EXODUS 18:23 - Lai (Hakha) Common Language Bible 2006

²³ Hi bantukin na tuah ahcun, Bawipa nih nawl an pekning hin na tuah ahcun, na ba tuk lai lo i mi zong kha an bia limpiak in inn ah an ṭin kho lai,” a ti.

EXODUS 18:23 ပူးပေါင်းရင်းမြစ်များ

GENESIS 18:33

Abraham he bia an i ruah dih cun, Bawipa cu a kal i Abraham zong cu inn ah a ṭin.

GENESIS 30:25

Josef chuah hnu khan Jakob nih Laban cu a thawh i, “Atu cu inn ah ka tlunter cang.

2 SAMUEL 18:3

Sihmanhsehlaw mi nih cun an thawh i, “Na kal hnga lo, zeicahtiah kannih cu kan zam a si zongah an zei a poi lai lo. Hnarcheu kan thih zongah an zei a poi hlei lai lo. Sihmanhsehlaw nang cu kanmah thong hra tluk na si; cucaah khua chungin bawmhnak na kan pek ahcun a ṭha deuh lai,” tiah an ti.

2 SAMUEL 19:39

Cun mi vialte nih khan Jordan cu an tan i siangpahrang nih khan a tan; cun siangpahrang nih Barzillai kha a hnamh i thluachuah a pek i amah a inn ah khan a kir.

2 SAMUEL 21:17

Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

EXODUS 16:29

Dinh ni an petu hna cu Bawipa ka si kha philh hlah u, dinh ni a si ruangah cun pei ni ruk ni ah ni hnih ca za dingin rawl kan pek hna cu. Nan umnak hmun cio ah nan um awk a si, ahohmanh nan inn in nan chuak lai lo,” a ti.

EXODUS 18:18

Nangmah zong na ba tuk lai, na sin i a ummi zong an ba tuk lai. Hi rian hi na caah a tam tuk, nangmah lawngin na tuah kho lai lo.

EXODUS 18:22

Annih nih biaceihtu an si tikah zungzal ca in an si lai. Bia har deuhdeuh kha na sinah an chuahpi lai, asinain a hme deuh pawl kha cu anmah nih an ceih lai. Cu nih cun na caah rian kha a fawiter deuh lai i na thilrit kha an in chan lai.

EXODUS 18:24

Moses nih Jethro bia cu a ngaih i a chim bantuk khan a tuah.

LAMKALTU 15:2

Paul le Barnabas nih khan cu kong cu fak piin an al hna; cucaah Paul le Barnabas le Antiok khuami cheukhat kha Jerusalem khua ah hung kal hna seh law hi kongah lamkaltu pawl le upa hna kha hung tong hna seh, tiah bia an khiah.

GALATI 2:2

Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngṭha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

1 SAMUEL 8:22

Cun Bawipa nih Samuel sinah cun, “An aw kha ngai hna law, siangpahrang pakhat serpiak hna,” tiah a ti. Cun Samuel nih Israel mi hna cu, “Nan khua cio ah va tlung u,” tiah a ti hna.