EXODUS 16:3 - Lai (Hakha) Common Language Bible 2006

³ “Bawipa nih Izipt ram ah khan rak kan that lawlaw seh law kan duh deuh hnga. Izipt ram ah khan cun sa um hram ah khan kan ṭhu i kan duh zat in rawl kan ei. Sihmanhsehlaw atu cu hi ramcar chungah hin nan kan chuahpi i rawlṭam in kan thi dih cang lai,” an ti.

EXODUS 16:3 ပူးပေါင်းရင်းမြစ်များ

2 SAMUEL 18:33

Cun siangpahrang cu a lung a suk i kutka cung dal ah khan a hung kal i a ṭap; cun a kal pah cun, “Maw ka fapa Absalom, ka fapa, ka fapa Absalom! Nangmah can ah khan keimah hi va thi deuh ning law mu, maw Absalom ka fapa, ka fapa,” tiah a ti.

JOB 3:1

Hi hnuah hin Job nih a ka a pau i a chuah ni kha chiat a serh.

JOB 3:10

Ngaihchiatnak le harnak a ka phakter caah A ka chuahtertu zan kha chiatserh si ko seh.

JOB 3:20

“Harnak chungah a um i a lung chungin a ngaih a chiami,

SALM 107:5

an rawl a ṭam, an ti a hal i an hnabei a dong cikcek.

SALM 78:19

Pathian cu an thangchiat i, “Pathian nih cun ramcar ah cun cabuai cu a hung kho ngai hnga maw?

SALM 78:25

Cuticun vancungmi rawl kha an ei. Pathian nih an ei khawh chung ei awkin a pek hna.

EXODUS 14:11

Moses cu an thawh i, “Izipt ram i thlan a um lo caah maw thetse ram i thih awkah hin na kan chuahpi? Izipt ram in na kan chuahpi hi zeidah a si ti cu zoh tuah ngat!

EXODUS 17:3

Sihmanhsehlaw mi cu an ti a hal tuk i Moses cu an zaihnawh i, “Zeicahdah Izipt ram khan na kan chuahpi? Kanmah he kan fale he kan saṭil he ti haal in thah awkah maw na kan chuahpi?” an ti.

EXODUS 2:23

Caan saupi hnuah Izipt siangpahrang kha a hung thi. Israel mi cu an sal cannak ah khan an hrum an ai lengmang ko i bawmhnak hal in an ṭap. An ainak cu Pathian sin kha a phan i

EXODUS 5:21

Moses le Aaron cu an thawh hna i, “Nan tuahmi hi Bawipa nih hmu ko seh. Faro le a bawi pawl kha nan kan huatter hna, cucaah dan in tat ko hna seh. Kanmah thahnak ah an kut ah vainam nan pek hna,” an ti hna.

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

JEREMIAH 42:14

Izipt ram tu ah kan kal ko lai, khika ah cun ral dohnak kha kan hmu ti lai lo i muko aw thawng kha kan thei ti lai lo, rawl um lo ruangah rawlṭam in kan um lai lo i

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

ṬAHNAK HLA 4:9

Vainam in a thimi hna cu Rawlṭam in a thimi hna nakin an van a ṭha deuh; Lo in a chuakmi rawl kha an hmuh lo caah an lo dai ko.

NAMBAR 11:15

Mahtihin na ka tuah ding a si ahcun, hmakhatte ah ka that ko, na mithmai ah velngeihnak ka hmuh a si ahcun, ka retheihnak kha ka hmuhter hlah,” tiah a ti.

NAMBAR 11:20

sihmanhsehlaw thla khat ning piin nan ei lai, nan hnarkua i a chuah i nan ca i fihnung a si tiangin, zeicahtiah nan lak i a ummi Bawipa cu nan hlawt i a hmaiah, “Zeicahhen Izipt ram khan kan rak chuah,” tiin nan ṭah caah,’ tiah ti hna,” tiah a ti.

NAMBAR 14:2

Cun Israel mi vialte nih Moses le Aaron cu an zaihnawh hna; an bu ningin annih sinah, “Izipt ram ah khan rak thi u si law, a ṭha deuh hnga! Asiloah ramcar chungah hin hei thi dih ko u si law, a ṭha deuh hnga!

NAMBAR 14:3

Zeicahdah Bawipa nih hi ram chungah hin vainam in thih awkah a kan luhpi hnga? Kan nupile hna le kan ngakchia hna hi tlaihkhih awk men an si lai; Izipt ah kir ṭhan u si law, kan caah a ṭha deuh hnga lo maw?” tiah an ti.

NAMBAR 16:13

Ramcar chung i kannih kha thah awkah cawhnuk le khuaihliti in a luangmi ram in na kan chuahpi hi, thil hme tuai a si maw, kannih cung i bawi i naa ser zong hi?

NAMBAR 16:41

Sihmanhsehlaw a thaizing ah Israel mi nih an bu ningin Moses le Aaron cungah an zai i, “Bawipa mi kha nan thah hna,” tiah an ti.

NAMBAR 21:5

Cun mi hna nih cun Pathian le Moses kha an zaihnawh hna i, “Zeicaahdah ramlak i thih awkah hin Izipt ram in nan kan chuahpi? Zeitintiah rawl a um lo, ti a um lo i, hi rawl ṭhalo hi cu kan fih,” tiah an ti.

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

1 KORIN 4:8

Nan herhmi paohpaoh cu nan ngeih dih ko cang. Nannih cu nan lian in nan rum ko cang. Nannih cu siangpahrang nan si cang, kannih bel kan si lo. Siangpahrang hei si taktak u law ka hei duh dah, kannih zong nan sinah siangpahrang kan si ve hnga!

2 KORIN 11:1

Ka hruh deuh hmanh ah rak ka ing hram ko u!

DEUTERONOMI 28:67

Nan lung nih a ṭih laimi ṭihnung le nan mit nih a hmuh laimi thil hna ruangah cun zinglei ah, ‘Zanlei hei si seh law dah!’ nan ti lai i zanlei ah, ‘Zinglei hei si seh law dah!’ nan ti lai.

DEUTERONOMI 8:3

Minung hi rawl lawnglawng in a nung lo, sihmanhsehlaw Bawipa kaa in a chuakmi thil kip in a nung ti kha an hngalhter hna nakhnga, rawlṭam fahnak kha an inter hna i manna in an cawm hna, mah cucu nanmah nih siseh nan pupa hna nih siseh nan rak hngal lo.

JOSHUA 7:7

Cun Joshua nih, “Aize, maw Bawipa Pathian, kannih cu hrawh awk men i Amor mi kut chung i pek awkah zeicahdah hi mi hna cu Jordan tiva ral ah na kalpi hna? Jordan tiva ral i khua rak sak kha kan lung rak tling ko seh law mu!