EXODUS 22:21 - Lai (Hakha) Common Language Bible 2006

²¹ “Nannih zong kha Izipt ram ah khan ramdang mi nan rak si ve caah, ramdangmi kha nan serhsat hna lai lo i nan hrem fawn hna lai lo.

EXODUS 22:21 ပူးပေါင်းရင်းမြစ်များ

JOB 6:27

Ngakṭah hna sal i lak awkah camcawhfung hmanh nan khiah ko hnga i Nan hawi ṭha bik hmanh cu chawlehnak ah nan hman ko hnga.

SALM 146:9

Hi ram chungah a ummi ramdangmi kha a huhphenh hna; nuhmei le ngakṭah kha a bawmh hna, sihmanhsehlaw miṭhalo pawl khuakhannak cu a hrawh.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 23:9

“Ramdang mi kha nan zawmhtaih hna lai lo, nannih zong Izipt ram ah ramdang mi nan rak si caah ramdang mi si cu zei bantuk dah a si ti kha nan hngalh.”

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

JEREMIAH 7:6

ramdangmi le ngakṭah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.

EZEKIEL 22:7

mi nih an nu le an pa hna kha an serhsat hna, ramdangmi kha an hrem hna i ngakṭah le nuhmei kha an rial hna.

LEVITIKAS 19:13

“Na innpa kha na serhsat lai lo i a ramh zong na ramh lai lo. Kuli ṭuanmi rianṭuan man cu zan khuadei a thaizing tiang na sinah i chiah hlah.

LEVITIKAS 19:33

“Khual pakhatkhat nih nan ram ah an pem hna tikah a cungah ṭhat lonak nan tuah lai lo.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

LEVITIKAS 25:35

“Na unau cu a si a fah i nangmah kha an toh ahcun, nangmah nih na rak cawmken lai; khual le mipem bantukin na sinah a um lai.

ZEKHARIAH 7:10

ngakṭah le nuhmei, ramdangmi le sifakmi kha serhsat hna hlah u, pakhat le pakhat nan cungah ṭhat lonak kha i tlunter hlah u,” a ti.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

DEUTERONOMI 1:16

Cun khi caan ah nan biaceihtu hna cu, ‘Nan unau hna an karlak i bia cu ngaihpiak hna u law, mipa le a unau karah siseh, ramdangmi amah he a ummi he karlak ah siseh, ding tein bia nan ceih lai.

DEUTERONOMI 10:18

Pangeilo le nuhmei cu ding tein bia a ceihpiak hna i, mipem kha a dawt i rawl le hnipuan a pek.

DEUTERONOMI 10:19

Cucaah mipem kha daw u, zeitintiah nannih kha Izipt ram ah mipem nan rak si.

DEUTERONOMI 15:15

Nannih nih Izipt ram i sal nan rak si le Bawipa nan Pathian nih an tlanh hna kha nan hngalh camcin lai; cucaah cun mah nawl hi nihin ah kan pek hna.

DEUTERONOMI 23:16

nan lakah, nan khua pakhatkhat chung i a duh bikmi hmun aa thimmi ahcun, nanmah sinah a um lai; nan hrem lai lo.

DEUTERONOMI 23:7

“Edom mi cu nan hua hna lai lo, zeitintiah annih cu nan unau an si; Izipt mi cu nan hua hna lai lo, zeitintiah an ram ah mipem nan rak si.

DEUTERONOMI 24:17

“Mipem siseh, pangeilo siseh, a hmuh awk hnga biading cu nan merhpiak lai lo, nuhmei puan zong biahrennak ah nan la lai lo;

DEUTERONOMI 27:19

“ ‘Mipem le pangeilo le nuhmei nih an hmuh awk hnga a simi biading a merhtu cu chiat seh,’ tiah an thanh lai. Cun mi vialte nih, ‘Amen’ an ti lai.