EXODUS 15:13 - Lai (Hakha) Common Language Bible 2006

¹³ Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna.

EXODUS 15:13 ပူးပေါင်းရင်းမြစ်များ

GENESIS 19:16

Asinain Lot cu aa nuainai i sihmanhsehlaw Bawipa nih khan a cungah zaangfahnak kha a ngeih caah, mi nih khan amah cu le a nupi le a fanu pahnih hna cu an kut in an hnuh hna i khua lengah an chuahpi hna i cuka ah cun an kaltak hna.

2 SAMUEL 15:25

Cun siangpahrang nih Zadok cu a thawh i, “Pathian kuang kha khua chungah va kirpi ṭhan tuah. Bawipa hmaiah mithmai ṭha ka hmuh ahcun, a ka kirpi ṭhan lai i mah hi he, a umnak he a ka hmuhter ṭhan lai;

NEHEMIAH 9:12

Chun ah minmei tung in na hruai hna i zan ah an kalnak lam ceuhpiaktu dingah mei alh tung in na hruai hna.

SALM 106:9

Rili Sen cu nawl a pek i a ro, cun a mi cu vawlei ro cung kal bantukin a kalpi hna.

SALM 74:2

Hlanlio piin na mi si awkah na kan thimmi hi kan philh hlah. Na rak umnak Zion Tlang zong kha philh hlah.

SALM 77:20

Na mi cu tuukhal bangin na hruai hna, Moses le Aaron kha na cawnghter hna.

SALM 78:35

Annih a hupphengtu hna cu Pathian a si kha an hun hngalh i annih a khamhtu hna cu Cungnung Bik a si kha an hun theih.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

EXODUS 15:17

Na mi cu na luhpi hna lai i na tlang cungah khan na phun hna lai, na umnak inn ca i na sermi hmun ah khan na phun hna lai maw Bawipa, nangmah hrimhrim nih na sakmi biakinn ah khan na phun hna lai, maw Bawipa.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

ISAIAH 51:10

Rili ti kha a kaoter i rili chungin lam a tuahtu kha nangmah na si i na khamhmi hna nih khan cuka cun an tan.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

EFESA 2:4

Sihmanhsehlaw Pathian nih a kan zaangfahnak cu a tam tuk i a kan dawtnak cu a ngan tuk hringhran caah

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.