EXODUS 15:16 - Lai (Hakha) Common Language Bible 2006

¹⁶ Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

EXODUS 15:16 ပူးပေါင်းရင်းမြစ်များ

GENESIS 35:5

Jakob le a fapa hna cu kal awk i an i thawh tikah khan, an pawngkam khuami hna cungah cun ṭihnak nganpi a tlung i cucaah an dawi ngam hna lo.

2 SAMUEL 7:23

Pathian nih amah mi si awk ca i tlanh awkah a kalhnawh hna i amah ca i min pakhat i ser i, amah mi hna hmai in miphun pakhat le cu miphun khuazing hna kha ṭhawl in annih cu thil lianngan le ṭihnung a tuahpiakmi hna, na mi Israel mi hna bantuk hi, vawlei cungah hin zei miphun tal an um ti maw?

SALM 105:38

Izipt mi nih khan annih cu an ṭih hna caah an kal tikah khan Izipt mi cu an i lawm.

SALM 74:2

Hlanlio piin na mi si awkah na kan thimmi hi kan philh hlah. Na rak umnak Zion Tlang zong kha philh hlah.

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

EXODUS 11:7

Sihmanhsehlaw Israel mi hna lakah cun uico nih minung siseh saṭil siseh a auh hna thawng hmanh a leng lai lo; cucaah Bawipa nih Izipt mi le Israel mi cu ka thleidan hna kha na hngalh lai,’ a ti,” tiah a ti.

EXODUS 15:13

Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna.

EXODUS 15:5

Rili thuk nih khan a phum hna, ti ne ah khan lung bantukin an tla.

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

EXODUS 18:8

Israel mi hna ruangah Izipt mi hna le Faro cungah Bawipa nih a tuahmi vialte kha a chimh dih. Lampi ah harnak an tonmi le Bawipa nih a khamh hnanak zong kha a chimh.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 23:20

“Lampi i nanmah an huphengtu hna le ka timhmi ram i an luhpitu hna ah vancungmi pakhat ka thlah lai.

EXODUS 23:22

Asinain amah bia kha nan ngaih i ka chimmi vialte kha nan tuah ahcun, nan ral kha keimah nih kan dohpiak hna lai i an dotu hna a dohtu kha ka si lai.

EXODUS 23:27

“Nanmah an dotu hna nih khan keimah cu an ka ṭih lai; nanmah an tutu hna kha an cungah tuainak ka tlunter lai i nan ral vialte nih khan an hnulei an in chit hna lai i an in zamtak hna lai.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

ISAIAH 51:10

Rili ti kha a kaoter i rili chungin lam a tuahtu kha nangmah na si i na khamhmi hna nih khan cuka cun an tan.

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

JEREMIAH 31:11

Bawipa nih Jakob cu a tlanh ṭhan cang i A ṭhawngmi a ral kut chung khan a chuah ṭhan cang.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

DEUTERONOMI 11:25

Ahohmanh nih an in celh hna lai lo; Bawipa nan Pathian nih bia an kam cang hna bang khan, nan va lamh ding ram vialte cungah khan nanmah ṭihnak le phannak kha a chiah lai.

DEUTERONOMI 2:25

Nihin ni hin, vanrang toi i a ummi vialte cungah nanmah ṭihnak le phannak chiah cu ka thawk lai i, annih nih nan thawngpang kha an theih lai i an ther lai i nanmah ruangah lungrethei in an um lai,’ tiah a ti.

DEUTERONOMI 2:4

Cun mi cu nawl pe hna law: Seir i a ummi nan unau hna, Esau fapa hna, an ram cu nan tan dengmang cang i nannih cu an in ṭih hna lai. Cucaah ṭha tein i ralring tuah u,

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

JOSHUA 2:9

mi hna sinah cun, “Bawipa nih hi ram kha an pek cang hna i nanmah kan in ṭihnak hna nih khan a kan nenh i hi ram chung ummi vialte kha nan hmaiah an ther dih cang, ti kha ka hngalh.

JOSHUA 4:24

zeitintiah vawlei cung mi vialte nih Bawipa kut cu a ṭhawng ti kha an hngalh nakhnga le Bawipa nan Pathian cu zungzal in nan ṭih nakhnga,” tiah a ti.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

1 SAMUEL 2:9

“A mithiang hna an ke kha a ven lai; Sihmanhsehlaw miṭhalo cu khuamui lakah hrawh an si lai; Zeitintiah mi nih teinak an hmuhnak cu zaang ṭhawnnak in a si lai lo.

1 SAMUEL 25:37

Cun zinglei ah, Nabal cu a zu ritnak in a fim tikah khan, hi thil hna cu a nupi nih khan a chimh i a lung cu a chungah a thi i amah cu lung bantuk ah a cang.