EXODUS 15:6 - Lai (Hakha) Common Language Bible 2006

⁶ Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

EXODUS 15:6 ပူးပေါင်းရင်းမြစ်များ

SALM 17:7

Maw Khamhtu Bawi, na dawtnak khuaruahhar cu langhter ko; na kiang kan um ahcun kan ral hna kut chungin kan him.

SALM 2:9

Thirfung in na uk hna lai i tlak um bangin na khuai dih hna lai,” a ti.

SALM 24:8

A liannganmi siangpahrang cu ahodah a si? A liannganmi siangpahrang cu a ṭhawng i a lian a nganmi, raltuknak hmun in teitu a simi Bawipa kha a si.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

SALM 44:4

Nangmah cu ka siangpahrang le ka Pathian na si; nangmah nih na mi cu teinak na pek hna.

SALM 60:5

Na ṭhawnnak in kan khamh tuah; kan thlacamnak kha kan let tuah, cuticun na dawtmi hna hi kan luat kho lai.

SALM 74:11

Zeicahdah bawmh na kan duh lo? Zeicahdah na kut cu na hnulei ah na chiah hna?

SALM 77:10

Cun kaa thawh i, “Ka lungfah bikmi cu — Pathian cu zeizong vialte tuah khotu a si ti lo,” ti hi a si, ka ti.

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

EXODUS 15:12

Na orhlei kut kha na samh i vawlei nih a dolh hna.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

EXODUS 18:8

Israel mi hna ruangah Izipt mi hna le Faro cungah Bawipa nih a tuahmi vialte kha a chimh dih. Lampi ah harnak an tonmi le Bawipa nih a khamh hnanak zong kha a chimh.

EXODUS 3:20

Ka ṭhawnnak kha ka hman lai i cuka ah cun khuaruahharmi thil kha ka tuah hna lai i cu khuaruahharmi thil cun Izipt cu dan ka tat lai. Cu hnu ceo ah cun an kalter hna lai.

EXODUS 6:1

Cun Bawipa nih Moses cu a thawh i, “Atu cu Faro cungah zeidah ka tuah lai ti kha na hmuh cang lai. Annih kalter dingah khan a hnek hrimhrim in ka hnek lai. A ram chungin a ṭhawl hrimhrim in an ṭhawl hna lai,” a ti.

ISAIAH 30:14

Tlak um bantukin an in den cikcek hna lai, fak tuk in nan keh nan kuai lai caah meiṭil laknak caah a zami le tikhor ti suahnak ah a zami hmanh nan um lai lo,” a ti.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

JEREMIAH 13:14

Cun ralca pakhat le pakhat an i khawn bantukin annih cu ka den cikcek hna lai, pale zong hual lo, fapa hna zong hual loin. An cungah zaangfahnak siseh, velngeihnak siseh, nemnak siseh, ka ngei lai lo; annih hrawh kha kaa sum hrimhrim lai lo,” tiah Bawipa nih a ti.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.