EXODUS 18:12 - Lai (Hakha) Common Language Bible 2006

¹² Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei ṭi hna.

EXODUS 18:12 ပူးပေါင်းရင်းမြစ်များ

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

GENESIS 26:25

Cuka ah cun Isak nih biakṭheng pakhat a ser i Bawipa cu a biak. Cun cuka ah cun a thlam kha a bunh i a salle nih khan tikhor pakhat an cawh.

GENESIS 26:30

Isak nih puai a tuahpiak hna i an ei i an ding.

GENESIS 31:54

Sa pakhat a thah i tlang cungah cun raithawinak ah a pek i a mi hna kha rawl ei awkah cun a sawm hna. An ei dih hnuah cu zan cu tlang ah cun an riak

GENESIS 4:4

Cun Abel zong nih khan a saṭil nih an hrin hmasa bikmi hna kha a rak put ve hna i a thah hna i an sa a ṭhatnak bik kha Bawipa sinah cun laksawng ah a pek ve hna. Bawipa cu Abel le a laksawng cungah khan a lung a si,

GENESIS 43:25

Josef chun i a rat tik caah cun an laksawng cu an rak timh hna; cuka ah rawl kan ei lai ti kha an theih.

GENESIS 8:20

Noah nih Bawipa caah biakṭheng pakhat a ser; saram thiang pawl le va chung khan phun khat ah pakhat cio a lak hna i khangh thawinak caah biakṭheng cungah cun a khangh hna.

2 SAMUEL 9:7

Cun David nih amah cu, “Na thinphang hlah; na pa Jonathan ruangah na cungah zaangfahnak kan hmuhsak lai i na pu Saul ram vialte kha kan khirh ṭhan lai; cun ka cabuai ah rawl na ei zungzal lai,” tiah a ti.

2 CHANRELNAK 30:22

Cun Bawipa rian ṭuannak i thiamnak ṭha a langhtertu Levi mi kha Hezekiah nih a forh chin hna. Cucaah cu puai rawl cu mi zapi nih khan ni sarih an ei i Bawipa an pupa hna Pathian sinah khan daihnak thawinak an pekchanh i lawmhnak kha an pek.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

JOB 42:11

Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei ṭi; cun a cung i Bawipa nih ṭhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek.

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

EXODUS 18:13

A thaizing ah cun Moses cu mi zapi biaceih awkah khan a ṭhu i zinglei in zanlei tiang a hmaika ah cun mi kha an um.

EXODUS 2:16

Midian tlangbawipa nih cun fanu pasarih a rak ngeih hna. Ti than awkah khan an ra i an pa tuu le meheh kha ti dinh awkah saram ti dinhnak kuang chungah khan ti cu an thlet.

EXODUS 2:20

Anih nih cun, “Cu pa cu khuazei ah dah a um?” tiah a fanule cu a hal hna i, “Zeicahdah cuka ah cun nan kaltak? Va kal u law va ko u, kan sinah rawl rak ei seh,” a ti.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

EXODUS 24:11

Israel mi hruaitu pawl kha harnak zeihmanh a pe hna lo; Pathian kha an hmuh i an ei i an ding.

EXODUS 24:5

Cun Israel mi tlangval kha a thlah hna i khangh thawinak kha an tuah i hawikomhnak thawinak caah Bawipa kha cawtum an thahpiak.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

EXODUS 33:7

Moses nih khan thlam cu aa kalpi tawn i riahhmun lengah khan lamhla nawn ah khin a chiah tawn. A min ah “Tonnak Thlam” a ti. Bawipa chawnh a duhmi paoh kha tonnak thlam ah cun an va kal tawn.

NAMBAR 10:29

Cun Moses pu Hobab, Midian miphun Reuel i a fapa sinah khan Moses nih, “Bawipa nih, ‘Kan pek hna lai,’ a timi hmun i kal awkah kan i thawh; kan sinah ra law, ṭhatnak kan in tuah lai; zeitintiah Bawipa nih Israel kha ṭhatnak a kamh,” tiah a ti.

LUKA 14:1

Voi khat cu Sabbath ni ah hin Jesuh cu Farasi mi hna lak i haotu pakhat inn ah rawl a hrawng i mi nih khan fel tein an ngiat.

LUKA 14:15

Cabuai i a ṭhu vemi pakhat nih cu bia cu a rak theih i, “Pathian Pennak chung rawl danghnak i aa tel vemi cu zeitluk in dik an i lawmh lai,” tiah Jesuh cu a ti.

1 KORIN 10:18

Hebru mi kha ruat hna hmanh u, raithawinak ah pekchanhmi sa a eimi paoh cu Pathian biakṭheng rianṭuannak ah khan an i tel ve.

1 KORIN 10:21

Bawipa hrai le khuachia hrai cu nan din kep kho hna lai lo; Bawipa cabuai le khuachia cabuai zong nan hman kep kho hna lai lo.

1 KORIN 10:31

A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangṭhatnak caah siter ko u.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

DEUTERONOMI 27:7

daihnak thawinak cu nan pekchanh lai i khika ah nan ei lai; cun Bawipa nan Pathian hmaiah nan i lawm lai.