EXODUS 2:22 - Lai (Hakha) Common Language Bible 2006

²² Fapa pakhat a hrin. Moses nih, “Kei cu midang ram ah khual ka si,” a ti i a min ah Gershom a sak.

EXODUS 2:22 ပူးပေါင်းရင်းမြစ်များ

GENESIS 23:4

“Kei cu hika ah hin ramdangmi le a lang i a ra um tami ka si. Cucaah nan vawlei tlawmpal cu kan i vuinak ding caah ka zuarh u law ka duh, ka nupi cu cuka ah cun ka vui khawh nakhnga,” a ti.

1 CHANRELNAK 16:20

Miphun khat sinin phun khat sinah a vak i Ram khat in ramdang ah an kal tikah,

1 CHANRELNAK 29:15

Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo.

SALM 119:19

Vawlei cungah hin caan tlawmte lawng ka um lai, cucaah na nawlbia kha ka thuhkanh hna hlah.

SALM 39:12

Bawipa, ka thlacamnak cu ka theihpiak tuah, kan nawlnak cu ka ngaihpiak ko; nangmah kan auh tikah dai tein ka umtak hlah. Ka pupa vialte hna bantukin, kei cu caan tawite chung lawng na khualpa cu ka si ko.

EXODUS 2:10

Ngakchia cu a ngan nawn tikah Faro fanu sinah cun a hei kalpi i a fapa ah a rak i ser. Aa thawh i, “Ti chungin ka chuahmi a si caah,” a ti i a min ah Moses a sak.

EXODUS 22:21

“Nannih zong kha Izipt ram ah khan ramdang mi nan rak si ve caah, ramdangmi kha nan serhsat hna lai lo i nan hrem fawn hna lai lo.

EXODUS 4:20

Moses nih a nupi le a fapa hna kha a lak hna i laa cungah a citter hna i Izipt ram ah khan an kir. Pathian nih a pekmi ṭhiangṭhunh kha aa put.

LEVITIKAS 25:23

Ram cu zungzal ca cun nan zuar lai lo, zeitintiah ram cu keimah ta a si; zeitintiah nannih cu keimah sin i mipem le khual nan si.

LAMKALTU 7:29

Hi bia kha Moses nih a theih tikah Izipt ram khan a zam i Midian ram ah a va um. Khika ah fapa pahnih a ngeih hna.

BIACEIHTU 18:30

Cun Dan mi hna nih cun suaimi milem cu anmah caah an i phun. Cun Moses fapa Gershom i a fapa Jonathan le a fapa hna cu, ram kha sal i a taan ni tiang, Dan miphun caah tlangbawi an si.

1 SAMUEL 1:20

cun a caan a tlin tikah Hannah cu fa a pawi i fapa a hrin i, “Amah cu Bawipa sinin ka halmi a si,” tiin a min ah Samuel a sak.