EXODUS 14:14 - Lai (Hakha) Common Language Bible 2006

¹⁴ Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

EXODUS 14:14 ပူးပေါင်းရင်းမြစ်များ

2 CHANRELNAK 20:15

Cun anih nih a thawh i, “Judah mi vialte le Jerusalem mi hna le Siangpahrang Jehoshafat hna, thei tuah u: Bawipa nih hi bangin nan sinah, ‘Hi mibu nganpi ruangah nan thinphang in nan lung dong hlah u; zeicahtiah hi raldohnak cu nanmah ta a si lo, Pathian i a si.

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.

2 CHANRELNAK 20:29

Cun Bawipa nih Israel mi hna i an ral cu a tuk hna ti an theih tikah ram kip mi nih Bawipa cu an ṭih.

NEHEMIAH 4:14

Cun thil umtuning kha ka hei zoh i, tuavon hna le bawi hna le mi zapi a dang dang hna kha, “Annih cu ṭih hna hlah u. A lian a ngan i ṭih a nungmi Bawipa kha hngal camcin tuah u, cun nan unau hna le nan fapa hna le nan fanu hna le nan nupi hna le nan inn hna caah khan do hna u,” tiah ka ti hna.

NEHEMIAH 4:20

Cucaah muko tum thawng nan theihnak hmun paoh ah, khika ah kan sinah nan i pum tawn lai. Kan Pathian nih a kan dohpiak lai,” tiah ka ti.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

SALM 35:1

A ka dohmi kha do ve hna law a ka tumi kha tu ve hna, Maw Bawipa.

SALM 50:3

Kan Pathian cu a ra lio, sihmanhsehlaw dai tein a rat cu a si lai lo, a alh hluahmahmi mei a hmaiah khan a um i ṭih a nungmi thlichia nih a zual.

SALM 83:1

Maw Pathian, um sawhsawh ko hlah; dai zirziar le holh loin um hlah, maw Pathian!

EXODUS 14:15

Bawipa nih Moses cu, “Zeicahdah na ka auh len ko? Israel mi kha hmaiah kal u, ti hna.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

EXODUS 15:3

Bawipa cu ralkap a si, a min cu Bawipa a si.

ISAIAH 30:15

Bawipa Pathian, Israel Pathian Thiang nih cun a mi cu a thawh hna i, “Ra kir u law dai tein keimah kha ka bochan ko u. Cu ti nan um ahcun nan ṭhawng lai i him tein nan um lai,” a ti hna. Sihmanhsehlaw cu bantukin um cu nan duh lo.

ṬAHNAK HLA 3:26

Cucaah a kan khamhnak ding cu lungsau in kan hngah awk a si.

DEUTERONOMI 1:30

Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,’ tiah ka ti.

DEUTERONOMI 20:4

zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

DEUTERONOMI 3:22

Nan ṭih hna lai lo, zeitintiah Bawipa nan Pathian cu an dohpiaktu hna a si,’ tiah ka ti.

JOSHUA 10:10

Cun Bawipa nih Israel mi hna hmaiah cun a comcawroi loin a zamter hna i, Gibeon ah cun tampi an thah hna, Beth-horon i hung kainak lam ah cun an dawi hna i Azekah le Makkedah khua tiang an thah lengmang hna.

JOSHUA 10:14

Cu bantuk ni, Bawipa nih minung aw a ngaih ni bantuk kha, cu hlanah siseh cu hnuah siseh a um bal lo; zeitintiah Bawipa nih Israel cu a dohpiak.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

JOSHUA 23:10

Bawipa nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

JOSHUA 23:3

cun nannih nih Bawipa nan Pathian nih hi miphun vialte hna cungah nan caah a tuahmi kha nan hmuh cang, zeitintiah nannih an dohpiaktu hna cu Bawipa nan Pathian kha a si.

BIACEIHTU 5:20

Vancung khin arfi nih an run tuk, An lam khin Sisera cu an run tuk.

1 SAMUEL 4:7

Filistin mi hna cu an thin a phang i, “Riahhmun chungah khuazing an phan cang,” tiah an ti. Cun annih nih, “Bialo kan si ai! Hi bantuk hi cu hlanah a um bal lo.