EXODUS 19:16 - Lai (Hakha) Common Language Bible 2006

¹⁶ Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

EXODUS 19:16 ပူးပေါင်းရင်းမြစ်များ

2 SAMUEL 22:10

Van kha a kuaih hna i a rung ṭum A chahmi muihnak cu a ke tangah a um

2 CHANRELNAK 5:14

caah tlangbawi hna cu rianṭuan awkah khan dir awk an si nain minmei ruangah cun an dir kho lo; zeicahtiah Pathian inn cu Bawipa sunparnak kha a khat.

JOB 38:25

“Aho nih dah ruahpi kha kahcham a cawhpiak i Aho nih dah ṭotho caah khan lam a sial?

SALM 50:3

Kan Pathian cu a ra lio, sihmanhsehlaw dai tein a rat cu a si lai lo, a alh hluahmahmi mei a hmaiah khan a um i ṭih a nungmi thlichia nih a zual.

SALM 77:18

Khuari thawng cu a tor in a tor i nimtlau nih vawlei kha a ceuh dih; vawlei cu a hninh in aa hnin.

SALM 81:8

“Ka mi hna, ralrinnak kan pekmi hna hi ngai tuah u; Israel, ka bia hi ngai ko sawh!

SALM 97:4

A nimtlau nih vawlei kha a ceuh dih, vawlei nih cun a hmuh i a ther.

EXODUS 19:11

kiptuh caah i ralring cia hna seh. Cu ni ah cun, Bawipa cu Sinai Tlang cungah ka rung ṭum lai i cuka ah cun mi zapi nih khan an dihlak in an ka hmuh khawh lai.

EXODUS 19:15

Moses nih cun a thawh hna i, “Kiptuh ah cun timh cia tein um u. Ahohmanh nu le pa si hlah u,” a ti hna.

EXODUS 19:17

Moses nih khan mi zapi cu Pathian ton awkah khan a kalpi hna i tlang hramah cun an dir.

EXODUS 19:9

Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

EXODUS 20:18

Mi zapi nih khan khuari thawng le tuukawng ki muko aw thawng kha an theih i nimtlau le tlang cung meikhu kha an hmuh hna tikah, a ther in an ther i lamhlat piin an dir.

EXODUS 20:21

Sihmanhsehlaw mi zapi cu lamhlatpi ṭhiamṭhiam khan an dir i Moses lawng cu Pathian umnak minmei a nah in a nakmi pawngah khan a va kal.

EXODUS 40:34

Pumhnak thlam cu minmei nih a huh i Bawipa sunparnak kha a chung cu a khat.

EXODUS 9:23

Cucaah Moses nih a ṭhiangṭhunh kha van leiah a hler i Bawipa nih cun khua a ritter, rial le ṭek kha vawlei ah an tla. Bawipa nih rial cu Izipt ram cungah khan a tlakter.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

NAHUM 1:3

Bawipa cu phuchim le ṭotho in a kal i khuadawm hna cu a ke toi i leidip an si.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

DEUTERONOMI 5:5

Bawipa bia kha nannih sin i thanh awkah Bawipa le nannih karlak i ka dir lioah khan; zeitintiah mei ruangah khan nan thin a phang i tlang cungah khan nan hung kal lo. Amah nih hitin a ti:

HEBRU 12:21

An hmuhmi cu ṭih a nun tuk caah Moses nih, “A ther in ka ther i ka thin a phang,” a ti.

BIAPHUAN 1:10

Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.

BIAPHUAN 11:19

Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, ṭek a tla, khua a ri, li aa hnin i fak piin rial a tla.

BIAPHUAN 4:1

Hi dih hin langhnak a dang pakhat ka hmuh ṭhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.

BIAPHUAN 4:5

Bawiṭhutdan cun nimtlau aa lek i khuari thawng kha a thang. Bawiṭhutdan hmaiah cun meifar vanmi pasarih an um i cu hna cu Pathian thlarau pasarih kha an si.

BIAPHUAN 8:5

Cun vancungmi nih khan zihmui um cu aa lak i biakṭheng cung i a ummi mei kha a chungah cun a rawn i vawlei cungah a hlonh. Khua a ri; ṭek a tla, nimtlau a lek i li aa hnin.