EXODUS 20:23 - Lai (Hakha) Common Language Bible 2006

²³ Keimah he biak ṭi awkah, sui in siseh, ngun in siseh pathian nan i ser hna lai lo.

EXODUS 20:23 ပူးပေါင်းရင်းမြစ်များ

2 SIANGPAHRANG 17:33

Cuticun Bawipa cu an ṭih ko, sihmanhsehlaw an chuahpi hnanak miphun hna nih an tuahning khan, an pathian hna rian kha an ṭuan fawn.

2 SIANGPAHRANG 17:41

Cuticun hi miphun hna nih hin Bawipa cu an ṭih i serchommi an siasal hna cu an biak ṭhiamṭhiam fawn hna; an fale le an fale fa hna zong nih an tuah — an pupa hna nih an tuah bantukin nihin ni tiangin an tuah ko.

EXODUS 32:31

Moses cu Bawipa sinah khan a hung kal ṭhan i, “Hi mi hna nih hin a ṭhalo hringhranmi sualnak an tuah ko cang! An caah sui pathian an i ser.

EXODUS 34:17

“Nanmah caah thletmi pathian nan ser lai lo.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

EZEKIEL 43:8

An innleng cu ka innleng pawngah an chiah i an innka tung cu ka innka tung pawngah an bunh, cun keimah le annih karlak ah cun vampang a um i annih nih ka minthiang cu thil fihnung an tuahnak khan an thurhhnawmh i ka thinhun in ka hrawh hna.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 5:4

Zu cu an ding i sui pathian le ngun pathian le dar pathian le thir pathian le thing pathian le lung pathian kha an thangṭhat hna.

LEVITIKAS 19:4

Siasal leiah i mer hlah u, thletmi pathian zong i ser hna hlah u: keimah hi Bawipa nan Pathian cu ka si.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

DEUTERONOMI 29:17

cun an thil fihnung a simi, thing le lung le sui le ngun in sermi an siasal hna anmah lak i a ummi cu nan hmuh cang hna.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

BIACEIHTU 17:3

Ngun tangka cu a nu kha a pek ṭhan i a nu nih, “Ka fapa cungah chiatsernak kha a tlun nakhnga lo, Bawipa sinah ngun tangka cu ka pekchanh hna. Thing milem ngun hutmi sernak caah hman a si lai. Cucaah atu ah ngun tangka cu na sinah kan pek ṭhan,” tiah a ti.