EXODUS 16:20 - Lai (Hakha) Common Language Bible 2006

²⁰ Asinain a cheu nih cun Moses bia kha an ngai lo i a cheuchum kha a thaizing tiang an i chiah. A thaizing ah cun tholung an khat dih i an rawk dih. Moses cu an cungah khan a thin a hung.

EXODUS 16:20 ပူးပေါင်းရင်းမြစ်များ

EXODUS 16:19

Moses nih cun, “Ahohmanh nih zinglei tiang nan i chiah lai lo,” a ti hna.

EXODUS 16:21

Zing fate in an char hna i anmahle an i zat awk tawk cio khan an char hna, ni a hung linh tikah cun an ti dih.

EXODUS 16:24

Moses nih nawl a pek hna bangin a taangmi cu a thaizing tiang an chiah i a thu lo, a chungah tholung zeihmanh a um lo.

NAMBAR 12:3

Moses cu vawleicung mi vialte lakah lungnem bik a si.

NAMBAR 16:15

Cun Moses cu a thin a hung ngai-ngai i Bawipa sinah, “An pekchanhnak cu hmaizah hlah. Annih sinin laa pakhat hmanh ka la lo i annih kha pakhat hmanh ka fahter hna lo,” tiah a ti.

MATTHAI 6:19

“Rungrul le cirik nih an ei khawh i mifir nih an baoh i an fir khawhnak vawlei ah hin nan chaw va khong hlah u.

MARKA 10:14

Cucu Jesuh nih a hmuh tikah a thin a hung i a zultu hna cu, “Ngakchia cu ka sinah ratter ko hna u. Pathian Pennak cu hi bantuk mi hna ta hi a si caah, annih cu kham hna hlah u.

MARKA 3:5

Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, “Na kut kha samh,” a ti. A samh i a dam ai!

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

EFESA 4:26

Na thin a hun ahcun na thinhunnak kha sualnak chung i an luhpitu siter hlah; cun na thinhunnak cu ni tlakter hlah.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.