EXODUS 15:2 - Lai (Hakha) Common Language Bible 2006

² Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

EXODUS 15:2 ပူးပေါင်းရင်းမြစ်များ

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

GENESIS 49:18

“Maw Bawipa na khamhnak cu ka hngak ko.

2 SAMUEL 22:3

Ka Pathian, a chung i kaa dornak lungpi, ka phaw le ka khamhnak ki, ka ralhau le ka himnak; Ka khamhtu, nangmah nih zaang-ennak chungin na ka khamh.

2 SAMUEL 22:47

“Bawipa cu a nung ko; ka lungpi cu thangṭhat si ko seh, Ka Pathian, ka khamhnak lungpi cu.

2 SAMUEL 22:51

Amah nih a siangpahrang cu teinak lianngan a pek i, A chiti thuhmi cu a fekmi dawtnak a hmuhsak, David le a tefa hna cu, zungzal in.”

2 SAMUEL 7:24

Na mi Israel cu zungzal in nangmah mi si awkah nangmah nih na caah na fehter i nangmah cu maw Bawipa, an Pathian ah na cang cang.

2 SAMUEL 7:5

“Va kal law ka sal David kha, ‘Bawipa nih hi bangin a ti: Ka umnak ding caah nangmah nih inn na ka sakpiak hnga maw?

1 SIANGPAHRANG 8:13

A sunglawimi inn, nangmah kan sakpiak cang, Zungzal in na umnak ding caah,” tiah a ti.

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

1 CHANRELNAK 16:14

Amah cu Bawipa, kan Pathian a si; A biakhiahnak cu vawlei khuazakip ah a um.

SALM 109:1

Maw ka thangṭhatmi Pathian, dai tein um hlah.

SALM 118:14

Bawipa cu ka himnak le ka ralhruang a si, amah cu a ka chuahtu a si.

SALM 118:21

Bawipa, nangmah nih ka thlacamnak na ka theihpiak i teinak na ka pek caah; nangmah cu kan thangṭhat!

SALM 118:28

Nangmah cu ka Pathian na si i kan lawmh; na lianhngannak cu ka thanh lai.

SALM 140:7

Maw Bawipa ka Pathian, nangmah cu ka khamhtu ṭhawng na si, raltuknak hmun ah na ka huhphenh.

SALM 145:1

Ka Pathian le ka siangpahrang, na lianhngannak cu ka thanh lai i nangmah cu a zungzal in kan lawmh lai.

SALM 18:46

Bawipa cu a nungmi Pathian a si, ka khamhnak lungpi cu thangṭhat ko u! Pathian cu ka khamhtu a si, a lianhngannak kha thanh tuah u!

SALM 22:10

Ka chuah ri in nangmah cu kan bochan zungzal i ka chuah ri in ka Pathian na si zungzal ko.

SALM 22:3

Sihmanhsehlaw nangmah cu Israel Mi Thiang, Israel mi nih an thangṭhatmi na si i na bawiṭhutdan cungah khan na ṭhu.

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

SALM 28:8

Bawipa nih a mi kha a huhphenh hna; a thimmi a siangpahrang kha a chanh i a khamh.

SALM 30:1

Maw Bawipa, nangmah nih na ka khamh i ka ral kha ka cungah diriam in na umter hna lo caah kan thangṭhat.

SALM 34:3

Bawipa lianhngannak cu chim ṭi u si law a min cu thangṭhat ti u sih.

SALM 48:14

Pathian cu a zungzal in kan Pathian a si i hmailei i a ra ding caan vialte ah a kan hruai lai, tiah nan chimh khawh hna lai.

SALM 59:17

Maw a ka Vengtu, nangmah cu kan thangṭhat lai; Pathian cu ka ralhruang na si, a ka dawtu Pathian cu ka himnak na si.

SALM 68:20

Kan Pathian cu mi a khamhtu Pathian a si, amah cu Bawipa kan Bawipa, thihnak chungin a kan chuahtu a si.

SALM 99:5

Bawipa kan Pathian cu thangṭhat u; a bawiṭhutdan hmaiah khan amah cu bia u, amah cu Mi Thiang a si.

SALM 99:9

Bawipa kan Pathian cu thangṭhat u, a tlang cungah cun amah cu bia u. Bawipa kan Pathian cu Mi Thiang a si!

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

EXODUS 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ṭih caah a hmai kha aa khuh.

EXODUS 4:22

Cu tikah Faro cu na thawh lai i, Bawipa nih, ‘Israel cu ka fapa upa bik a si.

EXODUS 40:34

Pumhnak thlam cu minmei nih a huh i Bawipa sunparnak kha a chung cu a khat.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

JEREMIAH 3:23

Tlangpar i tuahmi biaknak sin khin bawmhnak zeihmanh a ra lo i Tlang sang cung i au lennak zong khin zeihmanh a ra lo; A ngaingai ti ahcun, Bawipa kan Pathian chung lawngah hin Israel khamhnak cu a um.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

JEREMIAH 32:38

Annih cu ka mi an si lai i kei cu an Pathian ka si lai.

HABAKKUK 3:13

Na mi hna khamh awkah khan na kal i Na chiti thuhmi khamh awkah khan na ra; Miṭhalopa inn cu a cunglei in na vun ṭheh i a hram lung a langh ritret tiang na hlai.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

LUKA 1:77

A mi hna kha, nan sual ngaihthiam nan si thawngin khamhnak nan hmu lai, tiah na chimh hna lai.

LUKA 2:30

Zeicahtiah miphun vialte zohchih in khamhnak ding na rak timhmi cu ka mit hrimhrim in ka hmuh cang;

JOHAN 4:22

Nannih Samaria mi nih cun nan biakmi kha nan hngal taktak lo, kannih Judah mi tu nih cun, kan biakmi cu kan hngalh, zeicahtiah khamhnak cu Judah mi sinin a rami a si.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

EFESA 2:22

Amah he nan i pehtlaihnak thawngin nannih zong hawi dang vialte he, Pathian nih a Thlarau in a umhnawhmi inn ah ser nan si cang.

DEUTERONOMI 10:21

Amah cu na thangṭhat awk cu a si; amah cu na Pathian, hi thil lianngan le thil ṭihnung hna, na mit nih an hmuhmi, a tuahtu hi a si.

FILIPI 2:11

Pathian kan Pa sunparnak caah cun lei vialte nih Jesuh cu Bawipa a si, an ti lai.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

KOLOSE 2:9

Zeicahtiah Pathian sining cu tling khitkhet tein Khrih a minung sinak ah khan a um i

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 19:1

Cu hnuah cun vancung i a ummi mibu nganpi aw thawng bantuk ka theih i, “Pathian cu thangṭhat ko u. Khamhnak le sunparnak le lianhngannak cu kan Pathian ta an si.

BIACEIHTU 5:21

Kishon tiva nih a fenh hna, A luangmi ti tha, Kishon tiva tha nih cun, a fenh hna. Hmailei ah ṭhawnnak he kal chin ko, ka nunnak!