EXODUS 14:30 - Lai (Hakha) Common Language Bible 2006

³⁰ Cu ni ah cun Bawipa nih Israel mi cu Izipt mi hna kut chung khan a khamh hna i Israel mi nih Izipt mi cu rilikam i an thih i an rilh liangluang ko kha an hmuh hna.

EXODUS 14:30 ပူးပေါင်းရင်းမြစ်များ

2 CHANRELNAK 32:22

Cuticun Bawipa nih Hezekiah le Jerusalem khuami hna cu Assiria siangpahrang Sennakherib kut chung le a ral vialte hna kut chung khan a khamh hna i a kenkip ah dinhnak a pek hna.

SALM 106:10

A huatu hna kut chung khan a khamh hna i an ral kut chung khan a chuah hna.

SALM 106:8

Sihmanhsehlaw bia a kamh hna bangkhan a khamh hna, cu a khamh hna cu a liannganmi a ṭhawnnak langhternak caah a si.

SALM 58:10

Misual mi nih dantatnak an hmuh kha miding mi nih an hmuh tikah an i lawm lai, miṭhalo mi hna thi cu ti tan bantukin an tan lai.

SALM 59:10

A ka dawtu ka Pathian nih a ka don lai, ka ral cu a ka teipiak hna lai.

SALM 91:8

Miṭhalo cu zeitindah dantatnak a in kha na zoh lai i na hmuh lai.

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

ISAIAH 63:8

Bawipa nih aa thawh i, “Annih cu ka mi an si, an ka hleng lai lo” a ti. Cucaah an harnak vialte chung khan a khamh hna.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

HOSEA 1:7

Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

JUDAS 1:5

Cucaah cun nan hngalh dihmi a si ko nain, Bawipa nih Israel mi cu Izipt ram chungin a chuahter hna i sihmanhsehlaw a hnuah a zum lomi cu a thah hnanak kong kha theihter ṭhan kan duh hna.

BIACEIHTU 10:11

Cun Bawipa nih Israel mi hna sinah cun, “Izipt mi hna le Amor mi hna le Ammon mi hna le Filistin mi hna sinin kan chuah hna lo maw?

1 SAMUEL 11:13

Sihmanhsehlaw Saul nih, “Nihin ah cun ahohmanh thah a si lai lo, zeicahtiah nihin ah hin Bawipa nih Israel mi lakah luatnak a ser,” tiah a ti.

1 SAMUEL 14:23

Cuticun khi ni ah Bawipa nih Israel cu a luatter; raldohnak cu Beth-aven pin tiang a phan.