EXODUS 17:14 - Lai (Hakha) Common Language Bible 2006

¹⁴ Cun Bawipa nih Moses kha a thawh i, “Hi kong hi philh a si nakhnga lo cauk chungah ṭial tuah, cun Amalek mi kha a philh in philh an si lai, tiah Joshua kha chim,” tiah a ti.

EXODUS 17:14 ပူးပေါင်းရင်းမြစ်များ

2 SAMUEL 1:1

Saul thih hnu i David nih Amalek mi a thah hnanak in a hung kir tikah, David cu Ziklag ah ni hnih a cam;

2 SAMUEL 8:12

a teimi miphun hna cu Edom, Moab, Ammon mi, Filistin mi, Amalek mi le Zobah siangpahrang Rehob fapa Hadadezer kha an si.

1 CHANRELNAK 4:42

Cun annih lak i tlawmpal, Simeon mi za nga, hna cu Seir Tlang ah an kal i an hruaitu ah cun Ishi fapa hna Pelatiah, Neariah, Refaiah, le Uzziel kha an si;

1 CHANRELNAK 4:43

cun annih nih a luatmi Amalek mi a tang rihmi hna kha an hrawh hna i khika ah nihin ni tiangin khua an sa.

EZRA 9:14

na nawlbia hna kha buar ṭhan in hi thil fihnung a tuahmi hna he hin kan i ṭhi-um ko rih lai maw? A tangmi siseh, a luatmi siseh, kan um lo tiangin kannih kha hrawh dih awkah kan cungah na thin a hung lai lo maw?

JOB 18:17

Amah hngalh camcinnak kha vawlei in a lo i vawlei cungah min a chia ta lo.

JOB 19:23

Ka bia hi ṭial si hna seh law ka hei duh dah! Cauk chungah ṭial si hna seh law ka hei duh dah.

SALM 9:6

Kan ral cu an dih cang, an khua cu na hrawh cang hna i a philh in philh an si dipdep cang.

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 13:9

Bawipa nih ṭhawnnak nganpi in Izipt ram in an chuahpi hna caah Bawipa phungbia cu nan chim zungzal awk a si lai, cu bantukin nan chim zungzal khawh nakhnga hi phunglam cu nan ban i nan i khihmi hmelchunhnak le nan cal i nan i ṭem chihmi ruah nolhtertu bantukin, thil an theih ṭhantertu hna a si lai.

EXODUS 17:13

Joshua nih cun Amalek mi cu a tei dih cikcek hna.

EXODUS 24:4

Moses nih Bawipa nawlbia vialte cu a ṭial hna. A thaizing zingkate ah tlang hram ah cun biakṭheng pakhat a ser i lungphun hleihnih, Israel miphun hleihnih caah khan a phun.

EXODUS 32:33

Bawipa nih Moses cu a thawh i, “Ka cauk chungin a min ka hloh ding cu ka cung i a sualmi kha a si ko lai.

EXODUS 34:27

Bawipa nih Moses cu, “Hi bia hi nangmah le Israel mi hna he biakamnak ka sernak bia an si caah ṭial hna,” a ti.

PHUNGTHLÛKBIA 10:7

Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si.

JEREMIAH 30:2

Hihi Bawipa, Israel Pathian bia cu a si: Na sin i ka chimmi bia vialte kha cauk chungah ṭial tuah,

JEREMIAH 36:2

“Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah.

NAMBAR 24:20

Cun Amalek lei cu a hei zoh i a konglam chim cu a thawk i, “Amalek cu miphun hna lakah pakhatnak a si, Sihmanhsehlaw a donghnak ah cun rawknak a phan lai,” tiah a ti.

NAMBAR 33:2

Bawipa nawlbia bangin, Moses nih an i thawhnak hmun hna cu aa chang lengmang in a ṭial hna i, mah hna hi an i thawhnak hmun hna ning in an riahnak hmun hna cu an si.

DEUTERONOMI 31:9

Cun Moses nih hi phungbia cu a ṭial i Bawipa biakamnak kuang a putu Levi fapa tlangbawi hna sin le Israel mi upa vialte hna sinah a pek.

JOSHUA 4:7

Khi tikah nannih nih Bawipa biakamnak kuang hmaiah Jordan tiva ti cu a cat; Jordan kha a tan tikah Jordan ti cu a cat, tiah nan chimh hna lai. Cucaah hi lung hna cu Israel mi caah zungzal hngalh camcinnak an si lai,” tiah a ti.

1 SAMUEL 15:18

Cun Bawipa nih rian pakhat tuah awkah an thlah i, ‘Va kal law, misual mi, Amalek mi kha, va hrawk dih cikcek hna, cun an ciamh dih tiangin va do hna,’ a ti.

1 SAMUEL 30:1

David le a mi hna cu a ni thumnak ni ah Ziklag kha an phak tikah, Amalek mi nih Negeb le Ziklag kha an rak hranh hna. Ziklag kha an rak tei i mei in an khangh i

1 SAMUEL 30:17

Cun David nih nitlak in a thaizing zanlei tiang a thah hna i tlangval za li kalauk aa cit i a zammi hna dah ti lo cu annih lakah a luatmi pakhat hmanh an um lo.