Ngakchia cu a ngan nawn tikah Faro fanu sinah cun a hei kalpi i a fapa ah a rak i ser. Aa thawh i, “Ti chungin ka chuahmi a si caah,” a ti i a min ah Moses a sak.
Anih nih cun, “Cu pa cu khuazei ah dah a um?” tiah a fanule cu a hal hna i, “Zeicahdah cuka ah cun nan kaltak? Va kal u law va ko u, kan sinah rawl rak ei seh,” a ti.
Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.
Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.
Cun Moses pu Hobab, Midian miphun Reuel i a fapa sinah khan Moses nih, “Bawipa nih, ‘Kan pek hna lai,’ a timi hmun i kal awkah kan i thawh; kan sinah ra law, ṭhatnak kan in tuah lai; zeitintiah Bawipa nih Israel kha ṭhatnak a kamh,” tiah a ti.
Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.