EXODUS 2:3 - Lai (Hakha) Common Language Bible 2006

³ A thuh khawh ti lo tikah khin phaikung in an tahmi bawm pakhat kha aa lak i farthling le bitumen in a nalh i cu bawm chungah cun a fapate cu a chiah i tiva kam ram lakah khan a va thuh.

EXODUS 2:3 ပူးပေါင်းရင်းမြစ်များ

GENESIS 11:3

Cun pakhat le pakhat cu, “Ra u! Tlakrawh ser u si law mei in raw hna u sih,” an i ti. Cuticun inn saknak ah tlakrawh cu an hman hna i a senghnak ah bitumen an hman hna.

GENESIS 14:10

Siddim nelrawn cu bitumen an cawhnak khor in a khat i cucaah Sodom siangpahrang le Gomorrah siangpahrang kha raltuknak hmun cun zam an i timh tikah cu khor chungah cun an tla. A dang cu tlang ah khan an zam.

GENESIS 6:14

Cucaah cun lawng pakhat in i ser, thing ṭha kha hmang hna law a chungah a khaan ser hna, cun lawng cu a chunglei he a lenglei he kahtazasi thuh dih.

EXODUS 1:22

Cu tikah Faro nih a mi vialte kha nawl a pek hna i, “Hebru mi nih fa an hrinmi pa paohpaoh cu tiva ah nan hlonh dih hna lai, nu lawnglawng kha nan nunh hna lai,” tiah a ti hna.

ISAIAH 18:2

Cuka ram cun lamkaltu hna kha Nail tiva cungin phaikung in sermi tilawng in an rung. A khul a rangmi lamkaltu hna, inn ah kir ṭhan u. Nan ram ah bia kha hei kirpi ṭhan u. Nail tiva thawhnak i a ummi nan ram ah cun hei kirpi ṭhan u; a ṭhawng i a lian a nganmi nan phun, a sang i a cuar a nal in a nalmi nan miphun, vawlei cung dihlak ah ṭih a simi sinah cun hei kirpi ṭhan u.

ISAIAH 19:6

Tivapi in tilaknak kahcham an cawhmi hna cu duhsah tein an car caah an thu lai. Phaikung le ram kha an car lai i,

ISAIAH 35:7

a kangh in a kangmi thetse kha tidil ah an i cang lai i hmun car kha cerh an khat lai. Ram-ui an rak um tawnnak hmun ah khan cerh ram le phaikung an kho lai.

MATTHAI 2:13

Annih an kal hnuah Bawipa vancungmi pakhat cu Josef sinah khan a mang ah a lang i, “Tho law, ngakchia le a nu kha i kalpi hna law Izipt ram ah va zam u. Cun chuak cang u, kan ti hna hlantiang cuka ah cun va um u. Herod nih ngakchia hi thah awkah a kawl lai,” tiah a ti.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

LAMKALTU 7:19

Kan miphun kha a rak hlen hna i a kan hringsortu hna kha a rak hrem hna, an fale kha an thih nakhnga an inn chungin lengah a rak chiahter hna.