EXODUS 2:14 - Lai (Hakha) Common Language Bible 2006

¹⁴ Cu pa nih cun aa thawh i, “Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?” a ti. Moses cu a thin a phang i, “Ka tuahmi kha mi nih an hngalh ko cang hi ta,” tiah a ruah.

EXODUS 2:14 ပူးပေါင်းရင်းမြစ်များ

GENESIS 13:8

Cun Abram nih Lot cu a thawh i, “Kannih cu rualchan kan si, na mi hna le ka mi hna hi an i sik lengmang awk a si lo.

GENESIS 19:9

Sihmanhsehlaw annih nih an thawh i, “Kan kian, a nang ramdangmi hi i thlak hlah, nangmah nih hin maw cutin tuah u khatin tuah u na hei kan ti. Kan kian, cu lo ahcun anmah nak fak in kan in tongh sual lai,” an ti. Lot cu an en i innka kha baoh awkah an hei fuh.

GENESIS 34:27

An farnu a thang an chiat caah cun Jakob fapa a dang nih khan a ngan a fakmi cu an tuk hna i khua chung i thil sunglawi deuh paohpaoh kha an lak dih.

PHUNGTHLÛKBIA 19:12

Siangpahrang thinhunnak cu chiandeih ngur bantuk a si, Sihmanhsehlaw a duhdawtnak cu ram cung i a tlami dap bantuk a si.

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

NAMBAR 16:13

Ramcar chung i kannih kha thah awkah cawhnuk le khuaihliti in a luangmi ram in na kan chuahpi hi, thil hme tuai a si maw, kannih cung i bawi i naa ser zong hi?

NAMBAR 16:3

Moses le Aaron kha an pumhhnawh hna i annih cu, “Nan luan cang! Mi zapi cu an thiang cio ko i Bawipa cu an lakah a um ve ko. A si kun ahcun zeicahdah Bawipa mibu cungah cun nan i hlorh?” tiah an ti hna.

MATTHAI 21:23

Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

LUKA 12:14

Jesuh nih cun a vun leh i, “Mipa, aho nih dah nan pahnih karlak i biathlektu ding le ro ṭhentu dingah nawl a ka pek?” tiah a ti.

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

LAMKALTU 7:35

“Moses kha Israel mi nih an rak hlawtmipa a si. ‘Kan cung i uktu bawi le biaceihtu ah aho nih dah aan chiah?’ tiah an rak ti, sihmanhsehlaw amah cu a alh hluahmahmi burbuk chungin a sinah a hung langmi vancungmi bawmhnak thawngin, Pathian nih uktu si ding le khamhtu si dingah a rak thlah mipa a si.

HEBRU 11:27

Siangpahrang thinhunnak kha ṭih loin Moses cu Izipt ram khan a chuak i cu a chuahtertu cu zumhnak a si; hmuh khawh lomi Pathian kha hmu seh law cu bang, a kir in a kir duh ti lo.