EXODUS 15:10 - Lai (Hakha) Common Language Bible 2006

¹⁰ Sihmanhsehlaw na thaw voi khat na chuah i rili nih a khuh hna; ṭih a nungmi ti chungah khan suan bantukin an tla.

EXODUS 15:10 ပူးပေါင်းရင်းမြစ်များ

GENESIS 8:1

Pathian nih Noah le a sin i lawng chungah a ummi saram vialte le saṭil vialte kha a philh hna lo, cucaah vawlei cungah thli a hranter i ti cu ṭum hram aa thawk.

2 SAMUEL 18:8

Raldohnak nih cun ram cu a pumpuluk in a huh dih i vainam nakin cu ni ah cun tupi nih khan tam deuh a thah hna.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

SALM 135:7

Vanhramdeng in khuadawm kha a ratpi hna, thlichia chungin ṭek kha a chuahter i a thil khonnak inn chungin thli kha a chuahter.

SALM 147:18

Cun nawlbia kha a vun chuah i hawhra cu a ti; thli kha a hranter i ti cu a luang.

EXODUS 14:21

Moses nih rili cungah khan a kut a hler i zan khuadei a ṭhawngmi nichuahlei thli kha a hrang i cu thli nih cun rili cu a nam i vawlei ro ah a canter. Ti cu aa ṭhen i

EXODUS 15:5

Rili thuk nih khan a phum hna, ti ne ah khan lung bantukin an tla.

PHUNGTHLÛKBIA 30:4

Van ah khin ahodah a hung kai i a ṭum ṭhan? Aho nih dah a kut chungah thli kha a hum hna? Aho nih dah ti kha a puan in a fun hna? Aho nih dah vawlei cu a ramri kha a ser hna? A min cu ahodah a si i a fapa min cu ahodah a si? Na hngalh ahcun chim tuah.

ISAIAH 11:15

Bawipa nih thli lin a chuahter lai i cu thli lin nih cun Nail tiva le Zufrates tiva kha a kaoter hna lai i tiva hme tete pasarih lawng kha a nganh hna lai caah ahopaoh nih an tan khawh hna lai.

JEREMIAH 10:13

A aw thawng ah van i ti khi an awn, Van hram deng in minmei kha a thawhter, Ruah caah awng kha a ser hna i A thil khonnak inn chungin thli kha a chuahter hna.

JEREMIAH 46:17

Izipt ram siangpahrang Faro cu, ‘Thawng lawng Lian, Caan Tlolh Ṭung,’ ti min kha pe u.

AMOS 4:13

Khuari le thlitu a sertu, Vawlei cungah ruah tampi a surtertu, Zinglei khuaceu kha minmei chah piin a hup i Vawlei cung a sannak hmun i aa chawkmi cu amah kha a si — A min cu Bawipa, Ralkapbu Pathian a si.

MATTHAI 8:27

An dihlak in an khuaruah a har i, “Hi pa hi zei bantuk minung dah a si? Thlichia le tilet hmanh nih dahngai a bia an ngaih ko hi,” an ti.

DEUTERONOMI 11:4

cun Izipt ralkapbu cungah, an rang hna le an rangleng hna cungah, nannih an in dawi tik hna ah a tuahmi, zeitindah Rili Sen ti kha a fenhter hna le zeitindah Bawipa nih nihin tiangin a hrawh hna, ti le;