EXODUS 22:18 - Lai (Hakha) Common Language Bible 2006

¹⁸ “Hnam ngeimi nu kha nan nunter hna lai lo.

EXODUS 22:18 ပူးပေါင်းရင်းမြစ်များ

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

JEREMIAH 27:10

An in chimhmi hna cu lih a si; cucaah nannih nih nan ngaih ahcun nan ram in a hlat ngaingaimi ram ah kalpi nan si lai i keimah nih kan ṭhawl hna lai i nan thi lai.

JEREMIAH 27:9

Cucaah nan profet si hna seh, nan litin thiam si hna seh, nan mifim si hna seh, nan camhthiam si hna seh, nan eihthiam si hna seh, Babilon siangpahrang cu rian hlah u, tiin an in chimtu hna cu an bia ngai hlah u.

LEVITIKAS 18:23

Cun zei saram paoh ihpi in i thurter hlah, nu zong nih saram he ih ṭi awkah i pe hlah seh: mah cucu thil ningcanglo a si.

LEVITIKAS 19:26

“Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

LEVITIKAS 19:31

“Khuavang le camhthiam kha fukpanh hna hlah u; annih nih nannih kha thurter awkah va kawl hna hlah u: keimah hi Bawipa nan Pathian cu ka si.

LEVITIKAS 20:27

Pa siseh, nu siseh, khuavang ngei maw camhthiam maw a si ahcun thah a si lai; lung in cheh an si lai; an thisen cu anmah cungah a si lai.”

LEVITIKAS 20:6

“Mi pakhatkhat nih khuavang le camhthiam kha a fuhpanh hna i hlawh a hlanhnawh hna ahcun, cu mi cu ka hmai ka chiathnawh lai i a mi hna lak in ka hlonh lai.

LAMKALTU 19:19

Camh a rak hmang tawnmi hna nih khan an cauk kha hmunkhat ah an pumh hna i zapi hmaiah khan an khangh hna. Cauk man cu an tuak tikah tangka thong sawm nga tluk a si.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

DEUTERONOMI 27:21

“ ‘Saram zei bantuk hmanh a ihpimi cu chiat seh,’ tiah an thanh lai. Cun mi vialte nih, ‘Amen’ an ti lai.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

1 SAMUEL 28:3

Samuel kha atu cu a thi cang i Israel mi vialte nih an ṭah i amah khua Ramah ah khan an vui. Cun Saul nih thitlawnthiam le hnamngei kha ram chungin a dawi dih hna.

1 SAMUEL 28:9

Nu nih khan amah sinah cun, “Saul nih thitlawnthiam le hnamngei hna cu zeitindah hi ram chungin a ṭhawl hna ti kha na hngalh hrimhrim ko ṭung. Zeicahdah ka thih nakhnga dingin ka nunnak kha rap na ka chiah?” tiah a ti.