EXODUS 2:11 - Lai (Hakha) Common Language Bible 2006

¹¹ Cu hnu tlawmpal, Moses cu a hung upat tikah khan, a phunhawi mi cu a va leng hna i zeitluk in dah rianhrang ṭuan an hnek hna ti kha a va hmuh. A miphun hawi pakhat Izipt mipa i a thah zong kha a va hmuh fawn.

EXODUS 2:11 ပူးပေါင်းရင်းမြစ်များ

EXODUS 1:11

Cucaah sal uktu bawi kha an cungah an chiah hna i rian fak ṭuan kha hnek rumro in an hnek hna, Israel mi nih cun rawl khonnak khua Pithom le Rameses kha Faro caah cun an sak.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 5:14

Faro sal uktu pawl nih khan Israel mi kuli khawng pawl, rian zohtu i an chiahmi hna cu, fung in an tuk hna i, “Zeicahdah hmasa i nan sermi zat tlakrawh kha nihin ah nan ser lo,” an ti hna.

EXODUS 5:4

Izipt siangpahrang nih cun Moses le Aaron cu, “Mi an rian nan ṭhulh hna hi a sullam zeidah a si? Sal hna, nan rian ah khan kal ko u,” a ti hna.

EXODUS 5:5

Faro nih cun aa thawh ṭhan i, “Hi mi hna hi ka ram chung mi taktak nakin an tam deuh cang. An rianṭuanmi hi ṭuan hna hlah seh ti maw nan duh?” a ti hna.

EXODUS 5:9

Fak deuh in rianṭuanter hna u law an rian ah hin i manh hrimhrim loin an um lai i Moses le Aaron nih lih an chimh lengmangmi hna hi ngai loin an um ko lai,” a ti hna.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.

MATTHAI 11:28

“Rethei le thilrit mi vialte hna, ka sinah ra tuah u, dinhnak kan pek hna lai.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,