EXODUS 13:16 - Lai (Hakha) Common Language Bible 2006

¹⁶ Bawipa nih Izipt ram in ṭhawnnak lianngan in a kan chuahpi caah hi phunglam cu nan caah, nan ban i nan i khihmi hmelchunhnak le nan cal i nan i ṭem chihmi hmelchunhnak bantukin, thil an hngalhter ṭhantu hna a si lai,” a ti.

EXODUS 13:16 ပူးပေါင်းရင်းမြစ်များ

NEHEMIAH 1:10

Annih cu nangmah nih na ṭhawnnak a nganmi le a ṭhawngmi na kut in na tlanhmi hna na sal le na mi an si.

SALM 136:11

Israel mi kha Izipt ram chungin a chuahpi hna, a dawtnak cu zungzal in a hmun.

EXODUS 12:13

Thisen hi nannih nan umnak inn hmelchunhnak a si lai. Thisen kha ka hmuh tikah nannih cu kan lanhtak hna lai i Izipt ram ka hrem tikah dantatnak nih a chuahtermi rawhralnak cu nan cungah a tlung lai lo.

EXODUS 12:41

Kum za li le sawm thum a tlin nite ah khan Bawipa ralkapbu vialte hna cu Izipt ram cun an chuak.

EXODUS 13:14

Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.

EXODUS 13:9

Bawipa nih ṭhawnnak nganpi in Izipt ram in an chuahpi hna caah Bawipa phungbia cu nan chim zungzal awk a si lai, cu bantukin nan chim zungzal khawh nakhnga hi phunglam cu nan ban i nan i khihmi hmelchunhnak le nan cal i nan i ṭem chihmi ruah nolhtertu bantukin, thil an theih ṭhantertu hna a si lai.

EXODUS 6:1

Cun Bawipa nih Moses cu a thawh i, “Atu cu Faro cungah zeidah ka tuah lai ti kha na hmuh cang lai. Annih kalter dingah khan a hnek hrimhrim in ka hnek lai. A ram chungin a ṭhawl hrimhrim in an ṭhawl hna lai,” a ti.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

PHUNGTHLÛKBIA 6:21

Na lung ah i hren chih zungzal hna law na hngawng ah i khih hna.

DANIEL 9:15

“Maw Bawipa kan Pathian, nangmah nih na mi hna Izipt ram in na chuahpi hnanak ah khan na ṭhawnnak cu na langhter i na ṭhawnnak cu atu tiangin hngalh camcin a si ko. Kannih cu kan sual cang, kannih cu kan palh cang.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

LAMKALTU 13:17

Hi Israel miphun Pathian nih hin, kan pupa hna kha a rak thim hna i Izipt ram chung i ramdangmi bantukin khua an vung sak lioah khan miphun nganpi ah a ser hna. Pathian nih a liannganmi a ṭhawnnak in Izipt ram in a chuahter hna i

DEUTERONOMI 11:18

“Cucaah hi ka bia hna cu nan lung chung le nan ruahnak chungah nan khumh hna lai i, nan kut ah chingchiahnak caah nan khih hna lai i, nan mit le nan mit kar i hmelchunhnak caah an si lai.

DEUTERONOMI 26:8

Cun Bawipa nih a ṭhawngmi kut le samhmi ban in, ṭihnung pipi le hmelchunhnak le khuaruahharnak hna he Izipt ram chungin a kan chuahpi.

DEUTERONOMI 5:15

Izipt ram ah sal na rak si le Bawipa na Pathian nih khika khan a ṭhawngmi kut le samhmi ban in an chuahpi kha na cinken lai; cu caah Bawipa na Pathian nih sabbath ni kha ulh awkah nawl a rak in pek.

DEUTERONOMI 6:21

khi tikah na fapa sinah cun, ‘Kannih cu Izipt ram ah Faro sal kan rak si i Bawipa nih Izipt ram chung cun a ṭhawngmi kut in a kan chuahpi;

BIACEIHTU 2:12

Bawipa an pupa hna Pathian, Izipt ram in a chuahpitu hna kha an hlawt; an velchum i a ummi hna pathian hna lak hin pathian dang kha an zulh hna i an hmaiah an kun i Bawipa cu a thin an hunter.