EXODUS 16:32 - Lai (Hakha) Common Language Bible 2006

³² Moses nih cun, “Bawipa nih, ‘Bawm pakhat chungah sanh u law nan tefa hna chan tiangin chia hna u, cun annih nih Izipt ram in kan chuahpi hna i ramcar chung i nan vah lioah zei rawl in dah kan cawm hna ti kha an hmuh lai,’ a ti,” tiah a ti.

EXODUS 16:32 ပူးပေါင်းရင်းမြစ်များ

SALM 105:5

A sal Abraham tefa hna, Pathian nih a liannganmi khuaruahhar a tuahmi le biakhiahnak a tuahmi kha philh hna hlah u, a thimmi Jakob tefa hna, philh hlah u.

EXODUS 16:16

Bawipa nih, nan i zat awk tawk cio in nan char lai, pakhat caah omer pakhat tluk cio in nan char lai. Cun mahle thlam chung i khua a sami dihlak ca cio khan char a si lai, a ti,” tiah a chimh hna.

EXODUS 16:31

Israel mi nih cu rawl cu a min ah manna an sak. Koriander mu bantuk a si, a rang i khuaihliti cawhmi changper bantukin a thlum.

EXODUS 16:33

Moses nih Aaron kha a thawh i, “Um pakhat in i lak law a chungah manna kha khiat khat in chia, cun na tefa hna hmuh awkah Bawipa hmaiah khan cu um cu na chiah lai,” a ti.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

HOSEA 11:4

Sihmanhsehlaw hruainak hri in ka khih hna i dawtnak in ka hruai hna kha an hngal lo. Ngakchia bantukin ka bel ah ka hun cawi hna i rawl khaih awkah ka kunhnawh hna.

LUKA 22:19

Cun chang kha a lak i Pathian sinah lawmhnak bia a chim hnuah a cheu i annih cu a pek hna i, “Hihi ka pum a si, nan ca i ka pekmi cu. Keimah philh lonak ah run tuah u,” tiah a ti.

HEBRU 2:1

Cucaah a ping i kan kal sual nakhnga lo kan theihmi biatak kha fek chinchin in kan i tlaih awk a si.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.