EXODUS 15:26 - Lai (Hakha) Common Language Bible 2006

²⁶ Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

EXODUS 15:26 ပူးပေါင်းရင်းမြစ်များ

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SIANGPAHRANG 11:38

Cun nangmah nih nawl kan pekmi vialte kha na ngaih i ka lam kha na zulh hna i ka sal David nih a rak tuah bantukin ka nawlbia le ka phungbia zulhnak thawngin ka mit na tlin ahcun, na sinah ka um lai i David ca i ka sak bantuk khan, a fekmi innchungkhar kan sakpiak lai i Israel cu nangmah kan pek lai.

2 SIANGPAHRANG 2:21

Cun ti chuahnak hramah khan a va kal i cite kha a va paih i, “Hi bangin Bawipa nih, hi ti hi ka thianter cang; hi hnuah cun thihnak siseh, naurawknak siseh, hi ti in a chuak ti lai lo, a ti,” tiah a ti.

2 SIANGPAHRANG 20:5

“I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

2 SIANGPAHRANG 22:2

Cun Bawipa mithmuh ah a dikmi thil kha a tuah i a pu David lam kha a zul, orhlei ah siseh, kehlei ah siseh a pial lo.

JOB 5:18

Zeicahtiah amah nih hriamhma an inter, Asinain amah lila nih an men ṭhan; Amah nih cun an tuk, sihmanhsehlaw a kut nih an damter ṭhan.

SALM 103:3

Ka sualnak vialte kha a ka ngaihthiam i ka zawtnak vialte kha a ka damter;

SALM 147:3

Lungkuai mi kha a damter hna i an hma kha a menpiak hna.

SALM 81:9

Ramdang pathian kha bia hrimhrim hna hlah u, keimah dah ti lo cu a dang zeihmanh bia hna hlah u.

EXODUS 12:29

Zanṭim ah Bawipa nih Izipt ram fater vialte cu a thah hna; bawiṭhutdan cungah a ṭhu ding Faro fater thawk in thong chung i a ummi thongtla fater tiang an thi; saṭil fater vialte zong an thi.

EXODUS 19:5

Cucaah ka nawlbia kha nan ngaih i ka biakamnak kha nan zulh ahcun, ka mi hrimhrim nan si lai. Vawlei hi a dihlak in ka ta a si, asinain, ka thimmi miphun cu nanmah hi nan si lai.

EXODUS 19:6

Nannih cu tlangbawi bantukin ka rian a ṭuanmi miphun nan si lai i keimah sin i pekchanhmi nan si lai,’ a ti, tiah chim hna. Cucu Israel mi cu na chimh hrimhrim hna lai,” a ti.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 23:25

Bawipa nan Pathian lawng kha nan biak lai i ti le rawl in thluachuahnak kan pek hna lai i nan dam lonak vialte kha kan lakpiak hna lai.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 57:18

“An umtuning kha ka hmuh cang; sihmanhsehlaw ka damter hna lai. Ka hruai hna lai i ka bawmh hna lai; ngaih a chiami kha ka hnemh hna lai.

JEREMIAH 11:7

Nan pupa hna cu Izipt ram in ka chuahpi hna ri in atu tiang, hi bantukin tuah hlah u, ka ti lengmang hna, ralrinnak ka pek lengmang hna; Ka nawl ka ngai u, ka ti hna.

JEREMIAH 17:24

Sihmanhsehlaw nannih cu ka bia nan ngaih i sabbath ni ah hi khuapi kutka hna chungah hin zei thil hmanh nan luhpi hna lo i khi ni cu thiang tein ul in rian nan ṭuan lo ahcun,

JEREMIAH 30:17

Mi nih nang cu, “Ṭhawlmi, hawikom zeihmanh a ngei lomi Zion, an in ti nain, Cuar thar cu ka corhter ṭhan lai i na hma cu ka damter ṭhan lai,” tiah Bawipa nih a ti.

JEREMIAH 33:6

Sihmanhsehlaw hi khua cu ka damter ṭhan lai i a mi hna cu ka damter hna lai i lawmhnak le daihnak le himnak kha ka pek hna lai.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?

EZEKIEL 18:5

“A dingmipa, a dingmi thil le a hmaanmi thil a tuahmipa kha ruat hmanh.

HOSEA 11:3

Efraim kal a rak cawnpiaktu kha keimah ka si. Kut in a rak pomtu hna kha keimah ka si;

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

LEVITIKAS 26:13

Keimah cu Bawipa nan Pathian, Izipt ram in an sal nan si nakhnga lo an chuahpitu hna ka si; keimah nih nan seihnam hngawng kual cu ka khiah cang i dingte i dir in kan kalter hna.

LEVITIKAS 26:3

“Ka phunglam kha nan zulh hna i ka nawlbia kha nan ulh hna i nan tuah hna ahcun,

NAMBAR 12:13

Cun Moses nih Bawipa cu a auh i, “Maw Pathian, amah cu damter ko, tiah kan nawl,” tiah a ti.

DEUTERONOMI 12:25

Nan ei lai lo; zeitintiah Bawipa mithmuh i a dikmi nan tuah tikah, nanmah le nan hnu i nan tefa hna caah ṭhatnak a si lai.

DEUTERONOMI 12:28

Bawipa nan Pathian mithmuh ah a dik le a ṭha kha nan tuah tikah, nanmah caah a ṭhat nakhnga, hi nawl kan pekmi hna bia vialte hi ṭha tein ruat tuah u.

DEUTERONOMI 13:18

a thinhunnak ṭihnung khan aa mer lai i zaangfahnak kha an pek hna lai i nan pupa hna sinah chiat a ser bang khan a vel kha a karhter lai.

DEUTERONOMI 28:27

Bawipa nih Izipt ram khuaihli le tawlhmat le cuarhmat le thakpherh in an hrem hna lai i damh khawh nan si lai lo.

DEUTERONOMI 28:58

“Hi a lianngan i ṭihnung a simi min, Bawipa nan Pathian, hi nan ṭih nakhnga ca i hi cauk chungah ṭial a simi phungbia vialte hi ṭha tein nan zulh ṭung lo ahcun,

DEUTERONOMI 28:60

Cun nan rak ṭihmi Izipt ram zawtnak vialte kha nan cungah a tlunter ṭhan lai i nanmah ah an i beh lai.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

DEUTERONOMI 5:1

Cun Moses nih Israel mi vialte cu a kawh hna i, “Maw Israel, nihin ah nanmah theih ah ka chimmi nawlbia le phunglam hna hi thei tuah u law, cawng hna u law, ṭha tein ul hna u.

DEUTERONOMI 7:15

Cun Bawipa nih nannih sinin zawtnak vialte kha a lak lai i Izipt hrirai ṭhalo vialte nan hngalhmi kha nan cungah a tlunter lai lo, sihmanhsehlaw nannih an huami hna vialte cungah cun a tlunter lai.