EXODUS 20:12 - Lai (Hakha) Common Language Bible 2006

¹² “Nan nu le nan pa kha upat hna u, cu ti nan tuah ahcun, Bawipa nan Pathian nih an pekmi hna ram ah hin saupi nan um lai.

EXODUS 20:12 ပူးပေါင်းရင်းမြစ်များ

GENESIS 48:12

Cun Josef nih Israel phei cung cun a ṭhial hna i a hmaiah cun a kun.

GENESIS 50:12

Cuticun Jakob nih a chimh hna bang khan a fale nih cun an tuah;

1 SIANGPAHRANG 2:19

Cucaah Bathsheba cu Solomon Siangpahrang sinah, Adonijah airawl in bia va chim awkah a kal. Cun siangpahrang cu amah ton awkah khan a tho i a hmaiah cun a kun; cun a bawi ṭhutdan cungah khan a ṭhu i siangpahrang bawipa nu caah cun ṭhutdan a rak putter hna i a orhlei kamah khan a ṭhu.

2 SIANGPAHRANG 2:12

Cun Elisha nih khan mah cucu a hmuh i, “Ka pa, ka pa! Israel mi rangleng hna le rang cung ralkap hna khing,” tiah a au. Cun cu hnu cu amah kha a hmu ti lo. Khi tikah amah a puan kha aa tlaih hna i cheu hnih ah a cheu hna.

EXODUS 21:15

“A nu siseh a pa siseh a velmi cu thah a si lai.

EXODUS 21:17

“Ahohmanh a nu siseh, a pa siseh chiat a serhmi cu thah a si lai.

PHUNGTHLÛKBIA 15:5

Mihrut nih a pa chimhhrinnak kha zei ah a rel lo, sihmanhsehlaw mawhchiatnak zei ah a relmi cu mifim a si.

PHUNGTHLÛKBIA 17:6

Tu le fa hi tar hna bawiluchin an si, Fapa hna an sunparnak cu an pale hi an si.

PHUNGTHLÛKBIA 20:20

Ahohmanh nih a nu siseh a pa siseh a vawlhpamh hna ahcun, Muihnak a rat tikah a mei-inn kha a mit lai.

PHUNGTHLÛKBIA 28:24

Nu le pa thil fir cu a poi lo a timi cu mifir taktak he zeihmanh an i dannak a um lo.

PHUNGTHLÛKBIA 3:16

Nun saunak cu a orhlei kut chungah a um i a kehlei kut ah rumnak le upatnak an um.

PHUNGTHLÛKBIA 30:11

An pale kha chiat a serh i an nule kha a thangṭhat lomi an um tawn,

PHUNGTHLÛKBIA 30:17

a pa kha a nihsawh i a nu kha a tar tikah zei ah a rel lomi cu, a mit kha nelrawn langak nih an khoih lai i langta nih an ei lai.

JEREMIAH 35:18

Cun Rekhab mi cu Jeremiah nih a thawh hna i, “Hi bia hi Ralkapbu Bawipa, Israel Pathian bia a si: Nannih nih nan pu Jonadab nawl kha nan ngaih i a nunchimhnak kha nan zulh i an fialmi vialte hna kha nan tuah caah,

JEREMIAH 35:7

“Zeitikhmanh ah mitsur hang nan ding lai lo, nanmah nih siseh, nan fale nih si hna seh; inn nan sa lai lo; thlaici zong nan thla lai lo; mitsur dum zong nan ser lai lo; hi thil hna hi pakhat hmanh nan tuah hna lai lo. Sihmanhsehlaw mipem nan sinak ram ah hin saupi nan nun nakhnga nan nun chung vialte thlam chung khuasami nan si lai,” a kan ti.

EZEKIEL 22:7

mi nih an nu le an pa hna kha an serhsat hna, ramdangmi kha an hrem hna i ngakṭah le nuhmei kha an rial hna.

LEVITIKAS 19:3

Nannih vialte nih nan nu le nan pa kha nan upat hna lai i ka sabbath hna kha nan ulh hna lai, kei cu Bawipa nan Pathian ka si.

LEVITIKAS 19:32

“Sam parmi hmaiah cun na dir lai i tar a simi hmai cu na upat lai, cun na Pathian cu na ṭih lai: keimah cu Bawipa ka si.

MALAKHI 1:6

Fa nih a pa kha a upat i sal nih a bawi kha a ṭih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka ṭihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.

MATTHAI 19:19

na nu le na pa kha upat hna; na minung hawi kha nangmah bantukin va daw hna, ti hawi hna hi ta,” tiah a leh.

MARKA 10:19

Nawlbia kha na hngalh ko ṭung hna: ‘Lai va nawng hlah; nupi cung le va cungin midang cungah sual hlah, fir hlah, lih chim hlah, mi va hleng hna hlah, na nu le na pa va upat hna!’ ti pei an si kha,” tiah a ti.

MARKA 7:10

Zeitindah a si tiah, Moses nawl pekning ah khan, ‘Na nu le na pa na upat hna lai i a nu siseh a pa siseh a vawlpammi cu thah a si lai,’ ti a si.

LUKA 18:20

Nawlbia kha na hngalh ko ṭung hna: Va cung in siseh, nupi cung in siseh, sual hlah, lainawng hlah, fir hlah, lih chim hlah, na nu le na pa upat hna, ti pei an si kha,” tiah a ti.

EFESA 5:21

Khrih nan upat ruangah pakhat le pakhat i nawl thiam u.

DEUTERONOMI 11:8

“Cucaah nihin kan pekmi hna nawlbia cu a dihlak in nan zulh lai, nannih nih nan ṭhawn i va co awkah nan kalhnawhmi ram cu nan luhhnawh i nan co nakhnga le,

DEUTERONOMI 11:9

Bawipa nih nan pupa hna sinah anmah le an tefa hna sinah pek awkin chiat a sermi ram, cawhnuk le khuaihliti in a luangmi ram ah cun, saupi nan um nakhnga.

DEUTERONOMI 21:18

“Mipa pakhatkhat nih lung a khawng i ralchanh a hmangmi fapa a ngeih i, a pa bia siseh a nu bia siseh a ngaih duh lo i, an chimhring nain zel ah a rel hna lo ahcun,

DEUTERONOMI 25:15

A tling le a dikmi khingthlainak nan ngei lai i, a tling le a dikmi tahnak nan ngei lai, Bawipa nan Pathian nih an pekmi hna ram chungah nan mi hna cu an nun sauter an si nakhnga.

DEUTERONOMI 27:16

“ ‘A pa siseh a nu siseh a upat lomi cu chiat seh,’ tiah an thanh lai. Cun mi vialte nih, ‘Amen’ an ti lai.

DEUTERONOMI 32:47

Zeitintiah mah hihi nannih caah thil tetuai a si lo, sihmanhsehlaw nan nunnak a si i, cu thawng cun co awkah Jordan tiva nan tanhnawhmi ram chungah saupi nan nung lai,” tiah a ti.

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

DEUTERONOMI 5:16

“ ‘Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

DEUTERONOMI 6:2

Bawipa na Pathian cu na ṭih nakhnga le na chan cu a sau nakhnga, Bawipa nan Pathian nih nannih kha cawnpiak awkah nawl a ka pekmi nawlbia hna le phunglam hna le phungbia hna cu mah hihi an si.

KOLOSE 3:20

Ngakchia hna, Khrihfa nan si caah nan nu le nan pa kha upat hna u, cucu Pathian lawmhmi thil a si.

RUTH 3:6

Cucaah phuhri ah cun a vung kal i a pi nih a chimh bantukte khan a tuah.

1 SAMUEL 22:3

Cun David cu khika in Moab ram Mizpah khua ah a kal; cun Moab siangpahrang sinah cun, “Ka pa le ka nu cu, Pathian nih keimah caah zeidah a tuah lai, ti kha ka hngalh hlantiang, na sinah um hna seh, tiah kan nawl,” tiah a ti.