EXODUS 14:22 - Lai (Hakha) Common Language Bible 2006

²² Israel mi cu rili chung khan vawlei ro cungin an kal, ti cu orhlei kam le kehlei kamah vampang bantukin aa chong.

EXODUS 14:22 ပူးပေါင်းရင်းမြစ်များ

2 SIANGPAHRANG 2:14

Cun a rung tlami Elijah puan kha aa lak i ti kha a tuk i, “Bawipa, Elijah i Pathian cu khuazei ah dah a um?” tiah a ti. Cun ti kha a tuk tikah, ti cu a sumlei le a hnalei ah an i ṭhen i Elisha cu va ral ah a kai.

2 SIANGPAHRANG 2:8

Cun Elijah nih a puan kha aa lak i a zual i ti kha a tuk i an pahnih in lei ro cungin an va kai hlan tiang, ti cu khattelei kam le khattelei kamah an i ṭhen.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

SALM 106:9

Rili Sen cu nawl a pek i a ro, cun a mi cu vawlei ro cung kal bantukin a kalpi hna.

SALM 136:13

Rili Sen kha a cheu, a dawtnak cu zungzal in a hmun.

SALM 136:14

A mi cu rili chung khan a hruai hna, a dawtnak cu zungzal in a hmun.

SALM 66:6

Rili cu vawlei ro ah a canter i kan pupa hna nih tiva cu an ke in an tan. Cuka ah cun, a tuahmi thil ruangah khan kan i lawm.

SALM 74:15

Cerhti le tiput cu na luanter hna i tiva ngan cu na carter hna.

SALM 78:13

Rili kha a cheu i a chungin a hruai hna; ti cu vampang bantukin a dirter hna.

EXODUS 14:29

Asinain Israel mi tu cu rili chung khan vawlei ro cungin an kal i ti cu an orhlei le an kehlei ah khan vampang bantukin an i chong.

EXODUS 15:19

Faro rangtum hna cu a rangleng le a mawngtu hna he khan rili chungah an lut i Bawipa nih ti cu a kir ṭhan i a khuh dih hna. Sihmanhsehlaw Israel mi cu rili chung khan vawlei ro cungin an kal.

EXODUS 15:8

Na thaw in na chem i ti cu an i chong, a luang liomi ti cu vampang bangin a dir; rili thuk cu a ne tiangin a hak.

ISAIAH 11:15

Bawipa nih thli lin a chuahter lai i cu thli lin nih cun Nail tiva le Zufrates tiva kha a kaoter hna lai i tiva hme tete pasarih lawng kha a nganh hna lai caah ahopaoh nih an tan khawh hna lai.

ISAIAH 11:16

Assiria ram chung i a tangmi a mi hna caah khan, an pupa nih Izipt ram in an rak zam tikah Bawipa nih lam nganpi a serpiak hna bang khan, Assiria ram chung cun lam nganpi pakhat a um lai.

ISAIAH 43:16

Hlanpi ah hin Bawipa nih rili tan in lam pakhat a rak ser i cu lam cu tilet chungin a kal.

ISAIAH 51:10

Rili ti kha a kaoter i rili chungin lam a tuahtu kha nangmah na si i na khamhmi hna nih khan cuka cun an tan.

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

ISAIAH 63:13

Bawipa nih ti thuk a tanpi lio hna ah khan, ramlak rang bantukin an ke a fek i voi khat hmanh an ril lo.

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

NAMBAR 33:8

Cun Hahiroth hmai cun an tho i rili cu an tan i ramlak ah cun an lut i Etham ramlak ah cun ni thum an kal i Marah ah an riak.

1 KORIN 10:1

Ka u le ka nau hna, Moses a zulmi kan pupa hna cung i a tlungmi thil kha philh hlah u ti kan duh hna. Annih cu an dihlak in minmei nih khan a runven hna i Rili Sen kha him tein an tan.

HEBRU 11:29

Rili Sen, vawlei ro cung bantukin Israel mi a tantertu hna kha zumhnak a si; Izipt mi nih tan an timh ve tikah ti nih khan a dolh hna.

JOSHUA 3:16

cunglei in a rungmi ti kha an dir i lam hlatpi ah Zarethan ram pawng i a ummi khua Adam ah cun a bu in an dir i, Arabah rili, Cite Rili lei i a vung luangmi cu an cat dih; cun Jeriko khua zawn cun mi nih cun an tan.

JOSHUA 3:17

Cun Israel mi vialte nih leiro cungin an tan lioah, Jordan tiva chungah cun, Bawipa biakamnak kuang a zawntu tlangbawi hna kha, an phun ning piin Jordan tiva cu an tan dih hlantiang, leiro cungah cun an dir.

JOSHUA 4:22

khi tikah nan fale hna cu, ‘Israel mi nih hi. Jordan hi vawlei ro cungin an rak tan,’ tiah nan hngalhter hna lai.

1 SAMUEL 25:16

annih cu an sin i tuu cawng in kan um chung vialte zan ah siseh, chun ah siseh, kan caah hauhruang an si.