EXODUS 13:14 - Lai (Hakha) Common Language Bible 2006

^14-15 Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.

EXODUS 13:14 ပူးပေါင်းရင်းမြစ်များ

GENESIS 30:33

Hihi a zafangmi thil a si tiah ka ruah. Hmailei ah ka din le din lo cu fawi tein na hmuh khawh ko lai. Ka ṭuan man kha na rak zoh hna tikah, ka meheh hna lakah a ṭial lomi le a ṭialning a deh in aa dehmi a si lomi le tuufa a nak lomi na hmuh hna ahcun, cucu a fir in firmi an si ti kha na hngalh lai,” a ti.

1 CHANRELNAK 16:12

A tuahmi khuaruahhar rian le khuaruahharnak a tuahmi hna le Biakhiahnak a chimmi hna cu philh hlah u,

NEHEMIAH 1:10

Annih cu nangmah nih na ṭhawnnak a nganmi le a ṭhawngmi na kut in na tlanhmi hna na sal le na mi an si.

SALM 136:11

Israel mi kha Izipt ram chungin a chuahpi hna, a dawtnak cu zungzal in a hmun.

SALM 145:4

Na tuah sernak cu chan khat hnu chan khat thangṭhat a si lai, thil khuaruahhar na tuahmi cu aupi an si lai.

SALM 78:4

Bawipa ṭhawnnak le amah nih thil lianngan a tuahmi hna le, thil khuaruahhar a tuahmi hna kha, kan fale cu chim loin kan um hna lai lo, kan hmai chan mi kha kan chimh hna lai.

EXODUS 10:2

Cun cu lawng si loin annih lakah hi khuaruahharmi thil ka tuah tikah zeitindah Izipt mi cu mihrut ah ka ser hna ti kha nan fale le nan fale fachin kha nan chimh hna nakhnga caah a si fawn. Nan dihlak in Bawipa ka si kha nan hngalh lai,” a ti.

EXODUS 12:41

Kum za li le sawm thum a tlin nite ah khan Bawipa ralkapbu vialte hna cu Izipt ram cun an chuak.

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

EXODUS 13:8

Cu ni ah cun nan fapa kha nan thawh hna lai i, ‘Hi ti kan tuahmi vialte hi Izipt ram in kan rak chuah tikah khan Bawipa nih kan ca i a tuahmi philh lonak caah a si,’ tiah nan chimh hna lai.

EXODUS 13:9

Bawipa nih ṭhawnnak nganpi in Izipt ram in an chuahpi hna caah Bawipa phungbia cu nan chim zungzal awk a si lai, cu bantukin nan chim zungzal khawh nakhnga hi phunglam cu nan ban i nan i khihmi hmelchunhnak le nan cal i nan i ṭem chihmi ruah nolhtertu bantukin, thil an theih ṭhantertu hna a si lai.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 6:1

Cun Bawipa nih Moses cu a thawh i, “Atu cu Faro cungah zeidah ka tuah lai ti kha na hmuh cang lai. Annih kalter dingah khan a hnek hrimhrim in ka hnek lai. A ram chungin a ṭhawl hrimhrim in an ṭhawl hna lai,” a ti.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

JEREMIAH 34:13

Hihi Bawipa, Israel Pathian bia cu a si: Nan pupa hna cu Izipt ram in, saltannak ram chungin ka chuahpi hna tikah annih sinah biakamnak ka ser.

DANIEL 9:15

“Maw Bawipa kan Pathian, nangmah nih na mi hna Izipt ram in na chuahpi hnanak ah khan na ṭhawnnak cu na langhter i na ṭhawnnak cu atu tiangin hngalh camcin a si ko. Kannih cu kan sual cang, kannih cu kan palh cang.

LAMKALTU 13:17

Hi Israel miphun Pathian nih hin, kan pupa hna kha a rak thim hna i Izipt ram chung i ramdangmi bantukin khua an vung sak lioah khan miphun nganpi ah a ser hna. Pathian nih a liannganmi a ṭhawnnak in Izipt ram in a chuahter hna i

DEUTERONOMI 5:15

Izipt ram ah sal na rak si le Bawipa na Pathian nih khika khan a ṭhawngmi kut le samhmi ban in an chuahpi kha na cinken lai; cu caah Bawipa na Pathian nih sabbath ni kha ulh awkah nawl a rak in pek.

DEUTERONOMI 5:6

“ ‘Keimah cu Bawipa na Pathian, Izipt ram, sal sinak inn chungin an chuahpitu ka si.

DEUTERONOMI 6:12

khi tikah Izipt ram, sal cannak inn a simi chung khan, an chuahpitu Bawipa kha na philh sual nakhnga lo, i ralring tuah.

JOSHUA 22:24

Cu tuahnak ding caah kan tuahmi a si lo, kan tuahnak cu hmailei ah nan fale nih kan fale cu, “Bawipa Israel Pathian he zei tlaihnak dah nan ngeih?

JOSHUA 24:17

Zeitintiah Bawipa kan Pathian cu kanmah le kan pupa hna kha sal taannak inn, Izipt ram in a kan chuahpitu le kan mithmuh ah hmelchunhnak lianngan a tuahtu le kan kalnak kip le kan palmi miphun kip lakah a kan zuahtu kha a si;

JOSHUA 4:6

cun hmailei caan ah nan tefa hna nih, ‘Hi lung hna hi nan caah zei sullam dah an si?’ tiah an in hal tik hna ah, mah hihi nan lakah hmelchunhnak a si lai.

BIACEIHTU 2:12

Bawipa an pupa hna Pathian, Izipt ram in a chuahpitu hna kha an hlawt; an velchum i a ummi hna pathian hna lak hin pathian dang kha an zulh hna i an hmaiah an kun i Bawipa cu a thin an hunter.

BIACEIHTU 6:8

Israel mi sinah cun Bawipa nih profet pakhat a thlah; cun anih nih annih sinah “Hi bangin, Bawipa, Israel Pathian nih, Izipt ram in ka hun in hruai hna i saltannak inn chungin kan chuah hna;