EXODUS 20:2 - Lai (Hakha) Common Language Bible 2006

² Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 20:2 ပူးပေါင်းရင်းမြစ်များ

1 SIANGPAHRANG 18:39

Cun mah cucu mi vialte nih khan an hmuh tikah an bawk i, “Bawipa hi pei Pathian cu a rak si hi, Bawipa hi pei Pathian cu a rak si hi,” tiah an ti.

2 SIANGPAHRANG 17:12

cun Bawipa nih, “Mah hihi nan tuah lai lo,” ti in a timi hna siasal kha an biak hna.

2 SIANGPAHRANG 17:7

Mah hihi hi bang hin a si, zeicahtiah Israel mi nih, Izipt ram chungin le Izipt siangpahrang Faro kut tangin a chuahpitu hna Bawipa an Pathian cungah khan an sual i pathian dang kha an ṭih hna i

2 CHANRELNAK 28:5

Cucaah Bawipa a Pathian nih amah cu Siria siangpahrang kut chungah a pek i amah nih cun a tei i a mi tampi hna cu sal ah a tlaih hna i Damaskas ah a kalpi hna. Israel siangpahrang kut chung zongah amah cu pek a si i Israel Siangpahrang nih cun a tei i tampi a thah hna.

SALM 50:7

“Ka mi hna, ka bia ngai u law bia ka chim lai; Israel, nangmah cu fiang tein kan hngalhter lai. Pathian cu keimah hi ka si i keimah cu na Pathian ka si.

SALM 81:10

Keimah cu Bawipa nan Pathian ka si, keimah nih Izipt ram in kan chuahpi hna; nan ka ang u law rawl kan pek hna lai.

SALM 81:11

“Asinain ka mi nih ka bia ngaih nan duh lo; Israel nih ka nawl zulh na duh lo.

SALM 81:7

Harnak nan in tikah nan ka auh i kan khamh hna. Khuadawm chung i kaa thuhnak hmun khin ka run in leh hna; Meribah cerh ah khan kan hneksak hna.

EXODUS 13:14

Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

EXODUS 15:13

Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

EXODUS 20:1

Pathian nih hi bia vialte hi a chim hna.

EXODUS 29:46

Keimah cu Bawipa an Pathian, an sin um awkah Izipt ram in a chuahpitu hna ka si kha an hngalh lai. Keimah cu Bawipa an Pathian ka si.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

ISAIAH 43:3

Zeicahtiah keimah cu Bawipa na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

JEREMIAH 16:14

“Cucaah ‘Izipt ram in Israel mi a chuahpitu hna Bawipa a nun bangin,’ ti si ti loin.

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

JEREMIAH 31:1

Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

JEREMIAH 34:13

Hihi Bawipa, Israel Pathian bia cu a si: Nan pupa hna cu Izipt ram in, saltannak ram chungin ka chuahpi hna tikah annih sinah biakamnak ka ser.

EZEKIEL 20:19

Ka thawh hna i, Keimah cu Bawipa nan Pathian ka si, ka nawlbia kha nan zulh hrimhrim lai,

EZEKIEL 20:5

mah hihi Bawipa Pathian bia a si, ti hna: Israel kha ka rak thim tikah khan kut hler in Jakob phun sinah khan chiatser in ka rak i ṭem chih i an sinah Izipt ram ah khan ka rak i phuang; ka kut kha ka hler i, Keimah cu Bawipa nan Pathian ka si, tiah ka rak ti.

EZEKIEL 20:7

Annih cu an dihlak in, nan mit lungriam koin nan zohmi thil fihnung kha hlaw cang hna u law Izipt ram siasal khan i thurhhnawmh ti hlah u. Keimah cu Bawipa nan Pathian ka si, tiah ka ti hna.

HOSEA 12:10

Profet hna sinah cun bia ka chim i langhnak tampi ka pek hna. Atu cu profet hna sin cun rawhralnak kha ka tlunter lai.

HOSEA 13:4

Sihmanhsehlaw Izipt ram in an chuahpitu hna nan Pathian Bawipa kha ka si. Kha lioah khan cun keimah dah ti lo cu pathian dang zeihmanh nan hngalhmi hna an um lo. Keimah lawnglawng kha nan khamhtu ka rak si ko.

LEVITIKAS 11:45

Zeitintiah keimah cu nan Pathian si awkah, Izipt ram in an chuahpitu hna Bawipa ka si; cucaah nannih cu nan thian awk a si, keimah ka thian caah,” tiah a ti.

LEVITIKAS 19:36

A dikmi cuai thlainak, a dikmi cuai lung, a dikmi ephah, a dikmi hin nan hman lai: keimah cu Bawipa nan Pathian Izipt ram in an chuahtertu hna kha ka si.

LEVITIKAS 23:43

Izipt ram in ka chuahpi hna tikah khan Israel mi hna cu deu ah khua an sa ti kha nan tefa hna nih an hngalh nakhnga deu chungah cun nan um lai, keimah cu Bawipa nan Pathian ka si,” tiah a ti.

LEVITIKAS 25:38

Keimah cu Bawipa nan Pathian Kanaan ram kha nanmah pek awk le nan Pathian si awkah Izipt ram chungin an chuahpitu hna ka si.

LEVITIKAS 25:42

Zeitintiah anmah cu, Izipt ram in ka chuahpimi ka sal an si; sal ah zuar an si lai lo.

LEVITIKAS 25:55

Zeitintiah keimah caah cun Israel mi cu ka sal an si; Izipt ram in ka chuahpimi ka sal an si; keimah cu Bawipa nan Pathian ka si.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

LEVITIKAS 26:13

Keimah cu Bawipa nan Pathian, Izipt ram in an sal nan si nakhnga lo an chuahpitu hna ka si; keimah nih nan seihnam hngawng kual cu ka khiah cang i dingte i dir in kan kalter hna.

AMOS 2:10

Amor mi hna ram co awkah Izipt ram in an chuahpitu hna kha keimah ka si i Ram car chungah kum sawm li an hruaitu hna kha keimah ka si.

ROM 10:12

A zummi paoh, a ti, zeicahtiah Judah mi le Jentail mi tiin i thleidannak zeihmanh a um lo; Pathian cu kan dihlak Bawipa a si i amah a zummi paoh cu thluachuahnak tampi in a pek ko hna.

ROM 3:29

Asiloah, Pathian cu Judah mi hna Pathian lawng maw a si? Jentail mi hna Pathian tah a si ve lo maw? Si hen ta!

DEUTERONOMI 13:10

Amah nih nangmah cu, Izipt ram chungin, sal taannak inn chung cun an chuahtertu Bawipa na Pathian sinin pialter awk kha a kawl caah lung in thi lakin na cheh lai.

DEUTERONOMI 15:15

Nannih nih Izipt ram i sal nan rak si le Bawipa nan Pathian nih an tlanh hna kha nan hngalh camcin lai; cucaah cun mah nawl hi nihin ah kan pek hna.

DEUTERONOMI 20:1

“Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.

DEUTERONOMI 5:15

Izipt ram ah sal na rak si le Bawipa na Pathian nih khika khan a ṭhawngmi kut le samhmi ban in an chuahpi kha na cinken lai; cu caah Bawipa na Pathian nih sabbath ni kha ulh awkah nawl a rak in pek.

DEUTERONOMI 5:6

“ ‘Keimah cu Bawipa na Pathian, Izipt ram, sal sinak inn chungin an chuahpitu ka si.

DEUTERONOMI 7:8

Sihmanhsehlaw Bawipa nih an dawt hna i nan pupa hna sinah chiat a sermi biakamnak cu a tlinter caah, Bawipa nih a ṭhawngmi kut in an chuahpi hna i sal cannak inn chung khan an tlanh hna, Izipt siangpahrang Faro kut chung khan, an chuah hna.

BIACEIHTU 2:1

Cun Bawipa vancungmi cu Gilgal in Bochim ah a hung kal. Cun amah nih, “Izipt ram in kan hunpi i na pupa hna sinah pek awkin chiat ka sermi ram chungah kan luhpi. ‘Nangmah he ka biakamnak cu ka hrawk bal lai lo i

BIACEIHTU 6:10

cun nannih sinah, ‘Keimah cu Bawipa nan Pathian cu ka si; an ram chung i nan umnak Amor mi hna pathian hna cu upatnak nan pe hna lai lo, ka ti; sihmanhsehlaw ka aw kha zei ah nan rel lo,’ a ti,” tiah a ti.