EXODUS 15:8 - Lai (Hakha) Common Language Bible 2006

⁸ Na thaw in na chem i ti cu an i chong, a luang liomi ti cu vampang bangin a dir; rili thuk cu a ne tiangin a hak.

EXODUS 15:8 ပူးပေါင်းရင်းမြစ်များ

2 SAMUEL 22:16

Bawipa nih a sik hna i a hnar thaw nih a chem hna caah rili kuang hna cu an lang i vawlei hram hna cu an lang.

JOB 4:9

Pathian thaw in an rawk i A thinhunnak in a chem hna thawngin an kang dih.

SALM 33:7

Rili vialte kha hmunkhat ah a pumh hna; a thukmi rilipi cu thil khonnak inn chungah a khumh hna.

SALM 78:13

Rili kha a cheu i a chungin a hruai hna; ti cu vampang bantukin a dirter hna.

EXODUS 14:29

Asinain Israel mi tu cu rili chung khan vawlei ro cungin an kal i ti cu an orhlei le an kehlei ah khan vampang bantukin an i chong.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 37:7

Bawipa nih an siangpahrang cu bia chawkvai pakhat a theihter lai i cu bia chawkvai nih cun a ram ah a kirter lai; cun cuka ah cun mi kha amah cu a thahter hna lai,” a ti.

HABAKKUK 3:10

Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

HABAKKUK 3:15

Rili cu na rangtum hna he nan tan tikah a ṭhawngmi ti cu a so in a so.

2 THESALON 2:8

Khi tikah Miṭhalo Pa kha a hung chuak lai i Bawipa Jesuh nih a kaa in a chuakmi thaw in a thah lai i Bawipa Jesuh a rat tikah a ceumi a sunparnak in amah cu a hrawh lai.

JOSHUA 3:13

Cun Bawipa, vawlei cung dihlak i Bawipa a simi, a kuang putu tlangbawi hna keza nih Jordan ti a lamh tikah, Jordan ti cu a cat lai i cunglei in a rungmi ti cu bu khat ah an dir lai,” tiah a ti.

JOSHUA 3:16

cunglei in a rungmi ti kha an dir i lam hlatpi ah Zarethan ram pawng i a ummi khua Adam ah cun a bu in an dir i, Arabah rili, Cite Rili lei i a vung luangmi cu an cat dih; cun Jeriko khua zawn cun mi nih cun an tan.