?

LUKA 19:23

A si kun ahcun zeicahdah tangka cu tangka chiahnak beng ah na rak chiah lo? Rak chia law cu, ka kir tikah hin a miak he ka hmu hnga lo maw?’ tiah a ti.

DEUTERONOMI 15:7

“Bawipa nan Pathian nih an pekmi hna nan ram chung i nan khua chungah nan lakah nan unau pakhatkhat mipam a um ahcun, cu nan unau mipampa cungah cun nan lung nan hahter lai lo i nan kut zong nan humkanh lai lo,

DEUTERONOMI 24:13

ni a tlak tikah biahrennak thil cu na khirh ṭhan lai, a puan chungah a ih i thluachuahnak an pek nakhnga; mah cucu Bawipa na Pathian hmaiah na caah dinnak a si lai.