EXODUS 22:22 - Lai (Hakha) Common Language Bible 2006

²² Nuhmei le ngakṭah kha zawmtai hna hlah u,

EXODUS 22:22 ပူးပေါင်းရင်းမြစ်များ

JOB 31:16

Sifakmi nih a duhmi kha sian loin ka um i nuhmei mit kha ka zetter i,

JOB 34:28

Khi tikah sifakmi aunak kha a hna chungah a phan i hremmi hna aunak kha a theih.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

PHUNGTHLÛKBIA 22:23

Zeicahtiah annih cu Bawipa nih a dirpi hna lai i anmah an nunnak ca i a simi an thilri a lakpiaktu hna kha an thilri a chuh ve hna lai.

PHUNGTHLÛKBIA 23:10

Hlanlio ramri tung kha ṭhial hna hlah, Ngakṭah kha an lo chut hna hlah;

PHUNGTHLÛKBIA 23:11

Zeicahtiah annih nih a ṭhawngmi hupphengtu an ngei i Amah nih cun nangmah kha taza an in cuai tikah an bia a chimpiak hna lai.

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 10:2

Cu ti nan tuah caah cun sifakmi nih an hmuh awk hnga a simi kha an hmu kho lo i an bia kha ding tein ceihpiak a um bal lo. Cu phung cun nannih nih nuhmei le ngakṭah kha an thil le an ri nan chuh hna.

JEREMIAH 7:6

ramdangmi le ngakṭah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.

JEREMIAH 7:7

Khi tikah hlanlio piin nan pupa hna sinah zungzal in co awkah ka pekmi hna ram ah hin nannih cu kan umter ko hna lai.

EZEKIEL 22:7

mi nih an nu le an pa hna kha an serhsat hna, ramdangmi kha an hrem hna i ngakṭah le nuhmei kha an rial hna.

ZEKHARIAH 7:10

ngakṭah le nuhmei, ramdangmi le sifakmi kha serhsat hna hlah u, pakhat le pakhat nan cungah ṭhat lonak kha i tlunter hlah u,” a ti.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

MATTHAI 23:14

(Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Nuhmei kha nan hlen nan hlen hna i an inn kha nan chuh hna, cun zapi hmuh awkah thla kha sau pipi in nan i camter. Hi caah hin pei nan dantatnak kha a fah chinchin lai cu!)

DEUTERONOMI 10:18

Pangeilo le nuhmei cu ding tein bia a ceihpiak hna i, mipem kha a dawt i rawl le hnipuan a pek.

DEUTERONOMI 15:9

‘Kum sarihnak kum, ngaihthiamnak kum cu a nai cang,’ tiin nan ti i nan unau a si a fakmi kha hmuh nan duh lo i zeihmanh pe duh loin nan lung chungah ruahnak ṭhalo a um sual nakhnga lo, i ralring tuah u, nanmah kongah Pathian a auh ahcun nan caah sual a si ko lai.

DEUTERONOMI 24:17

“Mipem siseh, pangeilo siseh, a hmuh awk hnga biading cu nan merhpiak lai lo, nuhmei puan zong biahrennak ah nan la lai lo;

DEUTERONOMI 24:18

sihmanhsehlaw Izipt ram ah sal nan rak si i khika in Bawipa nan Pathian nih an tlanh hna kha nan hngalh camcin lai; cucaah mah hihi tuah awkah nawl kan pek hna.

DEUTERONOMI 27:19

“ ‘Mipem le pangeilo le nuhmei nih an hmuh awk hnga a simi biading a merhtu cu chiat seh,’ tiah an thanh lai. Cun mi vialte nih, ‘Amen’ an ti lai.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.