EXODUS 15:17 - Lai (Hakha) Common Language Bible 2006

¹⁷ Na mi cu na luhpi hna lai i na tlang cungah khan na phun hna lai, na umnak inn ca i na sermi hmun ah khan na phun hna lai maw Bawipa, nangmah hrimhrim nih na sakmi biakinn ah khan na phun hna lai, maw Bawipa.

EXODUS 15:17 ပူးပေါင်းရင်းမြစ်များ

2 SAMUEL 7:10

Cun ka mi Israel mi hna caah hmun pakhat ka tuah lai i anmah hmunte ah cun an um nakhnga le hnahnawh an si ti nakhnga lo, ka phun hna lai;

1 SIANGPAHRANG 8:13

A sunglawimi inn, nangmah kan sakpiak cang, Zungzal in na umnak ding caah,” tiah a ti.

SALM 114:2

Judah cu Bawipa mithiang ah a cang, Israel cu amah ta ah a cang.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

SALM 44:2

Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na ṭhanchoter hna, ti hi a si.

SALM 68:16

Zeicahdah cu bantuk tlang ngan, tlang zum tampi a ngeimi tlang nih, Pathian nih umnak ah aa thimmi tlang cu na nihsawh? Cuka ah cun Pathian cu, zungzal in a um ko ṭung lai!

SALM 76:2

A umnak inn cu Jerusalem ah khan a si i Zion Tlang cungah khan khua a sa.

SALM 80:15

Nangmah hrimhrim nih na cinmi mitsur ruang hi ra khamh tuah; hi tluk ṭhawng in na ṭhantermi mitsur ruang no hi ra khamh tuah!

SALM 80:8

Izipt ram in mitsur ruang pakhat na chuahpi; miphun dang kha na ṭhawl hna i an ram ah cun cu mitsur ruang cu na phun.

EXODUS 15:13

Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna.

EXODUS 23:20

“Lampi i nanmah an huphengtu hna le ka timhmi ram i an luhpitu hna ah vancungmi pakhat ka thlah lai.

EXODUS 25:8

Biakinn pakhat an ka serpiak lai i cuticun an lakah ka um lai.

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

JEREMIAH 2:21

Nangmah cu mitsur ruang ṭha bikcem in kan phun, Ci ṭha in lakmi na si. A si kun ahcun, zeitindah na rawh i ramlak mitsur ruang ah na can kun?

JEREMIAH 31:23

Ralkapbu Bawipa, Israel Pathian nih hitin a ti: “Annih cu an ram ah ka kirter ṭhan hna tikah, Judah ram le a khua hna ah cun, ‘Bawipa nih Jerusalem tlang thiang a umnak hmun thiang cu, Thluachuahnak pe ko seh,’ tiah an ti ṭhan lai.

JEREMIAH 32:41

An cungah kaa lawm lai i an ca i ṭhatnak tuah kha ka tha a nuam lai, cun zumh awk tlak tein ka lung le ka thin taktak in hi ram chungah hin ka phun hna lai.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

EZEKIEL 37:28

Miphun dang hna nih khan, Israel mi cu an lakah a zungzal in ka hmunthiang kha a um caah Bawipa nih ka mithiang ah kaa chiah hna, ti kha an hngalh lai, tiah a ti.

DEUTERONOMI 33:19

An tlang cungah mi kha an kawh hna lai i Khika ah a dikmi raithawinak hna kha an pekchanh; Zeitintiah rilipi rumnak le thetse chung i aa thupmi ro cu an dawp,” tiah a ti.

JOSHUA 22:19

Atu cu, nan ram kha a thian lo a si ahcun, Bawipa puan biakinn a dirnak Bawipa ram chungah khan ra ve u law, kan lakah covo i lak ve ko ngat u; sihmanhsehlaw Bawipa tu cu doh hlah u law, Bawipa kan Pathian biakṭheng hleiah a dang biakṭheng sernak in kannih zong kha amah dotu bantuk ah rel chih kan siter ve hlah u.