EXODUS 17:6 - Lai (Hakha) Common Language Bible 2006

⁶ Horeb tlang lungpi cungah khan na hmaiah ka rak dir lai. Lungpi cu na tuk lai i mi zapi din awkah ti a chuak lai,” a ti. Moses nih Israel mi hruaitu pawl hmaiah cun cu bantuk cun a tuah.

EXODUS 17:6 ပူးပေါင်းရင်းမြစ်များ

NEHEMIAH 9:15

Cun an rawlṭamnak daihter awkah vancung in changreu na pek hna i an tihal riamhter awkah lungpi chungin ti na pek hna, cun annih cu pek awkin chiat na rak sermi ram ah khan va kal i va co awkah nangmah nih na chimh hna.

SALM 105:41

Lungpi kha a khuai i ti a chuak, thetse ram ah cun tiva bantukin a luang.

SALM 114:8

Amah nih cun lungpi kha tili ah a canter hna i lungpang kha cerhti put ah a canter hna.

SALM 46:4

Pathian khua, Cung Nung Bik Pathian inn thiang ah lawmhnak a ratpitu tiva pakhat a um.

SALM 74:15

Cerhti le tiput cu na luanter hna i tiva ngan cu na carter hna.

SALM 78:18

Kan duhmi rawl cu na kan pek hrimhrim lai tiin Pathian cu an hneksak.

SALM 78:20

Lungpi cu a tuk i ti cu a chuak hluahmah taktak, asinain rawl cu a kan pe kho ngai hnga maw? A mi cu sa a kan pe kho ngai hnga maw?” an ti.

SALM 81:7

Harnak nan in tikah nan ka auh i kan khamh hna. Khuadawm chung i kaa thuhnak hmun khin ka run in leh hna; Meribah cerh ah khan kan hneksak hna.

EXODUS 14:16

Na ṭhiangṭhunh kha hler law rili cungah khan na kut samh tuah, cun rili kha aa ṭhen lai i Israel mi cu rili chung khan vawlei ro cungin an kal kho lai.

EXODUS 16:10

Aaron nih mi zapi cu bia a chimh lio hna ah ramcar lei kha an hoih i cu lioah cun khulrang in Bawipa sunparnak cu vandawm in a rung lang.

ISAIAH 48:21

Bawipa nih a mi cu a lin i a romi thetse ram tan in a rak hruai hna tikah, tihal retheihnak an ing lo; lungpi chungin an caah ti kha a chuahter; lungpi kha a cheu i a chungin ti a luang.

NAMBAR 20:8

Ṭhiangṭhunh kha i lak law, mibu kha pum tuah hna, nangmah he na u Aaron he, cun lungpi kha a ti chuahter dingin an hmaiah chim; cu bangin lungpi chungin an caah ti na chuahter lai; cu bangin mibu le an saṭil cu din awk na pek hna lai,” tiah a ti.

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

1 KORIN 10:4

an dihlak in thlarau ti kha an din. An sin i a kal lengmangmi thlarau lungpi chung khan ti cu an din i cu lungpi cu Khrih kha a si.

DEUTERONOMI 1:2

Horeb in Kadesh-barnea cu Seir Tlang lei in ni hleikhat lam kal a si.

DEUTERONOMI 8:15

Amah cu a kau i ṭih a nungmi ramlak, mei alh bantuk a simi rul hna le tlangngaikuang hna an umnak le ti um lomi ramcar chungin an hruaitu hna a si; amah nih ṭeklung lungpi chungin ti an pek hna i

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.