EXODUS 20:4 - Lai (Hakha) Common Language Bible 2006

⁴ “Vancung i a ummi thil si hna seh, vawlei i a ummi thil si hna seh, ti chung i a ummi thil si hna seh, vawlei tang i a ummi thil si hna seh, cu hna mui he aa lo in siasal zeihmanh nan i ser lai lo.

EXODUS 20:4 ပူးပေါင်းရင်းမြစ်များ

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

2 SIANGPAHRANG 17:12

cun Bawipa nih, “Mah hihi nan tuah lai lo,” ti in a timi hna siasal kha an biak hna.

2 CHANRELNAK 33:7

Cun amah nih a sermi siasal milem cu Pathian inn chungah khan a chiah. Cun inn kongah cun Pathian nih David le a fapa Solomon sinah khan, “Israel phun dihlak chungin ka thimmi Jerusalem le hi inn chungah hin zungzal in ka min cu ka chiah lai;

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

EXODUS 20:23

Keimah he biak ṭi awkah, sui in siseh, ngun in siseh pathian nan i ser hna lai lo.

EXODUS 32:1

Moses cu tlang cungah khan saupi a um i a rung ṭum ti lo tikah khan, Israel mi nih cun Aaron kha an pumhhnawh i, “Izipt ram in a kan chuahpitu Moses kha zei a can kan hngal ti lo, cucaah cun a kan hruaitu dingah pathian kan serpiak tuah,” an ti.

EXODUS 32:23

An ka thawh i, ‘Izipt ram in a kan chuahpitu Moses kha zeitin a um kan hngalh ti lo caah, a kan hruaitu dingah pathian pakhat in kan serpiak,’ an ka ti.

EXODUS 32:4

Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

EXODUS 34:17

“Nanmah caah thletmi pathian nan ser lai lo.

ISAIAH 42:17

Siasal aa bochanmi vialte le milem cu kan pathian a si tiah a timi vialte cu ningzak le hmaichia in an um lai,” a ti.

ISAIAH 42:8

“Keimah lawnglawng hi Bawipa na Pathian cu ka si. Ka sunparnak hi pathian dang ahohmanh hrawm ka duh hna lo i ka thangṭhatnak hi siasal zeihmanh hrawm ka duh hna lo.

ISAIAH 45:16

Siasal a sertu cu an dihlak in ningzahnak an phan lai; an dihlak in mual an pho lai.

EZEKIEL 20:7

Annih cu an dihlak in, nan mit lungriam koin nan zohmi thil fihnung kha hlaw cang hna u law Izipt ram siasal khan i thurhhnawmh ti hlah u. Keimah cu Bawipa nan Pathian ka si, tiah ka ti hna.

EZEKIEL 8:10

Cucaah ka vung lut i khika ah a lawn in a lawnmi saram hna le fihnung a simi saram hna le rungrul cangcel hna hmanthlak hna kha ka hmuh hna; cun Israel mi siasal hna cu vampang ah khan an i suai liangluang ko.

EZEKIEL 8:3

Kut bantuk a simi khi a hun samh i ka calsam in a ka tlaih. Thlarau nih van le vawlei karah a ka cawi i Pathian langhnak in Jerusalem ah a ka kalpi i chaklei hoihmi chungchin kutka luhnak ah khan a ka chiah; khika ah cun Hornak Siasal kha a um i cucu hornak lungthin thawhternak caah a si.

LEVITIKAS 19:4

Siasal leiah i mer hlah u, thletmi pathian zong i ser hna hlah u: keimah hi Bawipa nan Pathian cu ka si.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

LAMKALTU 17:29

Kannih cu Pathian fa kan si caah, minung nih an fimnak le an thiamnak in an sermi sui milem maw, ngun milem maw, lung milem maw ah khan, Pathian cu kan ruah awk a si lo.

ROM 1:23

thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.

DEUTERONOMI 16:22

lung zong nan phun lai lo, zeitintiah mah hna cu Bawipa nan Pathian nih a huat hna.

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

DEUTERONOMI 5:8

“ ‘Nangmah caah serchommi siasal, cunglei van i a ummi thil a lomi siseh, tanglei vawlei i a ummi thil a lomi siseh, vawlei toi i a ummi ti chung i a ummi thil a lomi siseh, na ser lai lo;

BIAPHUAN 16:2

Vancungmi pakhat cu a kal i a kanto cu vawlei ah khan a bungh. Sahrang hmelchunhnak a ngeimi hna le a milem a biami hna kha ṭih a nung ngaingaimi le a fak ngaingaimi hmachia nih a tlunh hna.

BIAPHUAN 9:20

Hi hremnak pathum nih a thah lomi, a taangmi minung hna nih khan, anmah nih an ser chommi thil kha an mertak hlei hna lo. Khuachia biak kha an ngol lo i sui le ngun le dar le lung le thing in sermi siasal, khua zong a hmu kho lomi, a theih zong a thei kho lomi, a kal zong a kal kho lo mi biak kha an ngol hlei fawn lo.

BIACEIHTU 17:3

Ngun tangka cu a nu kha a pek ṭhan i a nu nih, “Ka fapa cungah chiatsernak kha a tlun nakhnga lo, Bawipa sinah ngun tangka cu ka pekchanh hna. Thing milem ngun hutmi sernak caah hman a si lai. Cucaah atu ah ngun tangka cu na sinah kan pek ṭhan,” tiah a ti.