EXODUS 14:4 - Lai (Hakha) Common Language Bible 2006

⁴ Faro cu a lung ka ṭhawnter lai i a dawi hna lai i Faro le a ralkapbu cu ka tei hna lai, cu ka tei hnanak nih khan upatnak a ka hmuhter lai. Izipt mi nih keimah cu Bawipa ka si kha an hngalh lai,” a ti. Israel mi nih cun a chimh hna bang khan an tuah.

EXODUS 14:4 ပူးပေါင်းရင်းမြစ်များ

NEHEMIAH 9:10

kan pupa hna kha zeirello in an ti hna kha na hngalh caah Faro le sinum hna le a ram mi vialte hna cungah hmelchunhnak le khuaruahhar kha na tuah i nihin ni tiangah a si bang hin min pakhat naa ser.

EXODUS 10:2

Cun cu lawng si loin annih lakah hi khuaruahharmi thil ka tuah tikah zeitindah Izipt mi cu mihrut ah ka ser hna ti kha nan fale le nan fale fachin kha nan chimh hna nakhnga caah a si fawn. Nan dihlak in Bawipa ka si kha nan hngalh lai,” a ti.

EXODUS 10:27

Bawipa nih Faro cu a lung a ṭhawnter i kalter kha a duh hna lo.

EXODUS 12:28

Israel mi cu an kal i mahticun an tuah; Bawipa nih Moses le Aaron a fial hna ning khan an tuah.

EXODUS 14:23

Izipt mi nih cun an dawi hna i Faro rangtum vialte le rangleng vialte le a mawngtu vialte hna nih khan rili chungah cun an hei nam hna.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

EXODUS 14:3

Faro nih khan, ‘Israel mi cu ram chungah khan an vai sawhsawh ko, thetse ram nih a kulh hna,’ tiah a ruah lai.

EXODUS 14:5

Izipt siangpahrang Faro cu, Israel mi kha an kal cang, tiah an chimh tikah, amah le a bawi pawl cu ruahnak dang an hun ngei ṭhan i, “Zeidah kan rak tuah? Israel mi cu kan sal an sinak chung khan kan luatter hna ai!” an ti.

EXODUS 14:8

Bawipa nih Faro cu a lung kha a ṭhawnter i Bawipa zohkhenhnak thawngin a chuakmi Israel mi kha a dawi hna.

EXODUS 18:11

Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an ṭuan tikah hi bantukin a tuah caah khan, a ngan bik a si cu ka hngalh,” a ti.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

EXODUS 7:17

Cucaah Bawipa chimmi cu, “Ka tuah laimi thil thawng hin Bawipa ka si cu na hngalh lai,” ti hi a si. Zohhmanh, hi ṭhiangṭhunh hin tiva ti kha ka tuk lai i thisen ah a cang lai.

EXODUS 7:3

Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain

EXODUS 7:5

Izipt mi nih cun an cung i ka kut ka hler tik le Israel mi kha an ram chungin ka chuahpi hna tikah, keimah cu Bawipa ka si kha an hngalh lai,” a ti.

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

EZEKIEL 20:9

Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.

EZEKIEL 28:22

Mah hihi Bawipa Pathian bia an si, a ti: Sidon, nangmah cu kan ralchanh i Na mi hna lakah ka sunparnak cu ka langhter lai. Sidon cungah ka biakhiahnak ka ser tik le cu ti ka tuahnak thawngin ka thiannak ka langhter tikah, Mi nih Bawipa ka si kha an ka hngalh lai.

EZEKIEL 32:15

Izipt cu ka hrawh dih i ram cu a ning piin a rawh cikcek tikah, cun cuka i a ummi hna cu ka tuk hna tikah, annih nih Bawipa ka si kha an hngalh lai.

EZEKIEL 38:16

Thlichia nih ram kha a hrawh bantukin ka mi Israel mi cu na hrawh hna lai. Cun caan hmanung bik caan ah cun, ka ram doh awkah keimah hrimhrim nih kan kalpi lai i nangmah hmang in ka tuahmi nih keimah cu ahodah ka si ti langhternak caah le ka thiannak langhternak caah, nang Gog, an hmangtu cu Keimah ka si kha miphun hna nih an hngalh lai, a ti.

EZEKIEL 38:23

Cuticun ka lianhngannak le ka thiannak kha ka langhter lai i miphun tampi nih keimah Bawipa ka si kha an ka hngalh lai.

EZEKIEL 39:13

cu vuinak ah cun mi vialte nih khan an ṭuan awk hnga kha an ṭuan cio lai. Upatnak ka hmuh ni cu an caah philh lo awk ni a si lai, hihi Bawipa Pathian bia hrimhrim a si.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

ROM 11:8

Cathiang nih, “Pathian nih an lung a pinter hna; nihin ni tiang hrimhrim hin an mit in an hmu kho lo i an hna in an thei kho lo,” a ti bang khan a si taktak.

ROM 9:17

Cathiang nih Faro kong ah a thawh i, “ ‘Ka ṭhawnnak langhnak caah le ka min cu vawlei cung dihlak i thanternak caah, hi ca hrimhrim ah hin, nangmah cu siangpahrang ah kan ser,’ tiah Pathian nih a ti,” tiah a ti.

ROM 9:18

Cucaah Pathian nih cun zaangfah a duhmi kha a zaangfah ko hna i an lung ṭhawnter a duhmi kha an lung cu a ṭhawnter ko hna.

JOSHUA 11:20

Bawipa nih Moses nawl a pek bangin hrawh cikcek an si i zaangfahnak um loin hloh cikcek an si nakhnga, an lung ṭhawnter i Israel mi hna doh cu Bawipa tuahmi a si.

BIACEIHTU 4:7

cun Jabin ralbawi bik Sisera cu a rangleng hna le a ralkap hna he nangmah kha Kishon tiva pawng i rak in doh awkah, ka hnuh lai i amah cu nangmah kut chungah kan pek lai,’ an ti lo maw?” tiah a ti.