EXODUS 18:8 - Lai (Hakha) Common Language Bible 2006

⁸ Israel mi hna ruangah Izipt mi hna le Faro cungah Bawipa nih a tuahmi vialte kha a chimh dih. Lampi ah harnak an tonmi le Bawipa nih a khamh hnanak zong kha a chimh.

EXODUS 18:8 ပူးပေါင်းရင်းမြစ်များ

GENESIS 44:34

Zeitindah ngakchiapa tel loin ka pa sinah ka kir ngam lai? Ṭhat lonak ka pa cung i a tlun hmuh lai kha a ngamh in ka ngamh lo,” a ti.

NEHEMIAH 9:32

“ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

SALM 106:10

A huatu hna kut chung khan a khamh hna i an ral kut chung khan a chuah hna.

SALM 106:8

Sihmanhsehlaw bia a kamh hna bangkhan a khamh hna, cu a khamh hna cu a liannganmi a ṭhawnnak langhternak caah a si.

SALM 107:2

Bawipa nih a khamhmi vialte hna, amah cu thangṭhat u sih. Nan ral kut chungin an chuah hna i

SALM 66:16

Pathian a upatmi vialte hna, ra u law ra ngai tuah u; Pathian nih ka ca i a tuahmi kha kan chimh hna lai.

SALM 81:7

Harnak nan in tikah nan ka auh i kan khamh hna. Khuadawm chung i kaa thuhnak hmun khin ka run in leh hna; Meribah cerh ah khan kan hneksak hna.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

EXODUS 16:3

“Bawipa nih Izipt ram ah khan rak kan that lawlaw seh law kan duh deuh hnga. Izipt ram ah khan cun sa um hram ah khan kan ṭhu i kan duh zat in rawl kan ei. Sihmanhsehlaw atu cu hi ramcar chungah hin nan kan chuahpi i rawlṭam in kan thi dih cang lai,” an ti.

EXODUS 18:1

Midian ram tlangbawi Jethro, Moses pu nih khan, Moses le Israel mi hna caah Pathian nih a tuahmi vialte le Bawipa nih Izipt ram in a chuahpi hna ning kha a rak theih.

EXODUS 2:25

Israel mi sal an sinak kha a hmuh i annih sinah khan aa hngalhter.

EXODUS 23:23

Ka vancungmi kha nan hmaiah a kal lai i Amor mi le Hit mi le Periz mi le Kanaan mi le Hiv mi le Jebus mi hna an umnak ram ah khan kan kalpi hna lai i annih cu ka hrawh dih hna lai.

EXODUS 4:23

Ka fapa nih cun a ka biak khawh nakhnga kalter ko, tiah kan ti i na duh lo. Cucaah cun na fapa upa bik kha ka thah lai,’ a ti, na ti lai,” tiah a ti.

EXODUS 7:4

na bia a ngai duh lai lo. Cu tikah ka ṭhawnnak cu Izipt ram ah khan ka langhter lai i Izipt mi kha fak piin dan ka tat hna lai; cun ka ralkapbu, Israel mi kha Izipt ram cun ka chuahpi hna lai.

EXODUS 7:5

Izipt mi nih cun an cung i ka kut ka hler tik le Israel mi kha an ram chungin ka chuahpi hna tikah, keimah cu Bawipa ka si kha an hngalh lai,” a ti.

NAMBAR 20:14

Moses nih Kadesh in Edom siangpahrang sinah lamkal a hei thlah hna i, “Hi bangin nan unau Israel mi nih an ti: Kan cung i vanchiatnak a tlungmi vialte cu na hngalh ko: