EXODUS 2:24 - Lai (Hakha) Common Language Bible 2006

²⁴ an hrumainak kha a theihpiak hna i Abraham le Isak le Jakob sin i a sermi a biakamnak kha a philh lo.

EXODUS 2:24 ပူးပေါင်းရင်းမြစ်များ

GENESIS 15:13

Bawipa nih cun a thawh i, “Na tefa hna cu ram dang ah khual an si lai, cuka ah cun sal ah an cang lai i kum za li chung hremnak an ing lai.

GENESIS 16:11

Fapa pakhat na ngei lai i a min ah Ishmael na sak lai, Zeicahtiah Bawipa nih na harnak kha an theihpiak.

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

GENESIS 18:18

A tefa hna cu a ngan i a ṭhawngmi miphun ah an cang lai i vawlei cung miphun vialte hna nih hin Abraham thluachuahnak ka pekmi bantuk kha kan pe ve tiah an ka hal lai.

GENESIS 22:16

“Keimah nih keimah min hrimhrim in biakamnak ka ser lai — hihi Bawipa chimmi bia a si — fapa pakhat lawngte na ngeihmi kha pek sian loin na ka um lo caah thluachuah tam piin kan pek lai.

GENESIS 26:2

Bawipa cu Isak sinah khan a lang i, “Izipt ram ah cun vung kal hlah, um kan tinak ram tu ah um ko.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

GENESIS 35:11

Cun Pathian nih amah cu, “Keimah cu Lianngan Bik Pathian ka si. Fa tam piin ngei hna. Tefa tampi na ngei lai i a cheu cu siangpahrang an si lai. Na tefa cu an tam tuk lai caah miphun tampi ah an cang lai.

GENESIS 35:12

Abraham le Isak ka pekmi hna ram kha nangmah kan pek lai i cu ram cu na hnu i a ummi na tefa hna zong cu ka pek hna lai,” a ti.

GENESIS 8:1

Pathian nih Noah le a sin i lawng chungah a ummi saram vialte le saṭil vialte kha a philh hna lo, cucaah vawlei cungah thli a hranter i ti cu ṭum hram aa thawk.

2 SIANGPAHRANG 13:23

Sihmanhsehlaw Bawipa cu an cungah vel a ngei i a zaangfah hna i Abraham, Isak le Jakob sin i a biakamnak ruangah khan anmah leiah aa mer i a hrawk hna lo; a hmaika zongin atu tiangin a hlonh hna lo.

SALM 102:2

Harnak ka in tikah hin ka thuhtak hlah! Ka aunak cu ka ngaihpiak law khulrang in ka let tuah.

SALM 102:20

cu a run cuanh cu thongtla pawl an aihramnak theih awk le thah awk i biaceih cangmi hna luatter awkah a si.

SALM 105:42

A sal Abraham sinah a sermi a biakam thiang kha a philh lo.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

SALM 138:3

Kan auh tikah na ka leh, na ṭhawnnak in na ka ṭhawnter.

SALM 22:24

Sifakmi kha anih nih cun a hrelh hna lo i an nganfahnak kha zeirello in a um lo; annih kha a hlaat hna lo i bawmhnak hal in an aunak kha a leh hna,” ka ti lai.

SALM 22:5

Nangmah kha an in auh i ṭih awk chungin an luat, nangmah kha an in bochan i na khel hna lo.

SALM 79:11

Thongtla pawl cu an aihramnak kha theihpiak ko sawh hna, thah awkin biakhiah cangmi cu a liannganmi na ṭhawnnak in luatter ko hna.

EXODUS 6:5

Atu cu Izipt mi nih sal ah an zuatmi hna Israel mi an aihramnak kha ka theih i ka biakamnak kha ka philh lo.

NAMBAR 20:16

cun kannih nih Bawipa kha kan auh tikah kan aw kha a theih i vancungmi pakhat a run thlah i Izipt ram in a kan chuahpi; atu cu hika ah hin na ramri i a ummi Kadesh khua ah kan um.

LAMKALTU 7:34

Izipt ram chungah ka mi hna nih an inmi le an tuarmi kha ka zoh i ka hmuh. An aihramnak kha ka theih i anmah khamh awkah ka rung ṭum. Ra tuah, Izipt ram ah kan thlah lai,’ tiah a ti.

BIACEIHTU 2:18

Bawipa nih an caah biaceihtu a chuahter fate, Bawipa cu biaceihtu sinah cun a um i biaceihtu nih cun amah chan chung vialte cu an ral hna kut chungin a khamh hna; zeicahtiah annih kha a hremtu hna le vansang au in a tuahtu hna ruang i an hrum-ainak nih khan Bawipa cu an cungah vel a ngeihter.

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.