EXODUS 20:14 - Lai (Hakha) Common Language Bible 2006

¹⁴ “Va cung pa duh siseh, nupi cung nu duh siseh, nan tuah lai lo.

EXODUS 20:14 ပူးပေါင်းရင်းမြစ်များ

GENESIS 39:9

Hi inn chungah hin amah tlukin nawl ka ngei i a ka sianh lomi zeihmanh a um lo, a nupi nangmah dah ti lo cu. Cucaah cun cu bantuk thil ṭhalo cu zeitindah ka tuah khawh lai i Pathian cungah ka sual lai?” tiah a leh.

2 SAMUEL 11:27

Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.

LEVITIKAS 18:20

Na innpa nupi cu amah he i thurter awkah pumsa duhnak in na ihpi lai lo.

LEVITIKAS 20:10

“Mipa pakhatkhat nih a innpa nupi he an sual ahcun, nu he pa he an pahnih in thah an si lai.

MALAKHI 2:15

Pathian nih nangmah cu amah he pum khat le thlarau khat in an ser lo maw? Cu bantukin a tuahmi ah cun aa tinhmi zeidah a si? Aa tinhmi cu Pathian a ṭihzahmi fale ngeih kha a si. Cucaah ahohmanh nih nan nupile kha zumhawktlak loin nan umtak hna lai lo.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

NAMBAR 5:12

“Israel mi cu va chim hna, Mipa pakhatkhat cu a nupi nih hei pialtak seh law, a cungah zumhawktlak loin thil tuah seh law,

MATTHAI 19:18

Tlangvalpa nih cun, “Zei nawlbia hna dah?” tiah a ti. Jesuh nih, “Lai va nawng hlah; nu le pa sualnak va tuah hlah; fir hlah; lih chim hlah;

ROM 13:9

Nawlbia nih cun, “Va cungin pa i duh hlah, lai nawng hlah, fir hlah, mi thil na mit va thi hlah,” a ti. Hi vialte le hi hlei i a dang a um rihmi nawlbia hna cu, “Na innpa kha nangmah naa dawt bangin va daw,” timi nawlbia ah hin an i fun dih.

DEUTERONOMI 5:18

“ ‘Va cung pa duh, nupi cung nu duhnak na tuah lai lo.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

JEIM 2:11

Zeicahtiah “Vacung in pa i duh hlah,” a ti tu ṭhiamṭhiam nih cun pei, “Lainawng hlah,” a ti cu. Vacung in pa naa duh lo hmanh ah lai na nawn ahcun nawlbia buartu na si ṭhiamṭhiam ko.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.