EXODUS 19:10 - Lai (Hakha) Common Language Bible 2006

¹⁰ Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

EXODUS 19:10 ပူးပေါင်းရင်းမြစ်များ

GENESIS 35:2

Cucaah Jakob nih cun a innchungkhar le a sin i a ummi kha an dihlak in, “Nan i chiahmi ramdang pathian kha hlonh dih hna u; i thianh u law thil thiang i hruk u.

2 SAMUEL 19:24

Cun Saul tupa Mefibosheth kha siangpahrang don awkah a rung; siangpahrang a kal ni thawk in him tein a kir ṭhan ni tiang, a ke zong kha a milhtlorh hna lo, a khahmul zong kha a riam hna lo i a hnipuan zong kha a su hna lo.

2 CHANRELNAK 29:34

Sihmanhsehlaw tlangbawi cu an tlawm tuk caah khangh thawinak sa vialte cu a phaw an hawk cawk hna lo, cucaah tlangbawi dang hna nih an i thianh hlantiang, an unau Levi mi hna nih khan rian cu a dih tiang an bawmh hna — zeicahtiah Levi mi hna cu lungthin ah tlangbawi hna nih an i thianhnak nakkhan an ding deuh.

2 CHANRELNAK 29:5

annih cu a thawh hna i, “Levi mi hna, ka bia thei tuah u! Atu cu i thianh u law Bawipa nan pupa hna Pathian inn kha thianhhlimh tuah u, hmunthiang khan hmunthur kha hlonh u.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

LEVITIKAS 11:25

an ruak in zeipaoh a latu nih a thilpuan a suk lai i zanlei tiang thianglo a si lai.

LEVITIKAS 15:5

Cun ahohmanh a ihkhun cu a tawngmi paoh nih a hnipuan cu a suk hna lai i ti in aa kholh lai i zanlei tiang thianglo a si lai.

NAMBAR 11:18

Cun mi hna cu, ‘Thaizing caah i thianh u law, sa nan ei lai; zeicahtiah Bawipa theih ah nan ṭap i, “Aho nih dah ei awk sa a kan pek lai? Izipt ram vial ah khan kan va nuam ṭung,” ti i nan ti caah. Cucaah Bawipa nih sa an pek hna lai i nan ei lai.

NAMBAR 19:19

cun a thiangmi pa nih a thiang lomi cu ni thumnak ni le ni sarihnak ni ah a theh lai; cu bangin ni sarihnak ni ah khan a tlengh lai i a hnipuan a suk hna lai i ti in a kholh lai i zanlei ah a thiang lai.

NAMBAR 31:23

mei a ing khomi hna lawnglawng cu, mei chungah nan hliau hna lai i an thiang lai. Asinain tlenghnak ti zongin thianter an si ve lai i mei a ing kho lomi thil paoh cu, ti in nan tlengh hna lai.

NAMBAR 31:24

Ni sarihnak ni ah nan thil kha nan suk hna lai i nan thiang lai; cu hnuah riahhmun chungah nan lut lai,” tiah a ti.

NAMBAR 8:21

Cun Levi mi hna nih cun sualnak in an i thianh i an hnipuan kha an suk hna; cun Aaron nih Bawipa hmaiah hninh thawinak bantuk ah a pekchanh hna i annih kha thianh awkah Aaron nih remnak a tuahpiak hna.

NAMBAR 8:7

Cun annih cu thianh awkah hi bangin na tuah hna lai: tlenghnak ti kha na theh hna lai i namte in an pum a dihlak in i met hna seh, cun an thilpuan su hna seh law, i tleng hna seh.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

JOSHUA 3:5

Cun Joshua nih mi zapi hna cu, “Bawipa nih thaizing ah nan lakah khuaruahhar a tuah lai caah i thianh tuah u,” tiah a ti hna.

JOSHUA 7:13

Tho law, mi zapi kha thianter hna, ‘Thaizing ah i thianh u, zeicahtiah Bawipa, Israel Pathian nih, “Maw Israel, nannih lakah pekchanhmi thil an um, nannih lak in cu pekchanhmi thil cu nan hlonh hna hlantiang nan ral hna hmaiah nan dir kho lai lo,” tiah hi bangin a ti,” tiah chim hna.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

1 SAMUEL 16:5

Cun anih nih, “Daihnak in; Bawipa sin i raithawi awkah ka ra; nanmah kha i thianh u law, raithawinak ah cun ka sinah ra ve u,” tiah a ti hna. Cun Jesse le a fapa hna kha a thianh hna i raithawinak ah khan a sawm hna.