EXODUS 20:5 - Lai (Hakha) Common Language Bible 2006

⁵ Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

EXODUS 20:5 ပူးပေါင်းရင်းမြစ်များ

2 SAMUEL 21:1

David caan lioah cun kum thum chung, aa peh lengmang in mangṭam a tlung i David nih Bawipa hmai kha a kawl. Cun Bawipa nih, “Saul le a innchungkhar cungah thisen chuah mawhnak a um caah a si; zeicahtiah Gibeon mi kha a thah hna,” tiah a ti.

2 SAMUEL 21:6

mipa i a fapa hna lakin pasarih cu, Bawipa tlang cungah Gibeon ah Bawipa hmaiah kan thlai hna nakhnga, kan pe hna law kan duh,” tiah an ti. Cun siangpahrang nih, “Kan pek hna lai,” tiah a ti.

1 SIANGPAHRANG 19:10

Anih nih, “Bawipa, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

1 SIANGPAHRANG 21:29

“Zeitindah Ahab nih ka hmaiah lungṭhum ngaiin a um kha na hmu ko lo maw? Ka hmaiah a lung a ṭhumh caah ṭhat lonak kha amah chan ah hin cun ka tlunter lai lo; sihmanhsehlaw a fapa chan ah a innchungkhar cungah hin ṭhat lonak kha ka tlunter lai,” tiah a ti.

2 SIANGPAHRANG 17:35

Bawipa nih annih he biakamnak a ser i nawl a pek hna i, “Nannih nih pathian dang kha nan ṭih hna in an hmaiah nan kun in an rian nan ṭuan in raithawinak nan pechan hna lai lo;

2 SIANGPAHRANG 17:41

Cuticun hi miphun hna nih hin Bawipa cu an ṭih i serchommi an siasal hna cu an biak ṭhiamṭhiam fawn hna; an fale le an fale fa hna zong nih an tuah — an pupa hna nih an tuah bantukin nihin ni tiangin an tuah ko.

2 SIANGPAHRANG 23:26

Sihmanhsehlaw Manasseh nih a thin phawhnak a rak tuahmi vialte ruangah khan Judah cungah Bawipa thinhunnak kha a alh ko i cu a thinhunnak ṭih a nungmi cu a ṭhum hlei lo.

2 SIANGPAHRANG 5:18

Hi kong bel ah hin Bawipa nih na salpa cu ka ngaithiam ko seh! Ka bawipa nih Rimmon inn chungah biak awkah, a luh tikah kei zong Rimmon inn chungah cun ka lu ka khun ve ding a si, cu bantukin Rimmon inn chungah ka lu ka khun tikah, hi kong ah hin Bawipa nih na salpa cu ka ngaithiam ko seh,” tiah a ti.

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

2 CHANRELNAK 25:14

Edom mi a thah hnanak khan a rat hnuah, Seir mi hna pathian kha a rak i phorh hna i a pathian ah aa chiah hna i a biak hna i an sinah pekchanhnak kha a tuah.

2 CHANRELNAK 7:19

“Sihmanhsehlaw na pial i na hmai i ka chiahmi ka nawlbia hna le ka phungbia hna cu na hlawt hna i na kal i pathian dang hna kha an rian na ṭuan hna i na biak hna ahcun,

JOB 21:19

Nannih nih cun, ‘An pale ṭhat lo ruangah Pathian nih an fale cu dan a tat hna,’ nan ti, Sihmanhsehlaw kei nih cun, ‘A sualmi cu Pathian nih anmahte kha dantat ko hna seh law, cucu an sual caah a si, ti kha langhter ko seh,’ ka ti.

JOB 5:4

An fale hna cu an him deng naisai lo i Hauka ah khan lamh chih an si, Annih chanhtu ding kha ahohmanh an um lo.

SALM 109:14

Bawipa nih a pupa hna sualnak kha philh hlah seh law a nu sualnak kha ngaithiam hlah seh.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

SALM 79:8

Kan pupa hna nih sualnak an tuahmi ruangah cun kannih cu dan kan tat hlah, ruahchan awk zeihmanh kan ngeih ti lo caah zaangfahnak tu kan cungah ngei ko.

SALM 81:15

A ka huami cu ka hmaiah therphang in an kun lai, dantatnak an inmi cu zungzal in a hmun lai.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

EXODUS 34:14

“Nannih nih pathian dang zeihmanh nan bia hna lai lo, zeicahtiah Bawipa cu ka min ah “Nahchuak” ka si i Pathian nahchuak ka si.

PHUNGTHLÛKBIA 8:36

Sihmanhsehlaw keimah a ka hmu lomi nih cun amah le amah kha aa hliam ko; a ka huatu vialte cu thihnak he aa duhmi an si,” tiah a ti.

ISAIAH 44:15

Thingkung kha a cheu cu tih awkah a hman i a cheu cu siasal sernak ah a hman. A cheu kha mei tih awkah a hman i cu a mei cu toh awk le rawl chuannak ah a hman. Cun a cheu kha pathian sernak ah a hman i cucu a biak.

ISAIAH 44:19

Siasal a sertu nih, “Thing cu, a cheu mei tih awkah ka hman. Cun mei ah cun rawl le sa ka chuan hna i ka ei hna. Cun thing kha a tangmi cu siasal ah ka ser i cu thingtan hmaiah cun atu hi ka kun,” ti ruah awk a hngal lo.

JEREMIAH 2:9

Cucaah nannih cu taza kan cuai peng ko hna lai i Nan fale hna fale zong ka cuai peng ko hna lai, tiah Bawipa nih a ti.

JEREMIAH 32:18

Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.

EZEKIEL 18:19

Nannih nih nan i thawh hnga i, ‘A pa sualnak ruangah khan zeicahdah a fapa kha dantat a si lo?’ nan ti hnga. Zeicahdah dantat a si lo ti ahcun, a dingmi le a hmaanmi thil kha a tuah zungzal i ka nawlbia kha ralring tein a zulh hna caah a si, cucaah cun a nung lai.

EZEKIEL 18:2

“Mi nih Israel ram chungah an chim lengmangmi phungthlukbia ‘Hringtu nu le pa hna nih mitsur thei thor an ei i an fale ha a za,’ an rak timi kha a sullam zeidah a si?

EZEKIEL 20:7

Annih cu an dihlak in, nan mit lungriam koin nan zohmi thil fihnung kha hlaw cang hna u law Izipt ram siasal khan i thurhhnawmh ti hlah u. Keimah cu Bawipa nan Pathian ka si, tiah ka ti hna.

EZEKIEL 39:25

Cucaah hihi Bawipa Pathian bia cu an si: Atu cu Jakob vanṭhatnak kha ka kirter ṭhan lai i ka tlaihchan hna nak kha Israel mi vialte cungah ka langhter lai i ka min thiang kha ka ṭanh lai.

EZEKIEL 8:3

Kut bantuk a simi khi a hun samh i ka calsam in a ka tlaih. Thlarau nih van le vawlei karah a ka cawi i Pathian langhnak in Jerusalem ah a ka kalpi i chaklei hoihmi chungchin kutka luhnak ah khan a ka chiah; khika ah cun Hornak Siasal kha a um i cucu hornak lungthin thawhternak caah a si.

DANIEL 1:2

Bawipa nih Nebukhadnezzar cu Judah siangpahrang Jehoiakim kha a tlaihter i biakinn chung thil zong kha tlawmpal a lakter. Thongtla hna cu Babilon ram i a pathian inn ah khan a kalpi hna i thilri hna cu chawhlawn chiahnak inn ah khan a chiah hna.

DANIEL 3:18

a kan khamh lo hmanh ah na pathian cu kan bia hlei lai lo i na phunmi milem hmai zongah cun kan kun hlei lai lo, ti kha bawipa nangmah nih hngal ko,” tiah an ti.

LEVITIKAS 20:5

cu pa le a innchungkhar hna cu ka hmai ka chiathnawh hna lai i an mi hna lak in ka hlonh hna lai, amah le Molek sin i va hlawhhlan awkah amah a zulmi vialte cu, ka hlonh hna lai.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

LEVITIKAS 26:29

Nan fapale sa kha nan ei lai i nan fanule sa kha nan ei lai.

NAHUM 1:2

Bawipa cu a nah a chuakmi Pathian a si, phuhlam a duhmi Pathian a si; Bawipa nih cun phu a hlam hna i khulrang in a thin a hung.

NAMBAR 14:33

Cun nan fale hna cu mah ramcar chungah hin kum sawm li tuukhal an si lai i nan ruak a hmanung bik cu hi ramcar chung i a ciam dih hlantiang zumhawktlak lo nan si caah khan sifah an in lai.

NAMBAR 25:11

“Tlangbawi Aaron fapa Eleazar i fapa Phinehas nih Israel mi sinin ka thinhunnak cu a mer cang, zeitintiah annih cu keimah nih ka ṭanh hna bangin a ṭanh ve hna, cucaah ka nahchuahnak nih Israel mi cu a that dih hna lo.

MATTHAI 4:9

“Na khuk naa bil i na ka biak ahcun hi vialte hi kan pek dih lai,” tiah a ti.

JOHAN 15:18

“Vawlei nih an huat hna ahcun, keimah a rak ka huat hmasa ti kha philh hlah u.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

JOHAN 9:2

A zultu hna nih khan, “Mitcaw in a chuahtertu hi aho sualnak dah a si? Amah sualnak maw a si a nu le a pa sualnak dah?” tiah an hal.

ROM 1:30

an i thangchiat, Pathian kha zei ah an rel lo, an lung a puam, tla ngialngual in an um, an i porhlaw, ṭhat lo tuahnak lam kha an ruat, nu le pa nawl an ngai lo;

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.

DEUTERONOMI 32:41

Ka nam tleu ka tat i Biaceihnak kha ka kut nih a tlaih ahcun, Ka ral hna kha phu ka hlam hna lai i A ka huatu kha ka rulh hna lai.

DEUTERONOMI 4:24

Zeitintiah Bawipa nan Pathian cu tlumral lak kangh hmang mei, nahchuak Pathian a si.

DEUTERONOMI 5:10

sihmanhsehlaw a ka dawmi le ka nawlbia a zulmi thong tampi cung i a fekmi dawtnak a langhtertu ka si.

DEUTERONOMI 5:9

an hmaiah na kun in na bia hna lai lo; zeitintiah kei Bawipa na Pathian cu nahchuakmi Pathian, a ka huami pale sualnak ruang i fale chan thum chan li tiang dan a tat tawntu,

DEUTERONOMI 6:15

zeitintiah nannih lakah a ummi Bawipa nan Pathian cu Pathian nahchuak a si i Bawipa nan Pathian thinhunnak cu a alh i vawlei cungin nannih cu an hrawh sual hna nakhnga lo, nan zul hna lai lo.

DEUTERONOMI 7:10

amah a huami hna tu cu hrawh awkah anmah cung lila ah tei rul a chammi a si; amah a huami cu a dinhdorh lai lo, chikkhatte ah a lehrulh ko lai.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.

JOSHUA 23:7

Nannih nih hika i nan lakah a tang rihmi miphun hna he hin i cawh lo le, an pathian hna min kha chim lo le, cu hna cun chiatser lo le, an rianṭuan lo le an hmaiah kun loin,

JOSHUA 24:19

Sihmanhsehlaw Joshua nih mi zapi cu, “Bawipa cu a rian nan ṭuan kho lai lo, zeitintiah amah cu Pathian thiang a si; nahchuak Pathian a si; nan phungbuarnak siseh, nan sualnak siseh, an ngaithiam hna lai lo.

BIACEIHTU 2:19

Sihmanhsehlaw biaceihtu cu a thih fate, annih cu an i mer ṭhan i an pale nakkhan chia deuh in an nung, pathian dang kha an zulh hna i an biak hna i an hmaiah an kun; an tuah tawnmi le lungkhong lam an zulh tawnmi kha pakhat hmanh an hlaw hna lo.